فیکٹ چیک: کیا عمران خان کو پہلے بری کیا گیا اور پھر سزا سنائی گئی؟
اشاعت کی تاریخ: 17th, January 2025 GMT
راولپنڈی کی اڈیالہ جیل میں قائم احتساب عدالت نے 190 ملین پاؤنڈ کے ریفرنس میں سابق وزیراعظم عمران خان کو مجرم قرار دیتے ہوئے 14 سال قید کی سزا سنا دی لیکن ایک نجی ٹی وی نے خبر نشر کی کہ عدالت نے عمران خان کو بری کر دیا ہے۔
پی ٹی آئی کے حامی صارفین نے نجی ٹی وی چینل کی جانب سے عمران خان کے بری ہونے کی خبر نشر ہونے کے بعد سوشل میڈیا پر یہ تاثر دیا گیا کہ عمران خان کو پہلے بری کیا گیا ہے اور پھر سزا سنا دی گئی ہے۔
پی ٹی آئی کے آفیشل ٹوئٹر ہینڈل سے ٹوئٹ کی گئی کہ پہلے عمران خان کو بری کرنے کی سلائیڈ چلائی گئی اور اس کے فوری بعد سزا سنانے والی خبر چلائی گئی، اس کا مطلب ہے جج صاحب کے ساتھ ساتھ کرنل صاحب نے ٹی وی چینلز کو بھی فیصلے کی دونوں کاپیاں بھیجی تھیں؟
پہلے عمران خان کو بری کرنے کی سلائیڈ چلائی گئی اور اسکے فوری بعد سزا سنانے والی خبر چلائی گئی، اسکا مطلب ہے جج صاحب کے ساتھ ساتھ کرنل صاحب نے ٹی وی چینلز کو بھی فیصلے کی دونوں کاپیاں بھیجی تھیں؟ #رسول_سے_وفا_خان_کا_گناہ pic.
— PTI (@PTIofficial) January 17, 2025
سلمان درانی نے لکھا کہ اے آر وائے نے فیصلہ آتے ہی سب سے پہلے یہ خبر چلائی کہ عمران خان کو 190 ملین پاؤنڈ کیس میں بری کردیا گیا ہے۔
اے آر وائے نے فیصلہ آتے ہی سب سے پہلے یہ خبر چلائی کہ عمران خان کو 190 ملین پاؤنڈ کیس میں بری کردیا گیا ہے۔ pic.twitter.com/qVHlQ4qbD1
— Salman Durrani (@DurraniViews) January 17, 2025
حلیم عادل شیخ نے بھی سوال کیا کہ پہلے سزا ہوئی اور پھر عمران خان کو بری کیا گیا؟
یہ کیا بکواس ہے ، پہلے بری پھر سزا ؟؟؟؟
لعنت ہزار اس پورے نظام پر pic.twitter.com/jxOWY8bVrj
— Haleem Adil Sheikh (@HaleemAdil) January 17, 2025
جہاں کئی صارفین نے عمران خان کو بری کرنے کا تاثر قائم کیا، وہیں چند صارفین اے آر وائی نیوز کو تنقید کا نشانہ بناتے نظر آئے۔ صحر انورد نامی صارف نے لکھا کہ اے آر وائی نیوز ’ جو نام ہے جھوٹ اور پروپیگنڈے کا‘۔
اے آر وائی نیوز
جو نام ھے جھوٹ اور پروپیگنڈے کا pic.twitter.com/W4Zs9uYmHS
— صحرانورد (@Aadiiroy2) January 17, 2025
نوید چوہدری نے طنزاً لکھا کہ پی ٹی آئی کے حامی صارفین ڈٹ گئے ہیں کہ وہ صرف اے آر وائی نیوز کا فیصلہ ہی مانیں گے جس میں انہوں نے عمران خان کو بری قرار دیا ہے۔
ہم صرف اے آر وائی کا فیصلہ مانیں گے
یوتھیے” ڈٹ “ گئے ???? pic.twitter.com/1Gnk1Umeq1
— Naveed Ch (@naveedch66) January 17, 2025
ایک صارف نے لکھا کہ اے آر وائی نے سب سے پہلے بریکنگ نیوز کے چکر میں غلط خبر نشر کر دی۔
اے آر وائے کا تاریخی فیصلہ
اے ار وائی نے سب اس سے پہلے بریکنگ کے چکر میں غلط خبر شائع کر دی pic.twitter.com/F0FFbpAxt6
— Sanaullah khan (@Sanaullahdad) January 17, 2025
شمع جونیجو لکھتی ہیں کہ پاکستانی الیکٹرانک میڈیا تاریخ کی سب سے بڑی فیک نیوز اے آر وائی نیوز نے دی ہے۔ انہوں نےکہا کہ اے آر وائی نےعمران خان کے بری ہونے کی جعلی خبر چلائی تاکہ پی ٹی آئی اسے پروپیگنڈہ کے لیے استعمال کرے اور وہی ہورہا ہے۔
پاکستانی الیکٹرونک میڈیا تاریخ کی سب سے بڑی فیک نیوز!
آج ARY نے عمران خان کے بری ہونے کی جعلی خبر کیوں چلائی
تاکہ PTI اسے پروپیگنڈہ کے لئے استعمال کرے اور وہی ہورہا ہے!
pic.twitter.com/KG0CgbIh6P
— Dr Shama Junejo (@ShamaJunejo) January 17, 2025
ایک ایکس صارف نے لکھا کہ اے آر وائی نیوز نے اپنی پوری کوشش کی کہ وہ عمران خان کو بری کروا سکیں۔
اے آر وائی نیوز نے اپنی پوری کوشش کی کہ وہ عمران خان کو بری کروا سکیں باقاعدہ ہیڈ لائن چلائی کہ 190 ملین پاؤنڈ ریفرنس میں عمران خان کو بری کر دیا گیا ہے۔ pic.twitter.com/PxJpGLKXgn
— Sabir Mehmood Hashmi (@SabirMehmood26) January 17, 2025
واضح رہے کہ اے آر وائی کے نیوز اینکر نے بعد میں تصحیح کی کہ عمران خان کو بری نہیں کیا گیا بلکہ انہیں 14 سال کی سزا سنائی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
190 ملین پاؤنڈز اسکینڈل القادر ٹرسٹ کیس عمران خان عمران خان بری عمران خان سزاذریعہ: WE News
کلیدی لفظ: 190 ملین پاؤنڈز اسکینڈل القادر ٹرسٹ کیس عمران خان کو بری کر اے ا ر وائی نیوز کہ عمران خان کو ملین پاؤنڈ اے آر وائی پی ٹی ا ئی خبر چلائی چلائی گئی پہلے بری کیا گیا دیا گیا سے پہلے گیا ہے
پڑھیں:
آپ نے گھبرانا نہیں ہے:عمران خان کا بیان
190 ملین پاؤنڈ ریفرنس میں سزا ملنے کے بعد ردعمل دیتے ہوئے بانی پاکستان تحریک انصاف (پی ٹی آئی) اور سابق وزیراعظم عمران خان نے کہا ہے کہ سب سے پہلے تو آپ نے گھبرانا نہیں ہے-سماجی رابطے کی ویب سائٹ ایکس پر جاری بیان میں عمران خان کا کہنا تھا کہ القادر ٹرسٹ کا ایسا فیصلہ ہے. جس کا پہلے ہی سب کو پتا تھا، چاہے فیصلے کی تاخیر ہو یا سزا کی بات سب پہلے ہی میڈیا پر آ جاتا ہے. عدالتی تاریخ میں ایسا مذاق کبھی نہیں دیکھا گیا. جس نے فیصلہ جج کو لکھ کر بھیجا ہے اسی نے میڈیا کو بھی لیک کیا-انہوں نے کہا کہ میں اس آمریت کو کبھی تسلیم نہیں کروں گا اور اس آمریت کے خلاف جدوجہد میں مجھے جتنی دیر بھی جیل کی کال کوٹھری میں رہنا پڑا. میں رہوں گا لیکن اپنے اصولوں اور قوم کی حقیقی آزادی کی جدوجہد پر سمجھوتہ نہیں کروں گا-انہوں نے کہا کہ ہمارا عزم حقیقی آزادی، جمہوریت اور قانون کی حکمرانی ہے، جس کے حصول تک اور آخری گیند تک لڑتے رہیں گے، کوئی ڈیل نہیں کروں گا اور تمام جھوٹے کیسز کا سامنا کروں گا-عمران خان کا مزید کہنا تھا کہ میں ایک بار پھر قوم کو کہتا ہوں کہ حمود الرحمٰن کمیشن رپورٹ پڑھیں، یحیٰی خان نے بھی ملک کو تباہ کیا اور آج بھی ڈکٹیٹر اپنی آمریت بچانے کے لیے اور اپنی ذات کے فائدے کے لیے یہ سب کر رہے ہیں اور ملک کو تباہی کے دہانے پر لا کر کھڑا کر دیا ہے-بانی پی ٹی آئی نے کہا کہ آج القادر ٹرسٹ کے کالے فیصلے کے بعد عدلیہ نے اپنی ساکھ مزید تباہ کر دی، جو جج آمریت کو سپورٹ کرتے ہیں، اور اشاروں پر چلتے ہیں، انہیں نوازا جاتا ہے-
ان کا کہنا تھا کہ یہ کیس تو دراصل نواز شریف اور ان کے بیٹے کے خلاف ہونا چاہیی تھا. جنہوں نے برطانیہ میں اپنی 9 ارب کی پراپرٹی ملک ریاض کو 18 ارب میں بیچی، سوال تو یہ ہونا چاہیے کہ ان کے پاس 9 ارب کہاں سے آئے؟ پانامہ میں ان سے جو رسیدیں مانگی گئیں وہ آج تک نہیں دی گئیں۔عمران خان نے الزام عائد کیا کہ سابق چیف جسٹس قاضی فائز عیسی کے ساتھ مل کر حدیبیہ پیپر ملز میں اربوں روپے کی منی لانڈرنگ معاف کروائی گئی۔سابق وزیراعظم کا کہنا تھا کہ القادر یونیورسٹی شوکت خانم اور نمل یونیورسٹی کی طرح ہی عوام کے لیے ایک مفت فلاحی ادارہ ہے، جہاں طلبہ سیرت النبی ﷺ کے بارے میں تعلیم حاصل کر رہے تھے، القادر یونیورسٹی سے مجھے یا بشرٰی بی بی کو ایک ٹکے کا بھی فائدہ نہیں ہوا اور حکومت کو ایک ٹکے کا بھی نقصان نہیں ہوا-انہوں نے کہا کہ القادر ٹرسٹ کی زمین بھی واپس لے لی گئی. جس سے صرف غریب طلبہ کا نقصان ہو گا جو سیرت النبی ﷺ کے بارے میں تعلیم حاصل کر رہے تھے-عمران خان کا کہنا تھا کہ القادر ٹرسٹ کا ایسا فیصلہ ہے. جس کا پہلے ہی سب کو پتا تھا. چاہے فیصلے کی تاخیر ہو یا سزا کی بات سب پہلے ہی میڈیا پر آ جاتا ہے، عدالتی تاریخ میں ایسا مذاق کبھی نہیں دیکھا گیا، جس نے فیصلہ جج کو لکھ کر بھیجا ہے اسی نے میڈیا کو بھی لیک کیا-انہوں نے کہا کہ میری اہلیہ ایک گھریلو خاتون ہیں، جن کا سیاست سے کوئی تعلق نہیں، بشرٰی بی بی کو صرف اس لیے سزا دی گئی تاکہ مجھے تکلیف پہنچا کر مجھ پر دباؤ ڈالا جائے، ان پر پہلے بھی گھٹیا کیسز بنائے گئے، لیکن بشرٰی بی بی نے ہمیشہ اسے اللہ کا امتحان سمجھ کر مقابلہ کیا ہے اور وہ میرے کاز کے ساتھ کھڑی رہی ہیں-سابق وزیراعظم عمران خان کا کہنا تھا کہ مذاکرات میں اگر 9 مئی اور 26 نومبر پر جوڈیشل کمیشن بنانے پر کوئی پیش رفت نہیں ہوتی تو وقت ضائع کرنے کا کوئی فائدہ نہیں. بددیانت لوگ کبھی نیوٹرل ایمپائرز کو نہیں آنے دیتے. حکومت جوڈیشل کمیشن کے مطالبے سے اسی لیے راہ فرار اختیار کر رہی ہے کیونکہ وہ بد دیانت ہے۔
واضح رہے کہ آج (17 جنوری) راولپنڈی کی اڈیالہ جیل میں قائم احتساب عدالت کے جج ناصر جاوید رانا نے 190 ملین پاؤنڈ کے ریفرنس میں بانی پاکستان تحریک انصاف (پی ٹی آئی) عمران خان کو مجرم قرار دیتے ہوئے 14 سال قید اور ان کی اہلیہ مجرمہ بشریٰ بی بی کو 7 سال قید کی سزا سنائی تھی، جس کے بعد بشریٰ بی بی کو کمرہ عدالت سے گرفتار کرلیا گیا تھا۔احتساب عدالت کے جج ناصر جاوید رانا نے عمران خان پر 10 لاکھ اور بشریٰ بی بی پر 5 لاکھ روپے جرمانہ بھی عائد کیا تھا. جرمانے کی عدم ادائیگی پر عمران خان کو مزید 6 ماہ جب کہ بشریٰ بی بی کو 3 ماہ کی قید کی سزا بھگتنا ہوگی۔
جے یو آئی کو زیر عتاب لایا جاتا ہے کہ لوگوں کو لڑاتے کیوں نہیں؟ فضل الرحمان