شوبز ستاروں میں طلاق کی بڑھتی ہو شرح کیوں؟ اداکار سمیع خان نے وجہ بتادی
اشاعت کی تاریخ: 18th, April 2025 GMT
معروف اداکار سمیع خان نے شوبز دنیا میں طلاق کی بڑھتی ہوئی شرح پر خاموشی توڑ دی۔
اداکار سمیع خان جو اپنی جاندار اداکاری اور حساس طبیعت کے باعث شہرت رکھتے ہیں، نے ایک انٹرویو میں ایک سماجی مسئلے پر کھل کر گفتگو کی۔
سمیع خان نے شوبز کی دنیا میں تیزی سے بڑھتی طلاق کی شرح پر تشویش کا اظہار کرتے ہوئے کہا کہ محبت، اعتماد اور احترام کے بغیر پائیدار ازدواجی رشتہ قائم نہیں رہ سکتا۔
اداکار سمیع خان نے بتایا کہ شوبز ستاروں میں طلاق کی بڑھتی ہوئی شرح کی وجہ وہی ہے جو معاشرے میں عام ہیں۔
اداکار نے مزید کہا کہ شادی کو طویل عرصے تک برقرار رکھنے کے لیے فریقین ایک دوسرے سے حد سے زیادہ توقعات وابستہ نہ کریں۔
سمیع خان نے مزید کہا کہ جوڑوں کو حقیقت پسندی کا مظاہرہ کرتے ہوئے چھوٹے موٹے سمجھوتے کرنے سے گریز نہیں کرنا چاہیے۔ یہی ایک مضبوط رشتے کی بنیاد ہے۔
اداکار نے یہ مشورہ دیا کہ اگر آپ چاہتے ہیں کہ آپ کی رائے کو تسلیم کیا جائے تو دوسروں کی رائے کا احترام کرنا بھی سیکھیں۔
تاہم انھوں نے یہ بھی کہا کہ اگر میاں بیوی کے درمیان رشتہ زہریلا ہو جائے یا گھریلو تشدد جیسی صورت حال درپیش ہو تو پھر ایسے رشتے سے نکل آنا ہی بہتر ہے۔
سمیع خان نے کہا کہ جب کسی ساتھی فنکار کی طلاق کی خبر ملتی ہے تو ذاتی طور پر دکھ ہوتا ہے اور افسوس کرتا ہوں کہ شاید تھوڑی اور کوشش کی جاتی تو رشتہ بچ سکتا تھا۔
.
ذریعہ: Express News
کلیدی لفظ: اداکار سمیع خان طلاق کی کہا کہ
پڑھیں:
شاہد خاقان نے ملک میں انتشار کی بڑی وجہ بتادی
سابق وزیراعظم اور عوام پاکستان پارٹی کے سربراہ شاہد خاقان عباسی نے ملک میں انتشار کی بڑی وجہ بتادی۔
راولپنڈی میں پارٹی کے ویمن کنونشن سے خطاب میں شاہد خاقان عباسی نے کہا کہ ہم نےاختلاف رائےکو دشمنی بنالیا، اسی وجہ سے ملک میں انتشار ہے۔
انہوں نے کہا کہ اپوزیشن بھی آپس میں اتفاق نہیں پیدا کرسکی، جے یو آئی اور پی ٹی آئی کے اختلاف دور کرنے کی ضرورت ہے۔
سابق وزیراعظم نے مزید کہا کہ اپوزیشن الائنس کےلیے تحفظات کو دور کرنے کی ضرورت ہے، ملک میں جمہوریت کی بنیاد قانونی کی حکمرانی ہے۔
اُن کا کہنا تھا کہ وزیراعلیٰ خیبر پختونخوا اپوزیشن جماعت جے یو آئی کے خلاف بات کردیتے ہیں، جس کی بالکل بھی ضرورت نہیں۔
شاہد خاقان عباسی نے یہ بھی کہا کہ وزیراعظم شہباز شریف کہہ رہے ہیں کہ تیل کی قیمت اس لیے کم نہیں کر رہے بجلی سستی کریں گے۔
انہوں نے کہا کہ اب وزیراعظم نے کہا ہے کہ تیل کی قیمت کم نہ کرکے بلوچستان میں سڑکیں بنائیں گے، پوچھتا ہوں یہ کونسی پلاننگ ہے؟ اگر کل پیٹرول کی قیمت بڑھ گئی تو سڑکیں کیسے بنیں گی؟
سابق وزیراعظم نے کہا کہ لیوی ایک حد تک بڑھا سکتےہیں اس کےلیےاسمبلی سے اجازت لینا پڑے گی، خام خیالی سے ملک نہیں چلا کرتے، مستقل پالیسی سے چلا کرتے ہیں۔
اُن کا کہنا تھا کہ کینالز بننےچاہئیں اچھی بات ہے لیکن پانی کہاں سے آئے گا، اس سال گندم کسان سے خریدنا بند کردی گئی ہے، کسان رل گیا ہے، دسمبر میں گندم امپورٹ کرنا پڑے گی۔
شاہد خاقان عباسی نے کہا کہ بلوچستان کے نوجوانوں کی بات نہیں سنیں گے تو حالات نہیں بدلیں گے، احساس محرومی کو ختم کرنا ہوگا، آرمی آپریشن آخری طریقہ ہوتا ہے۔
انہوں نے کہا کہ بلوچ عوام مسنگ پرسنز معاملے کو ختم کرنا چاہتے ہیں، آئین کہتا ہے منرلز صوبوں کے اختیار میں ہیں، وفاق ان پر قبضہ نہیں کرسکتا، ممکن نہیں وفاق اپنی پالیسی بناکر معدنیات کو نکالنے کی کوشش کرے۔
پشاور: جی ٹی روڈ پر ایکسائز پولیس پر فائرنگ، دو اہلکار شہید، ایک زخمی