چیمپیئنز ٹرافی کے لیے ابتدائی اسکواڈ جمع کرانے کا وقت ختم، پاکستانی ٹیم کے نام منظرعام پر کیوں نہ آسکے؟
اشاعت کی تاریخ: 12th, January 2025 GMT
پاکستان کرکٹ بورڈ (پی سی بی) نے چیمپیئزٹرافی 2025 کے لیے قومی کرکٹ ٹیم کے ابتدائی اسکواڈ کو خفیہ رکھا ہے جبکہ انٹرنیشنل کرکٹ کونسل (آئی سی سی) نے ابتدائی اسکواڈ جمع کرانے کی آخری تاریخ 11 فروری مقرر کر رکھی تھی۔
انٹرنیشنل کرکٹ کونسل کی جانب سے چیمپئنز ٹرافی کے لیے ٹیموں کے لیے ابتدائی اسکواڈ جمع کرانے کے لیے حتمی تاریخ 11 جنوری مقرر کی تھی جو کہ قوائد کے مطابق آج اتوار 12 جنوری کو ختم ہو گئی ہے۔
آئی سی سی کے قواعد و ضوابط کے مطابق ٹیموں کو بڑے ٹورنامنٹ کے آغاز سے ایک ماہ قبل ابتدائی اسکواڈ کی فہرست جمع کرانا ہوتی ہے اس لیے چیمپئنز ٹرافی کے لیے سپورٹ کی مدت 12 فروری سے شروع ہوگی۔
میڈیا رپورٹ کے مطابق پاکستان بھی اسی طریقہ کارپرعمل کرنے کا پابند ہے اورابتدائی اسکواڈ میں شامل کھلاڑیوں کی فہرست آئی سی سی کو بھیجنے کا پابند ہے۔ تاہم پاکستان کرکٹ بورڈ کی جانب سے آئی سی سی کو بھیجا گیا ابتدائی اسکواڈ منظر عام پر نہیں آ سکا، نہ ہی ان ناموں کی کوئی فہرست میڈیا کے لیے جاری کی گئی ہے۔
میڈیا رپورٹ کے مطابق چیمپیئنز ٹرافی کے لیے حتمی اسکواڈ کا انحصار صائم ایوب کی فٹنس پر ہوگا۔ ان کی دستیابی کے بارے میں فیصلے کے بعد ہی ٹیم کو حتمی شکل دی جائے گی۔ صائم ایوب کی ٹورنامنٹ میں شرکت ان کی فٹنس پر منحصر ہے اور توقع کی جارہی ہے کہ یہ اسکواڈ حالیہ سہ ملکی سیریز کے لیے منتخب کردہ اسکواڈ سے بہت مماثلت رکھتا ہے۔
حتمی اسکواڈ کے اعلان کے بعد ہی آئی سی سی کی منظوری درکار ہوگی۔ چیمپئنز ٹرافی سے قبل پاکستان کوایک سہ ملکی سیریز بھی کھیلنی ہے۔
میڈیا رپورٹس میں کہا گیا ہے کہ سیریز میں جنوبی افریقہ کا سامنا کرنے والے اسکواڈ میں کم سے کم تبدیلیاں کی جائیں گی۔ واضح رہے کہ فخر زمان کو سہ ملکی ٹورنامنٹ میں موقع دیے جانے کا بھی امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابتدائی اسکواڈ پاکستان پاکستان کرکٹ بورڈ پی سی بی ٹرافی ٹیم چیمپیئنز سہ ملکی سیریز صائم ایوب فخر زمان قومی کرکٹ.ذریعہ: WE News
کلیدی لفظ: ابتدائی اسکواڈ پاکستان پاکستان کرکٹ بورڈ پی سی بی ٹرافی ٹیم چیمپیئنز سہ ملکی صائم ایوب کرکٹ ابتدائی اسکواڈ ٹرافی کے لیے کے مطابق سہ ملکی
پڑھیں:
صائم ایوب چیمپیئنز ٹرافی کھیل سکیں گے یا نہیں؟ شاہد آفریدی کا اہم انکشاف
قومی کرکٹ ٹیم کے سابق کپتان شاہد آفریدی نے کہا ہے کہ صائم ایوب کو صحت یاب ہونے میں ابھی 3 ہفتے لگیں گے جس کے بعد ری ہیب ہوگا، وہ چیمپیئنز ٹرافی سے باہر ہوگئے ہیں۔
ایک پوڈ کاسٹ میں گفتگو کرتے ہوئے شاہد آفریدی نے کہاکہ صائم ایوب کی خیریت دریافت کرنے کے لیے انہیں ٹیلیفون کیا تو انہوں نے بتایا کہ ابھی صحت یاب ہونے میں انہیں 3 ہفتے لگ سکتے ہیں۔
یہ بھی پڑھیں آئی سی سی چیمپئنز ٹرافی: پاکستان کی ابتدائی ٹیم کا اعلان، فخر زمان اور صائم ایوب شامل
انہوں نے کہاکہ میں نے صائم ایوب کو مشورہ دیا ہے کہ آپ نے جلدی نہیں کرنی، کیونکہ ایسا کرنے کی صورت میں انجری گھمبیر صورتحال اختیار کرسکتی ہے۔
شاہد آفریدی نے کہاکہ صائم ایوب کے نہ ہونے سے پاکستانی ٹیم کو فرق ضرور پڑےگا۔ کیوں کہ ہمارے پاس بیک اَپ تیار نہیں۔
سابق قومی کپتان نے کہاکہ ہماری ٹیم میں میچ وننگ کھلاڑیوں کی تعداد کم ہے، اسی لیے میں کہتا ہوں کہ ہر کھلاڑی کا متبادل ضرور ہونا چاہیے۔ امید ہے کہ قومی ٹیم چیمپیئنز ٹرافی میں اچھے کھیل کا مظاہرہ کرےگی۔
شاہد آفریدی نے کہاکہ شادی اور پھر بیٹیوں کی پیدائش کے بعد میری زندگی بہت بدل گئی۔ باپ کی ذمہ داری بھی ماں کی طرح ہی ہے کہ وہ اپنی اولاد کے لیے وقت نکالے۔
یہ بھی پڑھیں انجری کا شکار صائم ایوب چیمپیئنز ٹرافی ایونٹ کے لیے دستیاب ہوں گے یا نہیں؟
ایک سوال کے جواب میں شاہد آفریدی نے کہاکہ اگر کبھی میری بیگم سے تلخی ہوجائے تو میری بیٹیاں بلیوں کی طرح ماں کے ساتھ کھڑی ہوجاتی ہیں اور پھر میں بھی کچھ نہیں کہہ پاتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews انجری انکشاف چیمپیئنز ٹرافی شاہد آفریدی صائم ایوب صحت یابی وی نیوز
چیئرپرسن بینظیر انکم سپورٹ پروگرام روبینہ خالد کا مستحق افراد کے مسائل سننے کیلئے لائیو ای-کچہری کا انعقاد