تحصیل چیرمین مزمل حسین فصیح کی گرفتاری شرمناک عمل ہے، ایم ڈبلیو ایم بلوچستان
اشاعت کی تاریخ: 26th, January 2025 GMT
کوئٹہ میں منعقدہ اجلاس سے خطاب کرتے ہوئے ایم ڈبلیو ایم کے رہنماؤں نے کہا کہ حکومت کیجانب سے کراچی اور پاراچنار میں پرامن مظاہرین کیخلاف مقدمات کا اندراج اور تحصیل چیرمین مزمل حسین فصیح کی گرفتاری شرمناک عمل ہے۔ اسلام ٹائمز۔ مجلس وحدت مسلمین بلوچستان کے رہنماؤں نے کہا ہے کہ حکومت کی جانب سے کراچی اور پاراچنار میں پرامن مظاہرین کے خلاف مقدمات کا اندراج اور تحصیل چیرمین مزمل حسین فصیح کی گرفتاری شرمناک عمل ہے۔ ان خیالات کا اظہار انہوں نے ایم ڈبلیو ایم بلوچستان کے صوبائی دفتر علمدار روڈ کوئٹہ میں منعقدہ ایم ڈبلیو ایم سٹی کوئٹہ کی ضلعی شوریٰ کے اجلاس کے موقع پر گفتگو کرتے ہوئے کیا۔ اجلاس سے مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی، صوبائی صدر علامہ سید ظفر عباس شمسی، صوبائی جنرل سیکرٹری علامہ سہیل اکبر شیرازی، صوبائی سینیئر نائب صدر علامہ ولایت حسین جعفری، ڈپٹی جنرل سیکرٹری علامہ ذاکر حسین درانی، قائم مقام صدر حاجی الطاف حسین ہزارہ، ضلعی جنرل سیکرٹری حاجی غلام حسین اخلاقی، سیکرٹری روابط فرید احمد و دیگر اراکین کابینہ و یونٹس شریک ہوئے۔ اجلاس میں کوئٹہ میں مظلومین پاراچنار کے حق دینے والے کارکنوں اور عوام کی حوصلہ افزائی کی گئی۔
اس موقع پر اجلاس سے خطاب کرتے ہوئے علامہ مقصود علی ڈونکی نے کہا کہ کوئٹہ کے اہل تشیع نے شدید سردی کے باوجود مظلومین پاراجنار کی حمایت میں دھرنا دیا۔ ہم انہیں خراج تحسین پیش کرتے ہیں۔ حکومت کی جانب سے کراچی اور پاراچنار میں پرامن مظاہرین کے خلاف مقدمات کا اندراج اور تحصیل چیرمین مزمل حسین فصیح کی گرفتاری شرمناک عمل ہے۔ صوبائی صدر علامہ سید ظفر عباس شمسی نے کہا کہ ہمارے جوانوں، بزرگوں، ماؤں، بہنوں اور بیٹیوں نے کوئٹہ کی سردی میں مسلسل کئی روز تک دھرنا دے کر یہ ثابت کیا کہ پورا پاکستان ضلع کرم کے مظلوموں کے درد کو محسوس کر رہا ہے۔ حکومت نے دھرنے کے پرامن شرکاء کو خوفزدہ کیا، مگر ہمارے کارکنوں اور رہنماؤں نے استقامت کا مظاہرہ کیا۔
اس موقع پر گفتگو کرتے ہوئے علامہ سہیل اکبر شیرازی نے کہا کہ بلوچستان کے مختلف اضلاع میں ہم نے مظلومین پاراچنار کے حق میں مظاہرے کئے اور دھرنے دیئے۔ حکومت کو چاہئے کہ وہ پاراچنار کے عوام کے لئے امن و امان کا قیام یقینی بنائے اور پاراچنار کے روڈ اور راستوں کو محفوظ بنائے۔ اس موقع پر علامہ ولایت حسین جعفری نے کہا کہ قائد شہید کی سرزمین پاراچنار پوری ملت کی محبتوں کا مرکز ہے۔ اس موقع پر ضلعی جنرل سیکرٹری غلام حسین اخلاقی نے ضلعی کارکردگی رپورٹ پیش کی۔ اجلاس کے آغاز میں ضلعی نائب صدر حاجی الطاف حسین نے کہا کہ افتتاحی کلمات پیش کئے اور بتایا کہ ائندہ مہینے مختلف یونٹس کے دورجات کئے جائیں گے۔
ذریعہ: Islam Times
کلیدی لفظ: ایم ڈبلیو ایم جنرل سیکرٹری اور پاراچنار پاراچنار کے کرتے ہوئے نے کہا کہ
پڑھیں:
چوہدری شجاعت مسلم لیگ ق کے بلامقابلہ صدر منتخب ہو گئے
لاہور(ڈیلی پاکستان آن لائن)پاکستان مسلم لیگ ق کے انٹرا پارٹی انتخابات میں چوہدری شجاعت حسین مسلم لیگ ق کے بلامقابلہ صدر اور طارق حسن بلا مقابلہ سیکرٹری جنرل منتخب ہوگئے۔انٹرا پارٹی انتخابات کا انعقاد مسلم لیگ ق کی مرکزی جنرل کونسل کے اجلاس میں ہوا۔چوہدری سالک حسین مسلم لیگ ق کے سینئر نائب صدر منتخب ہوگئے۔ چوہدری شافع حسین مسلم لیگ پنجاب کے جنرل سیکرٹری اور ڈاکٹر محمد امجد مسلم لیگ ق کے چیف آرگنائزر اور غلام مصطفیٰ ملک مرکزی سیکرٹری اطلاعات مقرر ہوئے۔
اجلاس میں چاروں صوبوں، اسلام آباد اور گلگت بلتستان سے جنرل کونسل کے اراکین نے شرکت کی۔جنرل کونسل کے اجلاس میں مسئلہ کشمیر اور فلسطین میں مسلمانوں پر مظالم کی مذمت کی گئی۔اجلاس میں ملک میں جاری دہشت گردی کی مذمت کی گئی اور افواج پاکستان، رینجرز اور پولیس کو خراج تحسین پیش کیا گیا۔چوہدری شجاعت نے کہا کہ قرآن ہمارا منشور ہے، خدمت کی سیاست کریں، منافقت اور تکبر سے اجتناب کریں۔ان کا کہنا تھا کہ مسلم لیگ نے پاکستان بنایا تھا اور یہی جماعت پاکستان کو بچائےگی، تمام عہدیداران پارٹی کو منظم، مستحکم اور فعال بنائیں۔
صحافی برادری چاہتی ہے کہ فیز ٹو کا افتتاح مریم نواز خود کریں: صدر لاہور پریس کلب
مزید :
ترجمان سندھ حکومت کا مریم اورنگزیب کے بیان پر ردعمل