کاشف علی نے ٹیسٹ کرکٹ میں پہلے ہی اوور میں وکٹ حاصل کی
اشاعت کی تاریخ: 26th, January 2025 GMT
کاشف علی پاکستان کی جانب سے ٹیسٹ کرکٹ میں پہلے ہی اوور میںوکٹ حاصل کرنے والے بولرز میں اپنا نام لکھوانے میں کامیاب ہوگئے ہیں۔ اس تیز بولر نے ملتان میں ویسٹ انڈیز کے خلاف دوسرے ٹیسٹ کے پہلے دن اپنے پہلے اوور کی پانچویںبال پر جو ویسٹ انڈیز کی اننگ کا دوسرا اوور تھا میکائل لوئیس کو وکٹ کیپر محمد رضوان کے ہاتھوں کیچ کراکے ایسا کیا۔ ٹیسٹ کرکٹ میں وہ پہلے اوور میں وکٹ حاصل کرنے والے پاکستان کے بارہویں بولر بنے۔ پاکستان کیلئے ٹیسٹ کرکٹ میں شرکت کرنے والے وہ 259 ویں کھلاڑی ہیں۔ پہلے اوور میں وکٹ حاصل کرنے والے پہلے پاکستانی بولرلیگ بریک گگلی بولنگ کرانے والے انتخاب عالم تھے جنہوں نے 1959-60 میں کراچی میں آسڑیلیا کے خلاف پہلی ہی بال پر کولین میک ڈونالڈ کو بولڈ کیا تھا۔ انکے علاوہ 24 اور بولروں نے اپنی پہلی بال پر وکٹ حاصل کیا ہے ۔تیز بولر شاہد نذیر نے شیخوپورہ میں 1996-97 میں زمبابوے کے خلاف اپنا پہلا ٹیسٹ کھیلا تھا اور اپنے پہلے اوور کی چوتھی بال پر السٹیر کمپبل کو ایل بی ڈبلیو آئوٹ کیا تھا۔جنوبی افریقا کے خلاف ڈربن میں1997-98 میں تیز بولر فضل اکبر نے اپنے ٹیسٹ کیریر کی شروعات کی تھی اور پہلے اوور کی چھٹی بال پر گیری کرسٹین کو اپنا شکار بنایا تھا۔گیری کرسٹین کو اظہر محمود نے کیچ کیا تھا۔محمد سمیع بھی ان پالستانی بولروں میں شامل ہیں جنہوں نے اپنے پہلے اوور میں وکٹ حاصل کیا ہے۔ اس تیز بولرنے نیوزی لینڈ کے خلاف آکلینڈ میں 2000-01 میں پانچوں بال پر مارک رچرڈسن کو بولڈ کیا تھا۔سری لنکا کے مالندا ورنا ویرا کو گول میں 2009 میں کھیلے گئے ٹیسٹ میں تیز بولر محمد عامر نے اپنا شکار بنایا تھا۔ محمد عامر کا یہ پہلا ٹیسٹ تھا جس میں پہلے اوور کی چھٹی بال پر انہوں نے یہ وکٹ حاصل کیا تھا۔انہوں نے مالندا ورنا ویرا کو بولڈ کیا تھا۔ ابوظبہی میں نومبر 2010 میں جنوبی افریقا کے خلاف ہوئے ٹیسٹ میں تیز بولر تنویر احمد نے پہلے اوور کی دوسری بال پرالویرو پیٹر سن کو مصباح الحق کے ہاتھوں کیچ کرایا تھا۔ اس اننگ میں انہوں نے28 اوور میں120 رنز دیکر چھ کھلاڑیوں کو آئوٹ کیا تھا۔دائیں ہاتھ سے تیز بولنگ کرانے والے حسان عادل بھی پہلے اوور میں وکٹ حاصل کرنے والے پاکستانی بولروں میں شامل ہیں۔انہوں نے جنوبی افریقا کے خلاف سنچورین میں2012-13 میں ایسا کیا تھا۔ پہلے اوور کی تیسری بال پر انہوں نے گریم اسمتھ کو بولڈ کیا تھا۔ ویسٹ انڈیز کے خلاف کنگسٹن میں 2017 میں کھیلے گئے پہلے ٹیسٹ میں تیز بولر محمد عباس پہلے ہی اوور میں وکٹ حاصل کرنے میں کامیا ب رہے ۔ ویسٹ اندیز کی اننگ کے دوسرے اوور میں محمد عباس کی بال پر کریگ برتھویٹ کو دوسری سلپ میں یونس خان نے کیچ کیا تھا۔تیز بولر تابش خان پاکستان کی جانب سے ٹیسٹ کرکٹ میں پہلے ہی اوور میں وکٹ حاصل کرنے والے نویں بولر تھے۔ اس بولر نے زمبابوے کے خلاف ہرارے میں مئی 2021 میں دوسرے ٹیسٹ کے دوسرے دن زمبابوے کی پہلی اننگ میں اپنے پہلے اوور کی چھٹی بال پر تاری سائی موساکاندا کو ایل بی ڈبلیو کرکے ایسا کیا۔ اس ٹیسٹ کے بعد انہیں کبھی ٹیسٹ کھیلنے کا موقع نہیں ملا اور نہ ہی اس وکٹ کے بعد انہوں نے کوئی اور وکٹ حاصل کیا۔ صائم ایوب کو آسڑیلیا کے خلاف سڈنی میں جنوری2024 میں اپنا پہلا ٹیسٹ کھیلنے کا موقع ملا تھا۔ اس ٹیسٹ میں انہوں نے بولنگ نہیں کی تھی۔ بنگلا دیش کے خلاف راولپنڈی میں اگست 2024 میںپہلے ٹیسٹ کے تیسرے دن جب انہیں پاکستانی کپتان شان مسعود نے بولنگ کے لئے بلایا تو انہوں نے پہلے اوور کی چوتھی بال پر ثاقب الحسن کا وکٹ لیکر اپنا نام ان نو پاکستانی بولروں میں شامل کرالیا جنہوں نے ان سے پہلے ٹسٹ کرکٹ میں پہلے ہی اوور میں وکٹ حاصل کیا تھا۔
.
ذریعہ: Al Qamar Online
کلیدی لفظ: پاکستان کھیل ٹیسٹ کرکٹ میں میں تیز بولر وکٹ حاصل کیا وکٹ حاصل کی ا کے خلاف انہوں نے ٹیسٹ میں ٹیسٹ کے بال پر
پڑھیں:
43 سالہ دھونی نے کرکٹ میں کون سا نیا ریکارڈ بنالیا؟
بھارتی کرکٹ کے لیجنڈ اور چنئی سپر کنگز (CSK) کے اسٹینڈ اِن کپتان مہندر سنگھ دھونی نے انڈین پریمیئر لیگ (IPL) 2025 میں شاندار کارکردگی کے ذریعے نیا ریکارڈ قائم کر دیا۔ لکھنؤ سپر جائنٹس (LSG) کے خلاف میچ میں دھونی نے صرف 11 گیندوں پر 26 رنز کی دھواں دار اننگز کھیل کر ٹیم کو سنسنی خیز فتح دلائی۔
بھارت رتنا اٹل بہاری واجپائی ایکانا کرکٹ اسٹیڈیم، لکھنؤ میں کھیلے گئے مقابلے میں دھونی کو ان کی برق رفتار اننگز پر پلیئر آف دی میچ کا اعزاز دیا گیا اور یوں وہ آئی پی ایل کی تاریخ میں یہ اعزاز حاصل کرنے والے سب سے عمر رسیدہ کھلاڑی بن گئے۔ 43 سال اور 280 دن کی عمر میں یہ کارنامہ انجام دے کر انہوں نے پروین تمبے کا 11 سال پرانا ریکارڈ توڑ دیا، جنہوں نے 2014 میں 42 سال 208 دن کی عمر میں یہ اعزاز جیتا تھا۔
مزید پڑھیں: بابراعظم نے مہندرسنگھ دھونی کو بھی پیچھے چھوڑ دیا
میچ کے بعد گفتگو کرتے ہوئے دھونی نے اعتراف کیا کہ ٹیم کی بیٹنگ مزید بہتری کی متقاضی ہے۔ ان کا کہنا تھا کہ بطور بولنگ یونٹ ہم نے عمدہ کارکردگی دکھائی، لیکن بیٹنگ میں ابھی بہتری کی گنجائش ہے۔ ہمیں اپنے کردار اور ذمے داریوں کو سمجھنا ہوگا۔ اگر کوئی بلے باز اچھی شروعات کرے تو اُسے اننگز کو مکمل کرنے کی کوشش کرنی چاہیے۔
???? MS DHONI BECOMES THE OLDEST PLAYER IN IPL HISTORY TO WIN THE POTM AWARD – 43. ???? pic.twitter.com/MHV1Y2TMEN
— Mufaddal Vohra (@mufaddal_vohra) April 14, 2025
دھونی نے نوجوان بلے باز شیخ رشید کی بھی تعریف کی اور کہا کہ شیخ رشید نیٹس میں بھی تیزی سے بہتر ہورہا ہے اور اُس کے پاس مستند شاٹس کے ساتھ حریف بولرز پر حاوی ہونے کی صلاحیت ہے۔
مزید پڑھیں: ’میچ جلدی جیتو، بچے کی آمد قریب ہے‘، دھونی کی بیوی کی انسٹا اسٹوری وائرل
دلچسپ بات یہ رہی کہ ایم ایس دھونی خود پلیئر آف دی میچ کا ایوارڈ ملنے پر حیران دکھائی دیے، ان کا کہنا تھا کہ مجھے تو لگا کہ یہ ایوارڈ نور احمد کو ملنا چاہیے تھا، اُس نے زبردست بولنگ کی۔
یاد رہے کہ چنئی سپر کنگز کی یہ اس سیزن میں دوسری فتح ہے اور دھونی کی جانب سے اس عمر میں ایسی جارحانہ اننگز نے ایک بار پھر شائقین کرکٹ کو خوشگوار حیرت میں ڈال دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی پی ایل بھارت چنئی سپر کنگز مہندر سنگھ دھونی مین آف دی میچ
خیبرپور میں نامعلوم ملزمان نے صحافی کو قتل کردیا