سیف علی خان پر چاقو حملہ کیس میں بنگلا دیشی خاتون گرفتار
اشاعت کی تاریخ: 27th, January 2025 GMT
بالی وڈ اسٹار سیف علی خان پر چاقو حملہ کیس میں پولیس نے بنگلا دیشی خاتون کو گرفتار کرلیا۔
بھارتی میڈیا کے مطابق پولیس نے دوران تفتیش پایا کہ سیف علی خان پر حملے کے الزام میں گرفتار کیے گئے بنگلا دیشی شہری کے پاس جو موبائل سم تھا، وہ کسی خاتون کے نام تھا، اس لیے پولیس ریاست مغربی بنگال گئی، جہاں سے کھاکومنی شیخ نامی خاتون کو گرفتار کرلیا گیا۔
رپورٹ کے مطابق ممبئی پولیس نے مغربی بنگال کے ضلع نادیہ سے کھاکومنی شیخ نامی خاتون کو گرفتار کیا ہے جسے راہداری ریمانڈ پر ممبئی لایا جائے گا۔
ممبئی پولیس کا دعویٰ ہے کہ خاتون ریاست مغربی بنگال کے ضلع نادیہ میں رہائش پذیرتھی اور وہ گرفتار ملزم شریف الاسلام کی رشتے دار ہے، دونوں رابطے میں تھے جب کہ ملزم خاتون کے نام سے رجسٹرڈ فون سم استعمال کرتا تھا۔
رپورٹ کے مطابق ممبئی پولیس گرفتار کی گئی خاتون کو راہداری ریمانڈ پر ریاست مہاراشٹر منتقل کرے گی، جہاں پہلے ہی ایک مبینہ بنگلہ دیشی ملزم شریف الاسلام کو گرفتار کیا جا چکا ہے۔
ذریعہ: Daily Mumtaz
پڑھیں:
ملتان :خاتون پر بدترین تشدد کرنے والا شوہر اور دیور گرفتار
—فائل فوٹوملتان کے علاقے کوٹلہ وارث شاہ میں بیوی پر تشدد کرنے والے شوہر اور اس کے دیور کو گرفتار کر لیا گیا ہے۔
ترجمان سیف سٹی کے مطابق3 روز قبل ویمن ورچوئل پولیس اسٹیشن پر خاتون نے کال کر کے بتایا کہ اس کے شوہر اور دیور نے مل کر اسے بد ترین تشدد کا نشانہ بنایا ہے۔
ورچوئل ویمن پولیس اسٹیشن نے فوری کارروائی کرتے ہوئے متعلقہ پولیس کو موقع پر روانہ کیا۔
راولپنڈی کے تھانہ نصیرآباد کے علاقے میں شوہر نے تشدد کر کے بیوی کو قتل کر دیا۔
خاتون کی درخواست پر اس کے شوہر اور دیور کے خلاف مقدمہ بھی درج کیا گیا۔
پولیس نے گھر سے فرار ہونے والے خاتون کے شوہر اور دیور کو آج گرفتار کر لیا۔
دہشتگردی کا خاتمہ… ترقی وخوشحالی کا ضامن