کراچی : نان اور چپاتی روٹی کی قیمتوں میں بڑی کمی
اشاعت کی تاریخ: 18th, April 2025 GMT
کمشنر کراچی نے آٹے کے بعد نان اور چپاتی کی قیمتیں بھی کم کردیں. نوٹیفکیشن جاری کردیا گیا۔ 100 گرام چپاتی کی قیمت 10 روپے اور 120 گرام نان کی قیمت 15 روپے مقرر کردی گئی۔کمشنر کراچی حسن نقوی کے حکم پر نیا نوٹیفکیشن جاری گیا ہے .جس کے مطابق چپاتی 100 گرام 10 روپے میں فروخت کی جائے. تندور مالکان نرخ نامہ نمایاں جگہ آویزاں کریں، 120 گرام نان 15روپے میں فروخت ہوگا۔کمشنر کراچی کا کہنا ہے کہ قیمت بڑھانے پر سخت کارروائی عمل میں لائی جائے.
واضح رہے کہ گذشتہ روز کمشنر کراچی نے ڈیڑھ ماہ بعد آٹے کی قیمتوں میں کمی کا نوٹی فیکیشن جاری کیا تھا۔ کمشنر کراچی نے آٹے کی قیمتوں میں 10روپے سے 17روپے فی کلو کمی کی۔کمشنر کراچی کی جانب سے جاری کردہ نوٹیفکیشن کے مطابق ڈھائی نمبر آٹا ہول سیل 83 روپے جبکہ ریٹیل میں 87 روپے فی کلو مقرر کیا گیا۔فائن آٹا ہول سیل 88 روپے جبکہ ریٹیل میں 92 روپے فی کلو مقرر کی گئی. چکی آٹا کے نرخ 100 روپے فی کلو مقرر ہے۔مارکیٹ میں فائن آٹا 90 سے 100 روپے فی کلو پر فروخت کیا جا رہا ہے جبکہ چکی آٹا 110 سے 115 روپے فی کلو فروخت کیا جا رہا ہے۔
ذریعہ: Nawaiwaqt
کلیدی لفظ: کمشنر کراچی روپے فی کلو کی قیمت
پڑھیں:
ایک ہفتے کے دوران 16 اشیا کی قیمتوں میں اضافہ ؟ رپورٹ جاری
ایک ہفتے کے دوران 16 اشیا کی قیمتوں میں اضافہ ؟ رپورٹ جاری WhatsAppFacebookTwitter 0 18 April, 2025 سب نیوز
اسلام آباد(سب نیوز)ایک ہفتے کے دوران 16 اشیا کی قیمتوں میں اضافہ ہوا، ادارہ شماریات کے مطابق ہفتہ وار بنیادوں پر مہنگائی کی شرح میں صفراعشاریہ سات، سالانہ بنیادوں پر شرح میں دو اعشاریہ سات فیصد کمی ریکارڈ کی گئی۔
ایک ہفتے کے دوران 16 اشیا کی قیمتوں میں اضافہ ہو گیا، ادارہ شماریات نے ہفتہ وار بنیادوں پر مہنگائی کے حوالے سے رپورٹ جاری کر دی۔ادارہ شماریات کی رپورٹ کے مطابق ملک میں 18 اشیا ضروریہ کی قیمتوں میں کمی جبکہ ایک ہفتے کے دوران 16 اشیا کی قیمتوں میں اضافہ ہوا۔ ہفتہ وار مہنگائی کی شرح میں 0.7فیصد کمی ہوئی۔رپورٹ کے مطابق سالانہ بنیادوں پر مہنگائی کی شرح میں 2.7 فیصد کمی ریکارڈ کی گئی جبکہ آٹے کے20 کلو کے تھیلے کی قیمت میں 40 روپے کمی ہوئی۔
رپورٹ کے مطابق 20 کلو آٹے کے تھیلے کی اوسط قیمت 1666 روپے سے کم ہو کر 1626 روپے ہو گئی۔ گزشتہ سال کے اسی عرصے میں 20 کلو آٹے کا تھیلا 2330 روپے میں دستیاب تھا۔ادارہ شماریارت کی رپورٹ میں کہا گیا کہ زندہ مرغی کی قیمت 55 روپے کمی کے ساتھ 438 روپے فی کلو رہی، گزشتہ ہفتے کے دوران چینی کی قیمت میں 49 پیسے فی کلو کمی ہوئی۔ ایل پی جی سلنڈر 30 روپے سستا ہو گیا۔رپورٹ کے مطابق ٹماٹر 16 روپے کمی کے ساتھ 55 روپے فی کلو دستیاب رہے، پیاز کی قیمت 6 روپے کمی کے ساتھ 52 روپے فی کلو رہی، لہسن 42 روپے کمی کے ساتھ 430 روپے فی کلو دستیاب رہا، گرمی کی شدت کے باوجود انڈوں کی قیمت کم نہ ہو سکی۔ انڈوں کی قیمت 234 روپے فی درجن برقرارہے۔
رپورٹ میں کہا گیا کہ دال مسور، دال ماش، گھی اورکیلا سستی ہونے والی اشیا میں شامل ہے، مہنگی ہونے والی اشیا میں دال چنا کی قیمت 3 روپے فی کلو بڑھ گئی، چھوٹے گوشت کی قیمت دو ہزار روپے فی کلو سے تجاوز کر گئی۔ادارہ شماریات کی رپورٹ کے مطابق چھوٹا گوشت 2012 روپے اور بڑا گوشت 1088 روپے فی کلو دستیاب ہے، تازہ دودھ، چاول، دال مونگ ، سیگریٹ سمیت متعدد اشیا کی قیمتوں میں بھی اضافہ ریکارڈ کیا گیا۔
پشاور: جی ٹی روڈ پر ایکسائز پولیس پر فائرنگ، دو اہلکار شہید، ایک زخمی