ایس ای سی پی میں ایک ماہ کے دوران دو ہزار 757 نئی کمپنیاں رجسٹر
اشاعت کی تاریخ: 19th, April 2025 GMT
اسلام آباد:
سیکیوررٹیز اینڈ ایکسچینج کمیشن پاکستان(ایس ای سی پی) میں ایک ماہ کے دوران 2 ہزار 757 نئی کمپنیاں رجسٹر ہوگئیں، جس کے بعد مجموعی تعداد 2 لاکھ 49 ہزار 365 تک پہنچ گئی ہے۔
ایس ای سی پی کے مطابق مارچ 2025 میں 2 ہزار 757 نئی کمپنیاں رجسٹرڈ کی گئیں، جس کے بعد ملک میں رجسٹرڈ کمپنیوں کی کل تعداد 2 لاکھ 49 ہزار 365 تک پہنچ گئی ہے۔
سیکیورٹیز اینڈ ایکسچینج کمیشن کا کہنا ہے کہ نئی کمپنیوں کے رجسٹریشن کا تقریباً 99.
اعلامیے کے مطابق انفارمیشن ٹیکنالوجی اور ای کامرس کے شعبوں میں 552 نئی کمپنیاں رجسٹر ہوئیں، تجارتی شعبے میں 350 اور خدمات کے شعبے میں 313 نئی کمپنیاں شامل ہوئیں۔
نئی کمپنیوں میں ریئل اسٹیٹ ڈیولپمنٹ اور تعمیرات میں 256، سیاحت و نقل و حمل میں 161 نئی کمپنیوں نے رجسٹریشن کرائی ہے۔
ایس ای سی پی کے اعلامیے میں بتایا گیا ہے کہ خوراک اور مشروبات میں 147، تعلیم میں 127، کارپوریٹ زرعی فارمنگ میں 124، ٹیکسٹائل میں 65، مارکیٹنگ اور اشتہارات میں 63، کان کنی اور کنکریٹ میں 54 نئی کمپنیوں نے رجسٹریشن کرائی ہے۔
اسی طرح دواسازی میں 51، انجینئرنگ، ایندھن، توانائی اور کیمیکلز میں 41 نئی کمپنیوں کی رجسٹریشن ہوئی ہے۔
ذریعہ: Express News
کلیدی لفظ: ایس ای سی پی نئی کمپنیاں نئی کمپنیوں
پڑھیں:
ایک ہفتے کے دوران کتنی اشیا کی قیمتوں میں اضافہ ہوا؟ رپورٹ جاری
اسلام آباد(نیوز ڈیسک)ایک ہفتے کے دوران 16 اشیا کی قیمتوں میں اضافہ ہوا، ادارہ شماریات کے مطابق ہفتہ وار بنیادوں پر مہنگائی کی شرح میں صفراعشاریہ سات، سالانہ بنیادوں پر شرح میں دو اعشاریہ سات فیصد کمی ریکارڈ کی گئی۔
ایک ہفتے کے دوران 16 اشیاء کی قیمتوں میں اضافہ ہو گیا، ادارہ شماریات نے ہفتہ وار بنیادوں پر مہنگائی کے حوالے سے رپورٹ جاری کر دی۔
ادارہ شماریات کی رپورٹ کے مطابق ملک میں 18 اشیاء ضروریہ کی قیمتوں میں کمی جبکہ ایک ہفتے کے دوران 16 اشیاء کی قیمتوں میں اضافہ ہوا۔ ہفتہ وار مہنگائی کی شرح میں 0.7 فیصد کمی ہوئی۔
رپورٹ کے مطابق سالانہ بنیادوں پر مہنگائی کی شرح میں 2.7 فیصد کمی ریکارڈ کی گئی جبکہ آٹے کے20 کلو کے تھیلے کی قیمت میں 40 روپےکمی ہوئی۔
رپورٹ کے مطابق 20 کلو آٹے کے تھیلے کی اوسط قیمت 1666 روپے سے کم ہو کر 1626 روپے ہو گئی۔ گزشتہ سال کے اسی عرصے میں 20 کلو آٹے کا تھیلا 2330 روپے میں دستیاب تھا۔
ادارہ شماریارت کی رپورٹ میں کہا گیا کہ زندہ مرغی کی قیمت 55 روپے کمی کے ساتھ 438 روپے فی کلو رہی، گزشتہ ہفتے کے دوران چینی کی قیمت میں 49 پیسے فی کلو کمی ہوئی۔ ایل پی جی سلنڈر 30 روپے سستا ہو گیا۔
رپورٹ کے مطابق ٹماٹر 16 روپے کمی کے ساتھ 55 روپے فی کلو دستیاب رہے، پیاز کی قیمت 6 روپے کمی کے ساتھ 52 روپے فی کلو رہی، لہسن 42 روپے کمی کے ساتھ 430 روپے فی کلو دستیاب رہا، گرمی کی شدت کے باوجود انڈوں کی قیمت کم نہ ہو سکی۔ انڈوں کی قیمت 234 روپے فی درجن برقرارہے۔
رپورٹ میں کہا گیا کہ دال مسور، دال ماش، گھی اورکیلا سستی ہونے والی اشیا میں شامل ہے، مہنگی ہونے والی اشیا میں دال چنا کی قیمت 3 روپے فی کلو بڑھ گئی، چھوٹے گوشت کی قیمت دو ہزار روپے فی کلو سے تجاوز کر گئی۔
ادارہ شماریات کی رپورٹ کے مطابق چھوٹا گوشت 2012 روپے اور بڑا گوشت 1088 روپے فی کلو دستیاب ہے، تازہ دودھ، چاول، دال مونگ ، سیگریٹ سمیت متعدد اشیا کی قیمتوں میں بھی اضافہ ریکارڈ کیا گیا۔
مزیدپڑھیں:عوام کے لیے بری خبر، بجلی سستی ہوئی تو گیس مہنگی ہو گئی
پشاور: جی ٹی روڈ پر ایکسائز پولیس پر فائرنگ، دو اہلکار شہید، ایک زخمی