ایم کیو ایم پاکستان کی طرح اب پی ٹی آئی پاکستان بننے والی ہے، فیصل واوڈا
اشاعت کی تاریخ: 18th, April 2025 GMT
نجی ٹی وی سے بات چیت کرتے ہوئے سابق وفاقی وزیر کا کہنا تھا کہ بانی پی ٹی آئی سمجھ چکے ہیں کہ پارٹی انہیں دھوکا دے چکی، علی امین گنڈاپور بھی بانی پی ٹی آئی کے سامنے بے نقاب ہوگئے ہیں مگر گنڈاپور کو بچانے کے لیے حکومت کود پڑی ہے۔ اسلام ٹائمز۔ سابق وفاقی وزیر سینیٹر فیصل واوڈا نے کہا ہے کہ ایم کیو ایم پاکستان کی طرح اب پی ٹی آئی پاکستان بننے والی ہے۔ نجی ٹی وی سے بات چیت کرتے ہوئے انہوں نے کہا کہ شہباز شریف وہ کام نہیں کر رہے جو ان کے بھائی یا بانی پی ٹی آئی نے کیا۔ سینیٹر فیصل واوڈا کا کہنا تھا کہ پی ٹی آئی کا سکندر بننے کے لیے پارٹی میں دوڑ لگی ہوئی ہے۔ انہوں نے کہا کہ اب پی ٹی آئی ن لیگی حکومت کی ضامن ہے، بانی پی ٹی آئی غیر متعلق ہوچکے ہیں، پی ٹی آئی اپنے بانی کو جیل سے باہر لانا نہیں چاہتی۔ فیصل واوڈا کا کہنا تھا کہ بانی پی ٹی آئی سمجھ چکے ہیں کہ پارٹی انہیں دھوکا دے چکی۔ انہوں نے مزید کہا کہ علی امین گنڈاپور بھی بانی پی ٹی آئی کے سامنے بے نقاب ہوگئے ہیں مگر گنڈاپور کو بچانے کے لیے حکومت کود پڑی ہے۔
.ذریعہ: Islam Times
کلیدی لفظ: بانی پی ٹی آئی فیصل واوڈا
پڑھیں:
پاکستان کی پہلی ڈرامہ فلم سٹی کس شہر میں بننے جارہی ہے؟
پاکستان کی معروف اداکارہ اشنا شاہ نے پاکستانی ڈرامہ انڈسٹری کو سپورٹ کرنے کے لیے ڈی ایچ اے سٹی کراچی کے ساتھ شراکت داری کا اعلان کیا ہے۔
انسٹاگرام پر پوسٹ شیئر کرتے ہوئے اداکارہ نے خوشی کا اظہار کیا اور اپنی شراکت داری کا اعلان کیا۔ انہوں نے کیپشن میں بتایا کہ انہیں اس بات پر فخر ہے کہ وہ اس اہم منصوبے کا حصہ بنی ہیں جو پاکستانی ڈرامہ اور تفریحی صنعت کو ترقی دینے میں مددگار ثابت ہوگا۔ انہوں نے اسے پاکستان کی کہانی سنانے والوں کے لیے ایک اہم قدم قرار دیا۔
کیپشن میں انہوں نے لکھا، ’ڈی ایچ اے سٹی کراچی کے ساتھ اپنی شراکت داری کا اعلان کرتے ہوئے خوشی محسوس ہو رہی ہے، جس کا باقاعدہ معاہدہ آئی پی ایس دبئی میں کیا گیا۔ یہ منصوبہ فلم اور ٹیلی ویژن کے لیے پاکستان میں اپنی نوعیت کی پہلی مختص جگہ کی ترقی کے لیے ہے۔ یہ قدم پاکستان کی ڈرامہ صنعت کی ترقی اور بہتری کے لیے ایک سنگ میل ثابت ہوگا۔ ڈی ایچ اے سٹی کراچی کا شکریہ کہ انہوں نے میرے وژن پر یقین کیا، آئیے ہم سب مل کر پاکستانی کہانی سنانے والوں کے لیے کچھ بڑا بنائیں‘۔
View this post on Instagram
A post shared by Ushna Shah-Amin (@ushnashah)
اداکارہ نے اپنے انسٹاگرام اکاؤنٹ پر چند تصاویر بھی شیئر کیں جس میں وہ اس منصوبے میں شامل افراد کے ساتھ ملاقات کرتی ہوئی نظر آ رہی تھیں، اداکارہ کے ساتھ ان کے شوہر حمزہ امین بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اُشنا شاہ پاکستانی ڈرامہ انڈسٹری
کراچی، ہیوی ٹریفک سے اموات کا سلسلہ تھم نہ سکا، ٹرالر کی ٹکر سے 2 نوجوان جاں بحق