سرفراز احمد کی جگہ کوئٹہ گلیڈی ایٹرز کا نیا کپتان کون ہوگا؟
اشاعت کی تاریخ: 22nd, January 2025 GMT
کوئٹہ گلیڈی ایٹرز کے مڈل آرڈر بلے باز سعود شکیل کو پاکستان سپر لیگ (پی ایس ایل) کے 10ویں ایڈیشن میں کپتان کا عہدہ سونپے جانے کا امکان ہے۔ شکیل کو کپتان مقرر کرنے کا فیصلہ ایسے وقت میں کیا گیا ہے جب گلیڈی ایٹرز 2025 کے سیزن کے لیے اپنے اسکواڈ کو مضبوط بنانے کی کوشش کر رہی ہے۔
باوثوق ذرائع کے مطابق گلیڈی ایٹرز نے ہیڈ کوچ معین خان کے ساتھ متحرک کمبی نیشن کے لیے 29 سالہ سعود شکیل کو کپتان مقرر کرنے کا فیصلہ کیا ہے۔ گزشتہ روز گلیڈی ایٹرز نے بھی تصدیق کی تھی کہ ان کے موجودہ ہیڈ کوچ شین واٹسن پی ایس ایل 10 کے لیے دستیاب نہیں ہوں گے۔ فرنچائز نے وضاحت کی کہ واٹسن کی عدم دستیابی لیگ کی ونڈو کی ری شیڈولنگ کی وجہ سے تھی، پاکستان کرکٹ بورڈ (پی سی بی) نے آئی سی سی مینز چیمپیئنز ٹرافی 2025 کو ایڈجسٹ کرنے کا فیصلہ کیا تھا۔
مزید پڑھیں: تمام فارمیٹس اور پی ایس ایل کھیلنا چاہتا ہوں مگر موقع نہیں دیا جارہا، ساجد خان
کوئٹہ گلیڈی ایٹرز کی جانب سے جاری بیان میں کہا گیا ہے کہ کوئٹہ گلیڈی ایٹرز کے ہیڈ کوچ شین واٹسن لیگ کی ونڈو میں تبدیلی کے باعث ایچ بی ایل پی ایس ایل سیزن 10 کے لیے ہیڈ کوچ کے عہدے پر برقرار نہیں رہ سکیں گے جس سے ان کے پہلے سے طے شدہ طویل المدتی معاہدوں پر اثر پڑے گا۔
بیان میں مزید کہا گیا ہے کہ واٹسن فرنچائز کے لیے خوش قسمت رہے ہیں کیونکہ گلیڈی ایٹرز نے پی ایس ایل کا ٹائٹل اس وقت جیتا تھا جب وہ بطور کھلاڑی شامل ہوئے تھے اور واٹسن کے ہیڈ کوچ بننے پر ٹیم نے 4 سال کے وقفے کے بعد پلے آف کے لیے کوالیفائی کیا تھا۔ واٹسن کی عدم موجودگی کے پیش نظر یہ اطلاعات ہیں کہ معین خان پی ایس ایل 10 کے لیے ہیڈ کوچ کا عہدہ سنبھالیں گے۔
مزید پڑھیں: پی ایس ایل بائیکاٹ کے اعلان کے بعد علی ترین کی احسان اللہ کو بڑی پیشکش
علاوہ ازیں سرفراز احمد کو ممکنہ طور پر گلیڈی ایٹرز کے ڈائریکٹر آف کرکٹ کی ذمہ داری سونپے جانے کے حوالے سے بھی بات چیت جاری ہے۔ چیمپیئنز کپ کے دوران مینٹورنگ کرنے والے سرفراز یہ نیا عہدہ سنبھال سکتے ہیں تاہم اس دوران انہیں پی سی بی کی جانب سے تنخواہ نہیں ملے گی۔ گلیڈی ایٹرز کے ساتھ ان کا تعلق لیگ کے آغاز سے ہے، اور وہ ان کی کامیابی میں کلیدی کردار ادا کرتے ہیں، جس نے ٹیم کو 2019 میں اپنا واحد پی ایس ایل ٹائٹل دلوایا تھا۔
سرفراز احمد نے بطور کپتان 86 میچوں میں 29.
مزید پڑھیں: انگلینڈ کے بلے باز جیمز ونس نے پی ایس ایل کے لیے فرسٹ کلاس کرکٹ چھوڑ دی
پی ایس ایل کے 2023 ایڈیشن میں سعود شکیل کی کارکردگی نے انہیں کپتانی کا مضبوط دعویدار بنا دیا ہے۔ انہوں نے 10 میچوں میں 141.66 کے اسٹرائیک ریٹ سے 323 رنز بنائے، جن میں 2 نصف سینچریاں بھی شامل ہیں، اور ٹورنامنٹ کے 7ویں سب سے زیادہ رنز بنانے والے کھلاڑی بن گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان سپر لیگ پی ایس ایل سرفراز احمد سعود شکیل کوئٹہ گلیڈی ایٹرزذریعہ: WE News
کلیدی لفظ: پاکستان سپر لیگ پی ایس ایل سعود شکیل کوئٹہ گلیڈی ایٹرز کوئٹہ گلیڈی ایٹرز پی ایس ایل سعود شکیل شکیل کو ہیڈ کوچ کے لیے
پڑھیں:
پی ایس ایل 10: اسلام آباد یونائیٹڈ کی پشاور زلمی کے خلاف بیٹنگ جاری
پاکستان سپر لیگ (پی ایس ایل) کے پانچویں میچ میں اسلام آباد یونائیٹڈ نے ٹاس جیت کر پشاور زلمی کے خلاف پہلے بیٹنگ کا فیصلہ کرلیا، جس کے بعد ان کی بیٹنگ جاری ہے۔
آج کا میچ راولپنڈی کے کرکٹ اسٹیڈیم میں کھیلا جارہا ہے، جہاں اسلام آباد یونائیٹڈ کے کپتان شاداب خان نے ٹاس جیت کر بیٹنگ کا فیصلہ کیا۔
پشاور زلمی اسکواڈ
آج کے میچ کے لیے پشاور زلمی کے اسکواڈ میں بابر اعظم (کپتان)، صائم ایوب، محمد حارث (وکٹ کیپر)، ٹام کوہلر، کیڈمور، مچل اوون، حسین طلعت، جارج لِنڈے، الزاری جوزف، محمد علی، سفیان مقیم اور علی رضا شامل ہیں۔
اسلام آباد یونائیٹڈ اسکواڈ
اسلام آباد یونائیٹڈ کے اسکواڈ میں شاداب خان (کپتان)، آندرے گوس، صاحبزادہ فرحان، کولن منرو، سلمان آغا، اعظم خان (وکٹ کیپر)، جیسن ہولڈر، عماد وسیم، سعد مسعود، نسیم شاہ اور بین ڈوارسہوئس شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام آباد یونائیٹڈ پاکستان سپر لیگ پشاور زلمی پی ایس ایل راولپنڈی اسٹیڈیم وی نیوز
4 اینٹی کرپشن کورٹس میں ججز تعینات ، نوٹیفکیشن جاری کردیا گیا