گوہر رشید کی نکاح خواں کی موجودگی میں کاغذات پر دستخط کرنے کی ویڈیو وائرل
اشاعت کی تاریخ: 13th, January 2025 GMT
کراچی(شوبز ڈیسک)مقبول اداکار مرزا گوہر رشید کی جانب سے نکاح خواں اور متعدد شوبز شخصیات کی موجودگی میں کاغذات پر دستخط کرنے کی ویڈیو وائرل ہوگئی۔
سوشل میڈیا پر گوہر رشید کی جانب سے نکاح خواں کے ساتھ بیٹھ کر کاغذات پر دستخط کرنے کی ویڈیو ایک ایسے وقت میں وائرل ہوئی ہے جب کہ اداکار اور کبریٰ خان کی شادی کی افواہیں گرم ہیں۔
چند دن قبل ایک شوبز ویب سائٹ نے دعویٰ کیا تھا کہ گوہر رشید اور کبریٰ خان آئندہ ماہ فروری تک شادی کے بندھن میں بندھ جائیں گے۔
علاوہ ازیں گوہر رشید کی جانب سے بھی انسٹاگرام پر متعدد مبہم ویڈیوز شیئر کی جا چکی ہیں، جن میں متعدد شوبز شخصیات کو کسی شادی کی تقریب میں ڈانس کی تیاریاں کرتے دیکھا جا سکتا ہے۔
مذکورہ مبہم ویڈیوز کو شیئر کرتے ہوئے گوہر رشید نے میرے یار کی شادی وغیرہ کے کیپشن اور ہیش ٹیگز بھی استعمال کیے، جس کے بعد سوشل میڈیا صارفین نے شک کا اظہار کیا کہ شاید اداکار اپنی اور کبریٰ خان کی شادی کی بات کر رہے ہیں۔
ایسی افواہوں کے بعد اب گوہر رشید کی جانب سے نکاح خواں کے ساتھ بیٹھ کر کاغذات پر دسخط کرنے کی مختصر ویڈیو سوشل میڈیا پر وائرل ہوگئی۔
یہ واضح نہیں ہے کہ مذکورہ ویڈیو کی حقیقت کیا ہے؟ تاہم اداکار کو نکاح کی ہدایت کے مطابق کاغذات پر دستخط کرتے دیکھا جا سکتا ہے۔
ویڈیو میں حمزہ علی عباسی کو بھی دیکھا جا سکتا ہے جو کہ گوہر رشید کو دستخط کرنے کی ہدایت کرتے دکھائی دیتے ہیں۔
مذکورہ ویڈیو وائرل ہونے کے بعض افراد نے دعویٰ کیا کہ گوہر رشید اپنے نکاح نامے پر دستخط کر رہے ہیں جب کہ کچھ نے لکھا کہ پرانی ویڈیو ہے، اداکار کسی اور کے نکاح نامے پر بطور گواہ دستخط کر رہے ہیں۔
نکاح خواں کی موجودگی میں کاغذات پر دستخط کرنے کی ویڈیو وائرل ہونے کے باوجود گوہر رشید نے کوئی وضاحت جاری نہیں کی۔
View this post on InstagramA post shared by FHM PAKISTAN (@fhmpakistan)
مزیدپڑھیں:بھارتی اداکار ساحل خان کی اہلیہ نے اسلام قبول کرلیا
ذریعہ: Daily Ausaf
کلیدی لفظ: گوہر رشید کی جانب سے ویڈیو وائرل نکاح خواں
پڑھیں:
امتحانی پرچہ سوشل میڈیا پر وائرل کرنیوالوں کی شامت ،وارننگ جاری
لاہور : امتحانی پرچہ سوشل میڈیا پر وائرل والوں کی شامت آگئی، اب 3سال قید اور 50 ہزار روپے جرمانہ یا دونوں ہو سکتے ہیں۔
تفصیلات کے مطابق تعلیمی بورڈ نے پرچہ سوشل میڈیا پر وائرل کرنے کے خلاف قواعد و ضوابط تبدیل کردیے اور اس حوالے سے نوٹیفکیشن جاری کردیا۔نوٹیفکیشن میں بتایا کہ امتحانی پرچہ آؤٹ کرنے کی سزا 3سال قید اور 50 ہزار روپے جرمانہ یا دونوں ہو سکتے ہیں۔نوٹیفکیشن میں کہا گیا کہ غیر متعلقہ شخص کسی بھی امتحانی مرکز اور پریکٹیکل لیبارٹری میں داخل نہیں ہوگا، غیر متعلقہ شخص کے امتحانی مرکز اور پریکٹیکل لیبارٹری میں داخل ہونے پرمقدمہ درج ہوگا۔
تعلیمی بورڈ کا کہنا ہے کہ امتحان میں موبائل فون یا دیگر ممنوع آلات لانےپر سختی سے پابندی ہوگی اور امتحانی پرچے لیک کرنے والوں کے خلاف اقدامات مزید سخت کیے جائیں گے۔مزید برآں، امتحانات کے دوران، افراد کو کسی بھی ڈیوائس کا استعمال کرتے ہوئے سوالیہ پرچے کی تصاویر لینے، ریکارڈنگ بنانے یا امتحانی عمل میں خلل ڈالنے سے منع کیا گیا ہے۔
سکیورٹی فورسز کا بلوچستان میں آپریشن، 27 دہشتگرد ہلاک