آئی فون یوزرز کیلیے 10 زبردست ٹپس جو زندگی کو آسان بنا دیں گی
اشاعت کی تاریخ: 22nd, January 2025 GMT
اگر آپ آئی فون یوزر ہیں یا آئی فون خریدنے والے ہیں تو آپ کو دنیا کے مشہور ترین اسمارٹ فونز کی ایسی 10 ٹپس اور ٹرکس کے بارے میں لازمی پتا ہونا چاہیے جو اس کی خصوصیات کو چار چاند لگا دیتی ہیں۔
اشتہار ہٹائیںاگر آپ کا شمار بھی ان لوگوں میں ہوتا ہے جو غیر ضروری اشتہارات سے تنگ رہتے ہیں تو اب فکر کی کوئی بات نہیں، آئی فون کے سفاری براؤزر میں جا کر الٹے ہاتھ کی جانب نیچے کے آپشنز پر کلک کرنا ہے، اس میں “hide and distracting items” پر کلک کریں، اس کے بعد پیج پر ہر اشتہار کے آگے “hide” لکھا نظر آنے لگے گا، جس پر کلک کر کے آپ ان چاہے اشتہار سے چھٹکارا حاصل کرسکتے ہیں۔
Formula: Safari Browser > Options > “Hide and distracting items” > Tap “Hide” for ads.
ہیپٹک ٹچ کے ذریعے آپ کسی بھی ایپلیکیشن کو کھولے بغیر ہی تھوڑی دیر آئکن دبا کر رکھیں تو بنیادی سیٹنگز سامنے آجاتی ہیں۔ مثال کے طور پر اگر آپ کو وائی فائی کا پیج کھولنا ہے تو یہ کام کسی بھی ایپلیکیشن آئکن کو تھوڑی دیر پریس کرکے کیا جاسکتا ہے۔ اس کے علاوہ ہیپٹک ٹچ سے ٹارچ کی روشنی کو بڑھایا یا کم کیا جاسکتا ہے۔
اس کے لیے آپ کو آئی فون کا کنٹرول سیل سوائپ کرکے ٹارچ پر تھوڑی دیر ٹیپ کو ہولڈ کرکے رکھنا ہے، جس کے بعد انٹینسٹی کے مختلف لیول سامنے آجائیں گے، آپ اپنی مرضی کا انٹینسٹی لیول آن کرسکتے ہیں۔ اسی طرح اسکرین ریکارڈنگ کرتے ہوئے اگر مخصوص آئکن پر ٹیپ کرکے ہولڈ کیا جائے تو مائیکروفون آن کرنے کا آپشن بھی سامنے آجائے گا، یعنی آپ آواز کے ساتھ بھی اسکرین ریکارڈنگ کرسکتے ہیں۔ ہیپٹک ٹچ کی مدد سے آپ صرف کلاک پر ٹیپ اور ہولڈ کرکے ٹائمر یا اسٹاپ واچ کا ایکسس بھی حاصل کرسکتے ہیں۔
Formula: Press app icon > Open quick settings > Adjust torch intensity or access features.
اگر آپ کو گیلری میں موجود تصویر کسی کو واٹس ایپ کرنی ہے یا پھر کسی اور ایپلیکیشن پر بھیجنی ہے تو اس کے لیے ایپ میں جاکر گیلری کھولنے کی کوئی ضرورت نہیں، بلکہ گیلری میں جاکر فوٹو کو تھوڑی دیر پریس کریں، جس کے بعد کاپی کا آپشن آجائے گا، اس پر کلک کرکے آپ کسی بھی چیٹ میں وہ تصویر پیسٹ کرکے سینڈ کرسکتے ہیں۔
Formula: Open gallery > Long press photo > Tap copy > Paste in chat.
اکثر ایسا ہوتا ہے کہ انسٹاگرام پر ریل دیکھتے ہوئے ہم میوزک پہچاننے کی کوشش کرتے ہیں یا پھر کہیں بھی کوئی دھن پسند آجائے تو دوبارہ سننے کے لیے اس کا نام جاننا چاہتے ہیں، تو اس کا حل بھی آئی فون میں موجود ہے۔
اس کے لیے آپ کو آئی فون کے کنٹرول پینل پر Shazam Music Recognition کو آن کرنا ہوگا۔ جس کے بعد فون کچھ سیکنڈ میوزک سن کر اس کی تفصیلات آپ کی اسکرین پر شئیر کر دے گا۔
Formula: Control Panel > Enable Shazam > Let it listen to music.
اس فیچر کے بارے میں بہت کم لوگ جانتے ہیں۔ بیک ٹیپ فیچر آن کرنے کے لیے سب سے پہلے سیٹنگز میں جائیں اور اس کے بعد accessibility پھر touch پر کلک کریں اور پھر سب سے نیچے آ کر back tap کے آپشن پر کلک کرنا ہے۔
ڈبل ٹیپ پر کلک کرنے سے وہ تمام فیچرز سامنے آجائیں گے جن کو آپ سیلیکٹ کرسکتے ہیں۔ اس میں اسکرین روٹیشن، ٹارچ، لاک اسکرین اور اسکرین شاٹ وغیرہ شامل ہیں۔
آپ اپنی مرضی کے مطابق کوئی بھی فیچر سیلیکٹ کرسکتے ہیں۔ اسی طرح ٹرپل ٹیپ کا آپشن بھی موجود ہے۔ ان دونوں فیچرز کے ساتھ آپ موبائل کھولے بغیر ہی مطلوبہ کام کر سکتے ہیں۔
Formula: Settings > Accessibility > Touch > Back Tap > Assign actions to double or triple tap.
آپ کے آئی فون کی اسکرین لاک ہونے کے بعد اگر کوئی آپ کا کنٹرول سینٹر ایکسس کرسکتا ہے، تو وہ بہت آسانی سے آپ کے فون کو ایئر پلین موڈ پر ڈالنے کے علاوہ اور بھی کئی تبدیلیاں کرسکتا ہے۔
اس ایکسس کو ختم کرنے کے لیے سب سے پہلے سیٹنگز میں جائیں اس کے بعد face id and passcode یا touch id and passcode par اپنا پاس کوڈ ڈالیں، جس کے بعد آپ کے سامنے کئی آپشنز آجائیں گے، پھر allow acces when locked کے نیچے notification center اور control center کا آپشن آف کردیں۔ ایسا کرنے سے کوئی بھی آپ کی لاک اسکرین پر ایکسس حاصل نہیں کرسکے گا۔
Formula: Settings > Face/Touch ID & Passcode > Enter passcode > Disable “Allow access when locked” options.
کچھ لوگ کسی ضروری اور ارجنٹ کام کے لیے آپ کا فون مانگتے تو ہیں، لیکن شرافت سے واپس کرنے کے بجائے فوٹو گیلری یا کوئی دوسری ایپ کھنگالنے بیٹھ جاتے ہیں۔
لیکن اب فکر کی کوئی بات نہیں، کیوں کہ آئی فون اس مسئلے کا بھی حل دیتا ہے۔ اس کے لیے سب سے پہلے اپنے فون کی سیٹنگز میں جائیں اور پھر accessibility میں جا کر سب سے نیچے guided access پر کلک کرکے اسے آن کر لیں۔
اس کے بعد پاس سیٹ گائڈڈ پاس کوڈ سیٹنگ کا آپشن آجائے گا، کوئی بھی پاس کوڈ ٹائپ کریں اور ری ٹائپ کرکے کنفرم کریں۔ اب سیٹنگز سے باہر آجائیں۔
جس ایپ تک ایکسس دینا چاہتے ہیں اسے کھولیں، 3 بار پاور کا بٹن دبائیں، اوپر اسٹارٹ کا بٹن نمودار ہوجائے گا، اس پر کلک کردیں، اب آپ کا گائڈڈ ایکسس اسٹارٹ ہوچکا ہے۔
Formula: Settings > Accessibility > Guided Access > Enable and set a passcode.
فون کی سیٹنگز میں جاتے ہی سب سے پہلے ایپل آئی ڈی نظر آتی ہے۔ اس کی وجہ سے کوئی بھی فون کھولنے والا آپ کی ایپل آئی ڈی میں جا سکتا ہے۔ سیکیورٹی کے لیے اس کو ہٹانا ممکن ہے۔
سب سے پہلے اسکرین ٹائم میں جائیں پھر content and privacy restrictions میں جا کر allow changes میں جا کر account changes پر کلک کریں، اور don’t allow پر کلک کر دیں۔ اس سے ایپل آئی ڈی پر کوئی ایکسس حاصل نہیں کرسکے گا۔
Formula: Settings > Screen Time > Content & Privacy Restrictions > Account Changes > Set to “Don’t Allow”.
جی ہاں، آئی فون کے پاور بٹن کو دبا کر “سیکرٹ” بولنے سے آپ کا آئی فون، کیمرہ کو اندرونی طور پر کھول کر تصویر کھینچ سکتا ہے۔ اس ٹپ سے خاص طور پر اس وقت فائدہ اٹھایا جاسکتا ہے جب آپ جلدی میں ہوں اور کیمرہ کھولنے کا وقت نہ ہو۔ بس اس کے لیے آپ کو سیٹنگ میں جا کر اس کا شارٹ کٹ ایڈ کرنا ہوگا۔
Formula: Settings > Shortcuts > Assign “Secret” to take a photo.
آئی فون کا سری فیچر آپ کے روزمرہ کے کئی کاموں کو آسان بنا سکتا ہے۔ اگر آپ کے پاس وقت کم ہو یا آپ ہاتھوں سے کام نہ کرسکیں، تو صرف “Hey Siri” کہیں اور اپنی ہدایت دیں۔
مثال کے طور پر آپ سری سے کال کرنے، میسج بھیجنے، یاد دہانی سیٹ کرنے، الارم لگانے، موسم کی معلومات لینے یا کسی ایپلیکیشن کو کھولنے کی درخواست کر سکتے ہیں۔ سری آپ کے کمانڈز کو فوراً سمجھ کر عمل کرے گی، اور یہ فیچر خاص طور پر ڈرائیونگ یا مصروف وقت میں بہت کارآمد ہوتا ہے۔
Formula: Say “Hey Siri” > Give command (e.g., set alarm, call, or send message).
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ: WE News
کلیدی لفظ: آئی فون سیٹنگ سیٹنگز میں کرسکتے ہیں سب سے پہلے جس کے بعد اس کے لیے کے لیے آپ اس کے بعد کوئی بھی آئی فون کا آپشن اگر آپ
پڑھیں:
ایک لاکھ سے ڈھائی کروڑ روپے: آسان کاروبار قرض سکیم کے لیے اپلائی کرنے کا طریقہ کار کیا ہے؟
وزیر اعلیٰ پنجاب مریم نواز کی جانب سے صوبے میں چھوٹے اور درمیانے درجے کے کاروباری اداروں کو فروغ دینے کے لیے بلاسود آسان کاروبار لون اسکیم کا آغاز کیا گیا ہے۔
اس اسکیم سے 21 سے 45 سال کے تمام پاکستانی مستفید ہوسکتے ہیں جو کاروبار کرنے کی صلاحیت رکھتے ہیں جبکہ آئی ٹی اور ای کامرس کے شعبوں میں کاروبار کرنے کے لئے عمر کی کم سے کم حد 18 سال ہے۔ یوتھ انٹرپرینورشپ اسکیم کے ذریعے آپ پاکستان میں کہیں بھی اپنا کاروبار شروع کرنے یا پہلے سے موجود کاروبار کو بڑھانے کے لئے قرض حاصل کر سکتے ہیں۔
واضح رہے کہ اس اقدام کو مختلف کاروباری ضروریات کو پورا کرنے کے لیے ڈیزائن کیا گیا ہے، جن میں اسٹارٹ اپس، کاروبار کی توسیع، جدت کاری، ورکنگ کیپیٹل، کمرشل لاجسٹکس، اور آب و ہوا کے موافق کاروبار شامل ہیں۔
یہ بھی پڑھیے:خیبرپختونخوا: اپنے کاروبار کے لیے بلاسود قرضوں کی فراہمی، نوجوانوں میں چیک تقسیم
اسکیم کا مقصد صوبے بھر میں ترجیحی شعبوں پر توجہ مرکوز کرتے ہوئے کاروباری، روزگار کی تخلیق اور برآمدات میں معاونت کے ذریعے معاشی ترقی کو آگے بڑھانا ہے۔
قرض کی رقم کو کن 3 درجوں پر تقسیم کیا گیا ہے؟
ٹیئر ون:
قرض کی حد 1 لاکھ سے 10 لاکھ روپے تک ہے۔
ٹیئر ٹو:
قرض کی حد 10 لاکھ سے 1 کروڑ روپے تک ہے۔
ٹیئر تھری:
قرض کی حد 1 کروڑ سے 2.5 کروڑ تک ہے۔
واضح رہے کہ قرضوں کی ادائیگی منظوری کی شرائط کے مطابق مساوی ماہانہ اقساط میں کی جائے گی اور لیٹ سرچارج روزانہ کی بنیاد پر ایک روپے سے ایک ہزار روپے تک فی دن لاگو ہوں گے۔
درخواست کا عمل
درخواست دہندگان کے پاس درخواست شروع کرنے سے پہلے درج ذیل دستاویزات جیسے پاسپورٹ سائز کی تصاویر اور شناختی کارڈ کی اسکین شدہ کاپیاں یا واضح تصاویر تیار ہونی چاہئیں۔
اس کے علاوہ، درخواست دینے کا عمل شروع کرنے سے پہلے یہ یقینی بنائیں کہ آپ کے پاس شناختی کارڈ سے رجسٹرڈ موبائل نمبر، نام، شناختی کارڈ کی کاپیاں، اور دو حوالوں کے موبائل نمبر (جو خون کے رشتہ دار نہ ہوں) موجود ہوں۔
اس کے علاوہ فعال ٹیکس فائلر کا ثبوت، کاروباری آمدنی اور اخراجات کی معلومات، کرایہ کا معاہدہ، ٹرانسفر لیٹر یا کاروبار اور رہائشی پتوں سے متعلق رجسٹری کی کاپیاں اور ادائیگی کی درخواست کے لیے فیس ہونی چاہیے۔
کولیٹرل (ازالے) میں جائیداد کی منتقلی کا خط، رجسٹری، فرد، یا سرکاری سیکیورٹیز دی جاسکتی ہیں۔
یہ بھی پڑھیے:وزیر اعلیٰ پنجاب فری سولر پینل اسکیم کا افتتاح، کتنے صارفین مستفید ہوسکیں گے؟
درخواست دینے کا عمل
درخواست دینے سے پہلے آپ کو مندرجہ ذیل چیزیں تیار کرنی ہوں گی:
پاسپورٹ سائز کی تصاویر: آپ کو اپنی تازہ اور واضح پاسپورٹ سائز کی تصاویر کی ضرورت ہوگی۔
شناختی کارڈ کی کاپیاں: آپ کے شناختی کارڈ کی دونوں طرف کی واضح کاپیاں لگانا ضروری ہے۔
موبائل نمبر: آپ کے شناختی کارڈ سے رجسٹرڈ موبائل نمبر، آپ کا نام اور شناختی کارڈ کی کاپیاں ہونا لازمی ہے۔
دو گواہوں کے نمبر: آپ کو دو ایسے لوگوں کے موبائل نمبر فراہم کرنا ہوں گے جو آپ کے خون کے رشتہ دار نہ ہوں۔
ٹیکس کا ثبوت: اگر آپ ٹیکس دیتے ہیں تو آپ کو ٹیکس فائلر کا سرٹیفکیٹ دینا ہوگا۔
کاروبار کی معلومات: اگر آپ کا کوئی کاروبار ہے تو آپ کو اس سے متعلق آمدنی اور اخراجات کی تفصیل فراہم کرنی ہوگی۔
رہائش کی معلومات: اگر آپ کرایے کے مکان میں رہتے ہیں تو آپ کو کرایہ کا معاہدہ دینا ہوگا۔ اگر آپ کا اپنا مکان ہے تو آپ کو اس کی رجسٹری کی کاپی دینی ہوگی۔
کاروبار کا پتہ: اگر آپ کا کوئی کاروبار ہے تو آپ کو اس کے پتے کی رجسٹری کی کاپی دینی ہوگی۔
آسان کاروبار لون پروسیسنگ فیس کتنی ہے؟
ٹیئر 2 کے لیے درخواست جمع کروانے کی فیس 5000 روپے ہے جبکہ ٹیئر 3 کے لیے درخواست جمع کروانے کی فیس 10 ہزار روپے ہے۔
ضمانت (کولیٹرل):
اگر آپ سے ضمانت مانگی جائے تو آپ مندرجہ ذیل چیزیں پیش کر سکتے ہیں:
جائیداد کی منتقلی کا خط
جائیداد کی رجسٹری
فرد
سرکاری سیکیورٹیز
یہ بھی پڑھیے:فوری قرضہ لینے کے لیے بااعتماد موبائل ایپس
درخواست کیسے پُر کریں؟
1۔ درخواست شروع کرنے کے لیے ایک اکاؤنٹ بنائیں۔
2۔ اس بات کو یقینی بنائیں کہ موبائل نمبر آپ کے نام پر رجسٹرڈ ہو۔
3۔ درخواست کو مکمل کرنے کے لیے کم از کم 15 منٹ مختص کریں۔
4۔ فارم جمع کروائیں۔
5۔ اگر ضرورت ہو تو اضافی معلومات اپ لوڈ کریں۔
درخواست جمع کرانے کے بعد
جب آپ اپنی درخواست جمع کروائیں گے تو آپ کو ایک رجسٹریشن نمبر دیا جائے گا۔ یہ نمبر آپ کو اسکرین پر دکھائی دے گا اور آپ کو ایس ایم ایس کے ذریعے بھی بھیجا جائے گا۔
اس رجسٹریشن نمبر کی مدد سے آپ اپنی درخواست کی پیشرفت کے بارے میں جان سکیں گے۔ آپ کو اس کے بارے میں باقاعدگی سے ایس ایم ایس کے ذریعے اطلاع ملتی رہے گی۔ اس کے علاوہ، آپ اس ویب سائٹ پر جا کر بھی اپنی درخواست کی تازہ صورتحال چیک کر سکتے ہیں جو آپ کو بتائی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Asaan Karobar Loan scheme karobar card آسان کاروبار لون اسکیم قرض
آج کا دن کیسا رہے گا؟