گل زمین فٹبال کلب،7میچز میں 36گول داغے گئے، پاک اسپورٹس ،شفیع محمد اوراحمد دائود کلب نمایاں
اشاعت کی تاریخ: 15th, January 2025 GMT
کراچی :گل زمین فٹبال کلب ککری گرائونڈ میں کھیلے گئے میچ میں گول کیپر گول روکنے کی کوشش کرتے ہوئے
کراچی (رپورٹ : عارف میمن) پیغام پاکستان اور مسلم یوتھ لیگ کے زیر اہتمام پاکستان کی تاریخ کا سب سے بڑا 15روزہ ’’گل زمین فٹبال کپ‘‘ کے فائنل کا اعلان کردیا گیا۔ 96 ٹیموں کے درمیان ہونے والے میچزکا فائنل 18جنوری کو کھیلا جائے گا، جس میں خوبصورت ٹرافی، لاکھوں کے نقد انعامات اور کئی دیگر اعزازات دیے جائیں گے۔ گل زمین فٹبال کپ روزانہ کی بنیاد پر ہونے والے میچز کا سلسلہ بھی جاری ہے۔ گزشتہ روزککری گرائونڈ لیاری، حیدری اسپورٹس گرائونڈ، محمدی اسپورٹس اسٹیڈیم ملیر میں 7 میچز کھیلے گئے۔ جس میں مجموعی طور پر 36 گول کیے گئے۔ پاک اسپورٹس، شفیع محمد اور احمد دائود 5-5گول سے نمایاں رہیں۔ تفصیلات کے مطابق کرکری گرائونڈ لیاری میں ہونے والے میچز کے دوران پہلا میچ پھول پتی اسٹار بمقابلہ نوجوان نواںلین کھیلا گیا۔ جس میں پھول پتی اسٹار نے 3-1 سے حریف ٹیم کو شکست دے کر جیت اپنے نام کرلی۔ دوسرا مقابلہ غریب شاہ یونین بمقابلہ پاک اسپورٹس ہوا جس میں پاک اسپورٹس نے غریب شاہ کو 5-3 سے شکست دے دی۔ تسیرا میچ شفیع محمد بمقابلہ لوہانی اسپورٹس کھیلا گیا جس میں شفیع محمد 5-0 نے حریف ٹیم کو شکست دے دی۔ محمدی اسپورٹس اسٹیڈیم میں کھیلے گئے میچز میں پہلا میچ ینگ ملیر بمقابلہ احمد دائوددکھیلا گیا جس میںاحمد دائود نے 5-4 سے حریف ٹیم کو شکست دے دی۔ دوسرا میچ ایم ای ایس ملیر کینٹ اور ملیر اسٹار ہوا۔ جس میں ملیر اسٹار نے 3-2 سے مدمقابل ٹیم کو شکست دے دی۔ اسی طرح سے حیدری اسپورٹس گرائونڈ میں کھیلے گئے میچز میں پہلا میچ اسماعیل میموریل بمقابلہ بلوچ بہار ہوا۔ جس میں اسماعیل میموریل نے 3-0 سے حریف ٹیم کو شکست دے دی۔ جبکہ دوسرا میچ ینگ جمال بمقابلہ حیدری اسپورٹس کھیلا گیا۔ جس میں حیدری اسپورٹس نے 2-0 سے جیت حاصل کی۔
.ذریعہ: Jasarat News
کلیدی لفظ: حریف ٹیم کو شکست دے ٹیم کو شکست دے دی حیدری اسپورٹس پاک اسپورٹس کھیلے گئے شفیع محمد
پڑھیں:
ملک میں پولیو وائرس کے پھیلاؤ اور کیسز میں نمایاں کمی
اسلام آباد:ملک بھر کے 31 اضلاع سے 35 ماحولیاتی نمونوں کے منفی ہونے کی تصدیق ہونے کے بعد ملک میں پولیو وائرس کے پھیلاؤ اور کیسز میں نمایاں کمی آگئی۔
نیشنل ای او سی کے مطابق 20 اضلاع کے 25 ماحولیاتی نمونوں میں پولیو وائرس کی موجودگی کی تصدیق ہوئی ہے جس کے لیے 21 تا 27 اپریل ملک بھر میں قومی پولیو مہم کا انعقاد کیا جائے گا۔
مہم کے دوران 4 کروڑ 50 لاکھ سے زائد بچوں کو قطرے پلائے جائیں گے۔ والدین سے درخواست ہے کہ مہم کے دوران اپنے بچوں کو پولیو کے قطرے لازمی پلوائیں۔
مسلسل ویکسینیشن کی بدولت نہ صرف قوتِ مدافعت میں اضافہ ہوتا ہے بلکہ بچوں کو پولیو سے بھی تحفظ ملتا ہے۔ پولیو سمیت دیگر مہلک بیماریوں سے بچاؤ کے لیے حفاظتی ٹیکہ جات کا کورس بروقت مکمل کروانا انتہائی ضروری ہے۔
امریکا نے پاکستان کیلئے گلوبل انڈرگریجویٹ ایکسچینج پروگرام ختم کردیا