بارش، آندھی، ژالہ باری، موسمی صورتحال پر این ڈی ایم اے کی ایڈوائزری جاری
اشاعت کی تاریخ: 19th, April 2025 GMT
این ڈی ایم اے کے (این ای او سی) نے پنجاب اور اسلا م آباد کے مختلف علاقوں میں آئندہ 12 گھنٹوں کے دوران ممکنہ شدید موسمی صورتحال کے بارے میں ایڈوائزری وارننگ جاری کی، جس کے مطابق مغربی موسمی سلسلے کے باعث متعدد علاقوں میں شدید موسمی صورتحال پیدا ہونے کا امکان ہے۔ اسلام ٹائمز۔ این ڈی ایم اے کے این ای او سی کی جانب سے پنجاب، اسلام آباد اور شمالی علاقہ جات میں ممکنہ موسم کی صورتحال پر ایڈوائزری جاری کر دی گئی۔ این ڈی ایم اے کے (این ای او سی) نے پنجاب اور اسلا م آباد کے مختلف علاقوں میں آئندہ 12 گھنٹوں کے دوران ممکنہ شدید موسمی صورتحال کے بارے میں ایڈوائزری وارننگ جاری کی، جس کے مطابق مغربی موسمی سلسلے کے باعث متعدد علاقوں میں شدید موسمی صورتحال پیدا ہونے کا امکان ہے۔
ایڈوائزری کے مطابق گرج چمک کے ساتھ موسلادھار بارش، آندھی اور متعدد مقامات پر ژالہ باری کا امکان ہے، اسلام آباد اور راولپنڈی کے ساتھ ساتھ بالائی پنجاب میں اٹک، چکوال، گجرات اور جہلم کے اضلاع متاثر ہونے کے امکانات ہیں۔این ڈی ایم اے کے مطابق وسطی پنجاب کے علاقوں بشمول فیصل آباد، حافظ آباد، جھنگ، خوشاب، میانوالی، لاہور، نارووال، ساہیوال، سرگودھا اور شیخوپورہ میں بھی اس موسمی صورتحال کے زیر اثر شدید بارش کا امکان ہے۔
ایڈوائزری کے مطابق موسلادھار بارش اور طوفانی ہوائیں کمزور درختوں کے گرنے کا باعث اور بجلی کی بندش سبب بن سکتی ہے، آندھی اور ژالہ باری کے باعث کمزور عمارتوں، چھتوں، گاڑیوں اور بجلی کے کمبوں کو نقصان کا اندیشہ ہے۔ این ای او سی کے مطابق ژالہ باری سے کھڑی فصلوں کو بھی نقصان کا شدید خطرہ ہے، شمالی علاقہ جات بالخصوص دیر، سوات، کوہستان، چترال، مانسہرہ، خرم، خیبر، مہمند، باجوڑ اور وادی نیلم کے ندی نالوں میں 18 سے 20 اپریل کے دوران ممکنہ سیلابی صورتحال کی بھی پیش گوئی کی گئی ہے۔
ذریعہ: Islam Times
کلیدی لفظ: شدید موسمی صورتحال ڈی ایم اے کے کا امکان ہے علاقوں میں ژالہ باری کے مطابق
پڑھیں:
آج اور کل بروزہفتہ مختلف علاقوں میںطوفانی بارش، ژالہ باری کا امکان، الرٹ جاری
اسلام آباد(اوصاف نیوز)پاکستان کے مختلف علاقوں میں طوفانی بارش، پہاڑی علاقوں میں لینڈ سلائیڈنگ ، برفانی تودے گرنے کا خدشہ ، سیاح اور شہری ہوشیار ہوجائیں، آج اور کل اسلام آباد اور پنجاب کے کئی اضلاع میں شدید بارش ہوگی۔ این ڈی ایم اے نے الرٹ جاری کردیا
اعلامیے کے مطابق آج اور کل طوفانی بارش اور ژالہ باری متوقع خیبرپختونخوا کے مختلف علاقوں میں بھی شدید موسمی صورتحال رہنے کا امکان ہے۔ترجمان این ڈی ایم اے کے مطابق پہاڑی علاقوں میں لینڈ سلائیڈنگ اور برفانی تودے گرنے کا خدشہ ہے ۔
حکام کی جانب سے شہریوں کو کمزور عمارتوں اور درختوں سے دور رہنے اور غیر ضروری سفر سے گریز کی ہدایت کی گئی ہے۔واضح رہے کہ دو روز قبل اسلام آباد اور ملحقہ علاقوں کے ساتھ ساتھ بالائی علاقوں میں بھی شدید بارش ہوئی جب کہ ژالہ باری سے سیکڑوں گاڑیوں کے شیشے ٹوٹنے کے علاوہ دیگر کئی نقصانات ہوئے۔
محکمہ موسمیات کا کہنا ہے کہ جس طرح گزشتہ روز اسلام آباد میں شدید گرمی کی لہر کے دوران اچانک آسمان نے اولے برسائے اور شدید ژالہ باری سے سیکڑوں گاڑیوں کو نقصان پہنچا، اس طرح کی ژالہ باری دوبارہ بھی ہو سکتی ہے۔
محکمہ موسمیات کے ڈپٹی ڈائریکٹر عرفان ورک نے کہا کہ محکمہ موسمیات نے اسلام آباد میں گزشتہ روز شدید ژالہ باری کے بارے میں پیش گوئی کی تھی ۔ مستقبل میں بھی موسم میں اسی طرح کی اچانک تبدیلیوں سے خبردار کر دیا ۔ کہا پاکستان موسمیاتی تبدیلیوں کا شکار ہے، ایکسٹریم ویدر ایونٹ ساتھ چلیں گے۔
یاد رہے کہ گزشتہ روز ژالہ باری کے دوران گرنے والے اولے اتنے بڑے تھے کہ اسلام آباد کے مختلف علاقوں میں کھلے آسمان تلے موجود گاڑیوں کے شیشے ٹوٹ گئے اور سڑکوں و پارکوں میں جیسے سفید چادر بچھ گئی۔
ماہرین کے مطابق موسمیاتی تبدیلیوں نے ہمارے خطے کو سب سے زیادہ متاثر کیا ہے، اس طرح کی شدید زالہ باری مستقبل قریب میں بھی پھر ہوسکتی ہے۔ محکمہ موسمیات کا کہنا ہے کہ اس ژالہ باری کے حوالے سے الرٹ پہلے جاری کیا جا چکا تھا۔
امریکہ کایمن کی تیل بندرگاہ پر فضائی حملہ، 38 افراد جاں بحق، 102 زخمی
پشاور: جی ٹی روڈ پر ایکسائز پولیس پر فائرنگ، دو اہلکار شہید، ایک زخمی