بانی پی ٹی آئی عمران خان کو رہا کیا جائے ،میاں سرفراز
اشاعت کی تاریخ: 27th, January 2025 GMT
حیدرآباد(اسٹاف رپورٹر)پاکستان تحریک انصاف میاں سرفراز ٹائون کی جانب سے اجلاس منعقد کیا گیا جس سے خطاب کرتے ہوئے صدر میاں سرفراز ٹائون عدنان دیسوالی نے کہا کہ بانی پی ٹی آئی عمران خان،بشرہ بی بی،شاہ محمود قریشی و دیگر تمام بیگناہ سیاسی اسیران کی جلد رہائی کا مطالبہ کیا گیا اور کہا کہ ستتر سال سے جاری فرسودہ نظام کے خاتمے آئین و قانون کی بالادستی فلاحی ریاست کے قیام اور بنیادی حقوق سے محروم عوام کے لیے سدائے حق بلند کرنے کی پاداش میں کروڑوں پاکستانیوں کی دل کی آواز عمران خان کو جھوٹے مقدمات میں پھنسا کر پابند سلاسل کر دیا گیا اور سیرت النبی و دیگر اسلامی تعلیمات کے فروغ کے لیے قائم کی جانے والی عظیم درسگاہ القادر یونیورسٹی میں 190 ملین پاؤنڈ کے بھونڈے کیس میں سزا جیسے شرمناک عمل کو قوم کبھی نہیں بھولے گی قوم دیکھے گی کہ جلد عالیٰ عدالتوں سے اس کیس میں بھی حق و انصاف کی جیت ہوگی اور مٹھائیاں کھانے اور خوشیاں منانے والے صفِ ماتم مچائیں گے پلیٹ لیٹس،وہیل چیئر،اور بے ساکھیوں کا سہارا لیکر دھول جھونکنے والے سیاسی بونوں کا ماضی و حال سے قوم بخوبی واقف ہوچکی ہے پیکا ایکٹ 26 ویں غیر آئینی ترمیم اور 8 فروری 2024 ء کو عوامی مینڈیٹ پر ڈاکہ ڈال کر عوام کی جانب منتخب کردہ حقیقی نمائندوں کو حق سے محروم کرتے ہوئے فارم 47 کے تحت مسلط کردہ حکومت کو کبھی تسلیم نہیں کریں گے اور اس کے خلاف ہر فورم پر توانا و بھرپور آواز بلند کرتے رہیں گے آخر میں ملکی سلامتی مظبوط و مستحکم پاکستان کے لیے دعا کی گئی اور حادثاتی طور پر دارِ فانی کوچ کر جانے میاں سرفراز ٹائون کے ذمیدار عدنان خان یوسف زئی کے چھوٹے بھائی کیلیے دُعائے مغفرت کی گئی۔ اس موقع پر جنرل سیکرٹری عدیل تنولی،سینئر نائب صدر عدنان خان یوسفزئی، شاہد قریشی،رئیس دیسوالی،ناصر خان و دیگر ذمے داران موجود تھے۔
.ذریعہ: Jasarat News
کلیدی لفظ: میاں سرفراز
پڑھیں:
عمران خان کو عدالت میں پیش کرنے کیلئے خصوصی گارڈز مانگ لیے گئے
— فائل فوٹواڈیالہ جیل حکام نے بانیٔ پی ٹی آئی کو عدالت میں پیش کرنے کے لیے خصوصی سیکیورٹی مانگ لی۔
بانیٔ پی ٹی آئی کو 15 اپریل کو ڈسٹرکٹ اینڈ سیشن کورٹ اسلام آباد کے ایڈیشنل سیشن جج افضل مجوکہ نے پیش کرنے کی ہدایت کر رکھی ہے۔
بانی پی ٹی آئی سے ملاقات کے لیے آج اڈیالہ جیل میں ابھی تک کوئی رہنما نہیں پہنچا۔
بانیٔ پی ٹی آئی کی اقدامِ قتل، جعلی رسیدوں اور دیگر کیسز میں ضمانتیں زیرِ سماعت ہیں۔
سپرنٹنڈنٹ اڈیالہ جیل کی جانب سے سیکیورٹی کے لیے خط لکھا گیا ہے جس میں بانیٔ پی ٹی آئی کی سیکیورٹی کے لیے اڈیالہ جیل حکام نے خصوصی گارڈز مانگے ہیں۔
ملتان، ایم ڈبلیو ایم کے زیراہتمام اسرائیلی جارحیت کیخلاف احتجاجی مظاہرہ، شہداء کی یاد میں شمعیں روشن