وزیراعظم کی وزیر اعلیٰ مریم نواز کے کسان پیکج کی تعریف، 15 ارب روپے کے براہ راست ریلیف کو خوش آئند قرار دے دیا
اشاعت کی تاریخ: 18th, April 2025 GMT
اسلام آباد(نیوز ڈیسک) وزیراعظم محمد شہباز شریف نے وزیر اعلیٰ پنجاب مریم نواز کی جانب سے گندم کے کاشتکاروں کے لیے اعلان کردہ خصوصی پیکج کو سراہتے ہوئے اسے ایک بروقت اور خوش آئند اقدام قرار دیا ہے۔
وزیراعظم نے کہا کہ گندم کے کاشتکاروں کے لیے ساڑھے 5 لاکھ کسانوں کو براہ راست “گندم سپورٹ فنڈ” کے تحت 15 ارب روپے کی مالی منظوری ایک اہم پیش رفت ہے، جو کسانوں کے مسائل کے فوری حل کی عکاسی کرتا ہے۔ انہوں نے کہا کہ یہ فیصلہ کسانوں کے اعتماد اور حکومت کی زرعی ترجیحات کو مزید مضبوط کرے گا۔
وزیراعظم نے کہا کہ پنجاب حکومت کی جانب سے کاشتکاروں کو آبیانہ اور فکس ٹیکس میں دی گئی چھوٹ ایک بڑا ریلیف ہے، جو چھوٹے اور متوسط درجے کے کسانوں کے لیے مالی بوجھ کو کم کرنے میں مددگار ثابت ہوگا۔
انہوں نے چار ماہ کی مفت اسٹوریج سہولت کو بھی سراہا اور کہا کہ یہ اقدام کسانوں کو گندم ذخیرہ کرنے میں سہولت فراہم کرے گا اور انہیں موسمی اثرات اور مارکیٹ کے غیر یقینی دباؤ سے بچانے میں مدد دے گا۔
وزیراعظم نے گندم اور اس سے تیار شدہ اشیاء کی برآمدات کے سلسلے میں وفاقی حکومت کی جانب سے پنجاب حکومت کو ہر ممکن تعاون کی یقین دہانی کروائی۔ انہوں نے کہا کہ کسان کی خوشحالی دراصل پاکستان کی خوشحالی ہے اور یہ کہ پاکستان مسلم لیگ (ن) کے منشور کا بنیادی اصول یہی ہے کہ کسان کو اس کی محنت کا پورا اور بروقت معاوضہ ملے۔
مزید برآں، وزیراعظم شہباز شریف نے وزیراعلیٰ پنجاب مریم نواز اور ان کی ٹیم کو کاشتکاروں کے لیے اس قابلِ ستائش اقدام پر خراج تحسین پیش کیا اور انہیں مبارکباد دی۔ انہوں نے کہا کہ ایسے اقدامات ہی ملک میں زراعت کے شعبے کو مستحکم بنانے اور کسان کو معاشی تحفظ فراہم کرنے کی بنیاد فراہم کرتے ہیں۔
Post Views: 4.ذریعہ: Daily Mumtaz
کلیدی لفظ: نے کہا کہ انہوں نے کے لیے
پڑھیں:
وزیرِ اعلیٰ مریم نواز نے ایم ایس میؤ اسپتال کو برطرف کرنے کی وجہ بتا دی
وزیرِ اعلیٰ پنجاب مریم نواز نے گزشتہ ماہ لاہور میں واقع میؤ اسپتال کے اچانک دورے کے دوران میڈیکل سپرنٹنڈنٹ (ایم ایس) کو برطرف کرنے پر ہونے والی تنقید کا جواب دیا ہے۔
گزشتہ روز لاہور میں انوائرونمنٹ پروٹیکشن فورس کی پہلی پاسنگ آؤٹ پریڈ سے خطاب کرتے ہوئے وزیرِ اعلیٰ پنجاب نے کہا ہے کہ ایم ایس اور پرنسپل کو برطرف کرنے کے بعد سوشل میڈیا اور مین اسٹریم میڈیا پر مجھے تنقید کا نشانہ بنایا گیا۔
وزیرِاعلیٰ پنجاب مریم نواز کے ایم ایس میؤ اسپتال کو فارغ کرنے پر عفت عمر کا ردِ عملوزیرِ اعلیٰ پنجاب مریم نواز شریف کی جانب سے میو اسپتال کے میڈیکل سپرنٹنڈنٹ کو نکالے پر جانے پر اداکارہ و ماڈل عفت عمر نے ردِ عمل کا اظہار کیا ہے۔
انہوں نے کہا کہ میں خود بھی ڈاکٹروں کی دل سے عزت کرتی ہوں لیکن اپنے دورِ حکومت میں کسی بھی ڈاکٹر کو غریب مریضوں پر بوجھ ڈالنے کی اجازت نہیں دوں گی۔
وزیراعلیٰ مریم نواز نے کہا کہ جب میں نے اسپتال کے تہہ خانے پر چھاپہ مارا تو وہاں ادویات سے بھرے ڈبے موجود تھے جبکہ کچھ ڈاکٹرز مریضوں سے کہہ رہے تھے کہ وہ اسپتال کے باہر سے ادویات خرید کر لائیں۔
ان کا کہنا ہے کہ جب میں نے سرکاری اسپتالوں میں علاج کروانے والوں کے لیے مفت ادویات کے لیے تقریباً 100 ارب روپے مختص کر رکھے ہیں تو کوئی غریب مریض کو باہر سے مہنگی ادویات خریدنے کا کہے گا تو میں برداشت نہیں کروں گی، اس معاملے میں میری زیرو ٹالرینس ہے۔
وزیرِاعلیٰ پنجاب مریم نواز لاہور کے میؤ اسپتال پہنچیں تو مریضوں نے شکایات کے انبار لگا دیے۔
یاد رہے کہ گزشتہ ماہ وزیرِ اعلیٰ پنجاب مریم نواز شریف کو اس وقت سخت تنقید کا سامنا کرنا پڑا تھا جب انہوں نے میؤ اسپتال کے دورے کے دوران ایم ایس اسپتال ڈاکٹر فیصل مسعود کو عہدے سے فوری ہٹانے کا حکم دیا تھا۔
جہاں کچھ سوشل میڈیا صارفین نے وزیرِ اعلیٰ کی فوری کارروائی کی تعریف کی تھی وہیں کچھ اور نے انہیں یہ رویہ اختیار کرنے پر تنقید کا نشانہ بنایا تھا۔
کراچی، ہیوی ٹریفک سے اموات کا سلسلہ تھم نہ سکا، ٹرالر کی ٹکر سے 2 نوجوان جاں بحق