فیصلہ سازوں کو لیڈر نہیں، جوتے پالش کرنے والے چاہئیں: گنڈا پور
اشاعت کی تاریخ: 18th, April 2025 GMT
لاہور (خبرنگار+ نوائے وقت رپورٹ ) وزیراعلی کے پی کے علی امین گنڈا پور نے لاہور ہائیکورٹ بار جنرل ہائوس اجلاس سے خطاب کرتے ہوئے کہا کہ مدینہ کی ریاست انصاف کی بدولت آج بھی رول ماڈل ہے۔ ہمارے آباو اجداد نے پاکستان کے حصول کے لیے جانی اور مالی قربانیاں دیں۔ اس ملک میں ڈنڈے کے زور پر حکومتیں بنائی گئیں۔ جب سے ملک میں مارشل لاء لگے ملک نیچے چلا گیا۔ جس بھٹو کو پھانسی دی گئی اس کو اقتدار میں لانے کے لیے ملک توڑ دیا گیا۔ اپنے لوگوں کو ملک پر مسلط کرنے کے لیے تجربات کئے گئے۔ ہم فلسطین کے لیے ایک لفظ نہیں بول سکتے ہیں۔ آپ نے حکومت چلانی ہوتی ہے لہذا اپنے بندے لاتے ہو۔ بانی پی ٹی آئی بے گناہ جیل میں ہے کیونکہ اس سے نظام کو خطرہ ہے۔ بانی پی ٹی آئی ملک کی خودمختاری چاہتا ہے۔ یہ ایسے لوگوں کو مسلط کرتے ہیں جو جوتے پالش کریں۔ بانی پی ٹی آئی ملک کے لیے مذاکرات کے لیے تیار ہے۔ ہم نے سیاسی تحریک چلائی مگر ہمیں روکا گیا۔ جب عوام باہر نکلے تو سیدھی گولیاں ماری گئیں۔ اس قوم کا ہر بندہ نکلے گا کہ وہ اپنے بچوں کے لیے غلام ملک نہیں چھوڑے گا۔ آج عوام کی آواز فیصلہ سازوںتک پہنچنے نہیں دی جارہی ہے۔ یہ آواز کبھی بھی دبائی نہیں جا سکتی۔ جنون کبھی دبتا نہیں بلکہ بڑھتا جاتا ہے۔ پی ٹی آئی کے لیڈر کوئی متنازعہ بات نہ کریں جس سے تحریک کو نقصان ہو۔ علی امین گنڈا پور نے لاہور ہائیکورٹ بار کے لیے پانچ کروڑ روپے دینے کا اعلان کیا۔ صدر لاہور ہائیکورٹ بار ملک آصف نسوانہ نے کہا کہ پاکستان کے لوگ آزادانہ طور پر دوسرے صوبوں میں نہیں جا سکتے ہیں، کسانون کو ان کا معاوضہ نہیں دیا جا رہا، ڈاکٹر بھی سڑکوں پر ہیں۔ ہمیں ان حالات میں متحد ہونے کی ضرورت ہے۔ جس طرح 26 ویں آئینی ترمیم کو پاس کروایا گیا، اس طرح سے مائنز اینڈ منرل ایکٹ لایا جا رہا ہے۔ صدر لاہور بار ایسوی ایشن مبشر رحمان نے کہا کہ لوگوں کے دلوں میں عمران خان کی محبت ہے۔ اڈیالہ وہاں میں نے لوگوں کا رش دیکھا جو صرف عمران خان سے ملنے وہاں پہنچے تھے۔ چیف آرگنائزر آئی ایف کے پاکستان انتظار پنجوتھہ نے کہا کہ میں عدالتوں سے گزارش کرتا ہوں، ججز ہمت کریں، وکلاء ان کے ساتھ کھڑے ہیں، آپ انصاف کریں۔ ٹی وی رپورٹ کے مطابق وزیر اعلیٰ خیبر پی کے علی امین گنڈا پور نے کہا ہے آپ لوگ آگے بڑھیں، متحد ہوجائیں، بہت جلد عمران خان ہمارے درمیان ہوں گے۔ فیصلہ سازوں کو لیڈر نہیں غلام چاہئیں، ملک کو ڈنڈے کے زور پر نہیں چلایا جا سکتا۔ انہوں نے کہا کہ اس ملک میں زبردستی لوگوں کو اٹھا کر حکومتیں بنانی شروع کر دی گئیں، آج پاکستان قرض میں ڈوب گیا، اب پاکستان خود مختار ہی نہیں رہا، ہم غلام بن گئے ہیں۔ وزیر اعلیٰ خیبر پی کے نے کہا کہ آپ لوگ وکیل بھی خود ہو مدعی بھی خود ہو، عمران مسلمان کی بات کرتا ہے وہ ناموس رسالت پر بات کرتا ہے۔ عمران خان کا مسئلہ کرسی نہیں بلکہ وہ پاکستان کو آزاد، خود مختار بنانا چاہتا ہے۔
.ذریعہ: Nawaiwaqt
کلیدی لفظ: پی ٹی ا ئی گنڈا پور کے لیے
پڑھیں:
عمران خان ہوا میں باتیں کرتے ہیں کہ روس سے ڈیل کرنے پر امریکا نے ان کی حکومت گرائی، مصدق ملک
وفاقی وزیر برائے موسمیاتی تبدیلی و ماحولیاتی تبدیلی مصدق ملک نے کہا ہے کہ عمران خان ہوا میں باتیں کرتے ہیں کہ انہیں روس سے ڈیل پر امریکا نے ہٹایا، روس سے ڈیل کرکے ہم تیل پاکستان میں لائے، ہماری حکومت تو امریکا نے نہیں گرائی، پی ٹی آئی بتائے کہ عمران خان نے روس کے ساتھ کون سی منرلز ڈیل کی۔
نجی ٹی سی سے گفتگو کرتے ہوئے وفاقی وزیرمصدق ملک نے کہا کہ اپنی پارٹی کے لیڈر کے لیے بات کرنا ہر کسی کا حق ہے لیکن اس میں جب پاکستان کو رگڑا لگنا شروع ہوجائے، جیسا کہ آپ نے دیکھا کہ پی ٹی آئی کی جانب سے پہلے دوست ملک کے ساتھ سائفر نکال کے خارجہ پالیسی کا کیا ٹھٹھہ لگایا گیا، سائفر کے بعد ڈونلڈلو کا پی ٹی آئی نے نہ صرف شکریہ ادا کیا بلکہ ان کو امریکا میں کسی تقریب میں کوئی تمغہ بھی دیا۔
یہ بھی پڑھیں: یہ نہ ہو پی ٹی آئی رہنما ایک بار پھر پتلی گلی سے کے پی ہاؤس پہنچ جائیں، مصدق ملک
مصدق ملک نے کہا کہ دنیا بیوقوف تو نہیں ہے کہ آپ پہلے ڈونلڈلو پر الزام لگائیں، پھر آپ اس کی واہ واہ کریں، آپ کہیں کہ دوست ملک نے پاکستان کے آئین کو پامال کرکے پاکستان کی حکومت الٹانے کی سازش کی ہے، پھر آپ اسی دوست ملک میں جاکر ایسا لابسٹ ہائیر کریں جو پاکستان کے خلاف گزشتہ 30 سال سے تحریک چلا رہا ہے۔
انہوں نے کہا کہ امریکا سے ہٹ کے مشرق وسطی کے دوست ممالک کے ساتھ پی ٹی آئی نے کیا کیا، ایک اور ہمارا دوست ملک ترکیے، ملائشیا کے حوالے سے کہا کہ ہم آرہے تھے، ہمیں روک دیا، ان تمام باتوں سے ریاست کے تعلقات متاثر ہوتے ہیں، اس کے بعد ڈیوڈ فینٹن جو 30 سال سے پاکستان کے نیوکلیئر اور میزائل پروگرام کے خلاف باقاعدہ مہم چلا رہا ہے، اس کو پی ٹی آئی نے پاکستان کے خلاف ہائیر کیا، ایک بندہ جو پاکستان کے خلاف مہم چلا رہا ہے آپ اس کو کیوں ہائیر کریں گے۔
یہ بھی پڑھیں: ملک پابندیوں کا متحمل نہیں ہوسکتا، بات چیت ہوگی تو راستہ نکلے گا، مصدق ملک
وفاقی وزیر نے کہا کہ پی ٹی آئی آئی ایم ایف پروگرام سے قبل احتجاج کرتی ہے، آئی ایم کو خطوط لکھنا کہ اس ملک کو قرضہ نہ دو کہ ہم گارنٹی نہیں دیتے کہ ہم اس قرضے کا بعد میں کیا کریں گے، پی ٹی آئی نے یہ سب کچھ کیوں کیا، اللہ نے کرم کیا پاکستان تباہی سے بچ گیا ورنہ پی ٹی آئی نے تو اس ملک کو تباہ کرنے میں کوئی کسر نہیں چھوڑی۔
مصدق ملک نے کہا کہ عمران خان نے روس کے ساتھ کیا کیا کہ امریکا نے انہیں ہٹایا، تیل کی ڈیل تو میں کرکے آیا تھا، بات تو ڈیل کرنے کی ہے، ہم نے روس کے ساتھ ڈیل کی وہاں سے تیل لے کر آئے، امریکا نے اعتراض نہیں کیا، ہمیں تو نہیں الٹایا، عمران خان ایک آدھ بار روسی حکام سے ملے، 5 سے 6 مرتبہ وزیراعظم شہباز شریف روسی حکام سے مل چکے ہیں، عمران خان ایسے ہی ہوا میں باتیں کرتے ہیں کہ میری ایک تصویر آگئی تھی جو اتنی بھاری تھی کہ امریکا نے مجھے الٹا دیا۔
یہ بھی پڑھیں: عدلیہ سے جیسے فیصلے آرہے ہیں آئینی ترمیم ملک کی ضرورت ہے، وفاقی وزیر مصدق ملک
انہوں نے کہا کہ عمران خان منرلز ڈیل کی بات کرتے ہیں، پی ٹی آئی بتائے کہ کونی سی منرلز ڈیل کی، جب عمران خان کی حکومت گئی تو ریکوڈک کی ڈیل بھی نہیں ہوئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا پاکستان پی ٹی آئی ڈونلڈلو ڈیل ڈیوڈ فینٹن ریکوڈک سائفر عمران خان مصدق ملک منرلز ڈیل
لندن میں نواز شیرف کے گھر کے باہر پی ٹی آئی کا کارکن گرفتار