پاکستان سرمایہ نہ بھیجنے کی اپیل نامناسب ہے، مفتاح اسماعیل
اشاعت کی تاریخ: 26th, January 2025 GMT
اوورسیز پاکستانی اپنی فیملی کو پیسہ بھیجنے سے نہیں رکیں گے، مفتاح اسماعیل - فوٹو: فائل
عوام پاکستان پارٹی (اے پی پی) کے سیکریٹری جنرل مفتاح اسماعیل نے کہا ہے کہ پاکستان سرمایہ نہ بھیجنے کی اپیل کرنا نامناسب ہے، بانی پی ٹی آئی کی اپیل پر اوورسیز پاکستانیوں نے پیسہ بھیجنا بند نہیں کیا۔
لندن میں پارٹی سربراہ کے ہمراہ پریس کانفرنس سے خطاب کرتے ہوئے انہوں نے کہا کہ اوورسیز پاکستانی اپنی فیملی کو پیسہ بھیجنے سے نہیں رکیں گے۔
نواز شریف کو 8 فروری کو اللّٰہ نے موقع دیا، انہوں نے گنوا دیا، سربراہ عوام پاکستان پارٹی
مفتاح اسماعیل کا کہنا تھا کہ پاکستان میں افراط زر میں کمی آئی ہے، مگر منہگائی مزید بڑھی ہے۔
انہوں نے کہا کہ عوام کی قوت خرید میں کمی آئی ہے، پاکستان کا ہر شہری گزرتے سال کے ساتھ غریب ہو رہا ہے۔ 40 فیصد پاکستانی خط غربت سے نیچے ہیں۔
مفتاح اسماعیل کا کہنا تھا کہ سات کروڑ بچے خط غربت سے نیچے زندگی گزار رہے ہیں۔ شہباز شریف صرف اپنی کرسی بچانے کیلئے بیٹھے ہیں۔
.ذریعہ: Jang News
کلیدی لفظ: مفتاح اسماعیل
پڑھیں:
مخالفین کی تمام تر سازشیں ناکام ہو چکیں ‘ رانا مشہود
لاہور: چیئرمین وزیراعظم یوتھ پروگرام رانا مشہوداحمد خان میڈیا سے گفتگو کررہے ہیںلاہور(صباح نیوز) چیئرمین وزیر اعظم یوتھ پروگرام رانا مشہود احمد خان نے کہا ہے کہ ملک ترقی کی راہ پر گامزن ہو چکا ہے،مخالفین کی ترقی کا سفر روکنے کی تمام تر سازشیں ناکام ہو چکی ہیں ،معاشی ترقی کے لیے کوششوں کے ثمرات سامنے آ رہے ہیں،ترکیہ کے صدر جلدپاکستان کا دورہ کریں گے،آئندہ بجٹ میں عوام کو مزید خوشخبریاں دیں گے۔ان خیالات کا اظہار
انہوں نے اتوار کے روز گلشن راوی میں تقریب سے خطاب کرتے ہوئے کیا۔ انہوں نے کہاکہ وزیر اعظم محمد شہباز شریف کی مدبررانہ قیادت اور حکومت کی مثبت پالیسیوں کی بدولت ملک ترقی کی راہ پر گامزن ہو چکا ہے،پاکستان میں بیرونی سرمایہ کاری آرہی ہے اور تمام تر معاشی اشارئیے مثبت ،سٹاک مارکیٹ نے نئے ریکارڈ قائم کئے ہیں ،اڑان پاکستان پروگرام ملکی ترقی میں کلیدی کردار ادا کرے گا۔ وزیر اعظم ملک کو بحرانوں سے نکالنے کے لیے دن رات کوشاں ہیں ۔ انہوں نے کہا کہ حکومت معاشی استحکام کے ساتھ ساتھ عوام کو بنیادی سہولیات کی فراہمی کے لیے بھی تمام وسائل بروئے کا ر لارہی ہے جس سے عام آدمی کا معیار زندگی بلند ہو رہا ہے۔رانا مشہود احمد خان نے کہا کہ مسلم لیگ (ن)نے ہمیشہ ملک کو بحرانوں سے نکال کر ترقی اور خوشحالی کے راستے پر گامزن کرنے میں کامیاب ہوئی ہے اور اب بھی مہنگائی پر قابو پانے کے لیے کوششیں جاری ہیں ،جس کے اثرات عام آدمی تک پہنچنا شروع ہو چکے ہیں ،مسلم لیگ (ن)جب بھی اقتدار میں آتی ہے ،ملک بھر میں ترقیاتی منصوبے شروع ہو جاتے ہیں جو پارٹی قیادت کی عوام دوستی اور ملکی تعمیر و ترقی کی ضامن ہونے کا واضح ثبوت ہے۔ انہوں نے کہا کہ سابق دور حکومت میں ایک ٹولے نے پاکستان کی نظریاتی اساس پر حملے کئے ، پاکستان کو شام ایران بنانے ،قومی اداروں کو مفلوج کرنے ،امریکہ میں پاکستان کے خلاف قرار دادیں پاس کروانے کی کوشش کی،آئی ایم ایف سے ڈیل کو ناکام کرنے کی کوشش کی،آئی ایم ایف کے باہر احتجاج کیا گیا،سول نافرمانی اور ملک میں دنگا فساد کروانے کی کوشش کی گئی،ملک کو ناقابل تلافی نقصان پہنچایا اور ملکی معیشت کا جنازہ نکال کر رکھ دیا،دوست ممالک ناراض ہو گئے ،بیرون سرمایہ کاری رک گئی ،ملک دیوالہ ہونے کے قریب چلا گیا ،ہم نے اپنی سیاست کی پروا کئے بغیر ملک کو دیوالیہ ہونے سے بچایا اوران کی تمام سازشیں ناکام ہو گئیں ۔انہوں نے کہاکہ حکومت تجارت اور سرمایہ کاری میں اضافے کی پالیسیوں پر عمل پیرا ہے ،عالمی سطح پر پاکستان کے وقار میں اضافہ ہوا،جلد ترکی کے صدر پاکستان کا دورہ کریں گے، حکومت ماضی کی طرح قرض نہیں لے رہی بلکہ سرمایہ کاری کو ترجیح دے رہی ہے۔ پبلک اور پرائیویٹ سیکٹر بیرونی ممالک سرمایہ کاری کر رہے ہیں جس سے ملک میں مزید سرمایہ اور خوشحالی آئے گی۔ چیئرمین وزیر اعظم یوتھ پروگرام نے کہا کہ قائد محمد نواز شریف کے ویژن کے مطابق وزیر اعظم دن رات محنت کر کے پاکستان کی مخالف قوتوں کو ایک ہی جواب دے رہے ہیں کہ پاکستان کی ترقی کو اب کوئی نہیں روک سکتا۔،پاکستان کے خلاف سازش کرنے والوں کا اب کوئی والی وارث نہیں ہے۔انہوں نے کہا کہ ہمارا ہدف اس ملک کو اور عوام کو خوشحال بنانا ہے ،آئندہ بجٹ میں عوام کو مزید سہولیات فراہم کی جائیں گی۔سزائوں کے حوالے سے پوچھے گئے ایک سوال کے جواب میں انہوں نے کہا کہ عدالتیں میرٹ اور آئین کی بنیاد پر فیصلے دے رہی ہیں،اپوزیشن کو اگر کسی فیصلے پر اعتراض ہے تو عدالت سے رجوع کرنا چاہیے ۔ رانا مشہود نے دکھی انسانیت کی خدمت کے حوالے سے ریسکیو1122کے کردار کو خراج تحسین پیش کرتے ہوئے کہا کہ وزیر اعلی پنجاب کی رہنمائی میں ڈی جی ریسکیو ڈاکٹر رضوان نصیر نے کیپسٹی بلڈنگ کر کے اس ادارے کوعالمی معیار کا ادارا ہ بنا دیا ہے جو دنیا بھر میں اپنی خدمات سر انجام دے رہا ہے۔
جسٹس اعجاز سواتی نے قائم مقام چیف جسٹس بلوچستان کے عہدے کا حلف اٹھالیا