وقاص احمد: پاکستان میں کرپشن کے خلاف سخت کارروائیاں جاری،  فیصل ٹاؤن کے سابق ایس ایچ او رائے سلیمان اور ڈیفنس اے کے سابق ایس ایچ او محمد سجاد کو کرپشن کے الزامات کے تحت نوکری سے برخاست کر دیا گیا ہے۔

محکمہ پولیس کے ذرائع کے مطابق رائے سلیمان نے کال سنٹر سے 9 لاکھ روپے جبکہ محمد سجاد نے منشیات فروشوں سے 17 لاکھ روپے رشوت لی تھی۔ دونوں سابق ایس ایچ اوز انکوائری میں قصور وار ثابت ہوئے اور ان کے خلاف مقدمات درج کیے گئے تھے۔

ان دونوں افسران کو گرفتار کر کے حوالات میں بند کر دیا گیا ہے۔

 پولیس حکام کی جانب سے اس بات کی تصدیق کی گئی ہے کہ کرپشن میں ملوث افسران کے خلاف مزید سخت اقدامات اٹھائے جائیں گے تاکہ قانون کے شکنجے سے بچنے والوں کو عبرت کا نشان بنایا جا سکے۔