گرمی کی لہر: ٹمپریچر 49 ڈگری تک پہنچ گیا
اشاعت کی تاریخ: 17th, April 2025 GMT
سٹی42: "ہیٹ ویو" نے سندھ میں گرمی کو اپریل کے دوسرے ہفتے ہی جون جولائی کی سطح پر پہنچا دیا۔ سندھ کے ایک شہر میں آج ٹمپریچر 49 ڈگری سیلسئیس تک پہنچ گیا جب کہ کراچی میں آج نسبتاً کم گرمی پڑی اور ٹمپریچر 38 ڈگری سیلسئیس تک رہا۔
شہید بینظیر آباد (نواب شاہ) میں ٹمپریچر 49 ڈگری سییلسئیس تک پہنچ گیا جو اس شہر میں ٹمپریچر میں 8 ڈگری کا اضافہ ہے۔
حکمرانوں کے معیشت کی ترقی کے دعوے کھوکھلے ہیں:جمشید اقبال چیمہ
سندھ میں گرمی کی یہ لہر کل 18 اپریل تک رہنے کا امکان ہے۔
کراچی کا موسم
محکمہ موسمیات نے بتایا کہ شہر میں ہوا میں نمی کا تناسب معمول سے زیادہ ہونے کے سبب گرم اور مرطوب موسم میں اصل درجہ حرارت سے زیادہ گرمی محسوس کی جا رہی ہے۔
اعلامیے میں بتایا گیا کہ شہرکے مختلف ویدر اسٹیشنز پر متفرق درجہ حرارت ریکارڈ ہوئے، شہرکے سرکاری ریکارڈ کے حامل ویدر اسٹیشن پر پارہ 37.
بائیومیٹرک کروانے کی ڈیڈلائن، عازمین حج کیلئے اہم خبر
محکمہ موسمیات نے بتایا کہ شہرکے دیگر ویدر اسٹیشنز پر متفرق درجہ حرارت ریکارڈ ہوا،گلستان جوہر میں 38.5 ڈگری، جناح ٹرمینل پر37.5 ڈگری، ماڑی پور 36.5 ڈگری، شاہراہ فیصل 35.5 ڈگری اور بن قاسم میں 33ڈگری سینٹی گریڈ ریکارڈ ہوا۔
ارلی وارننگ کی جانب سے جاری پیش گوئی کے مطابق شہر میں معمول سے تیز ہوائیں چلنے کا امکان ہے، دیہی سندھ کے اضلاع بدستور شدید گرمی کی لپیٹ میں ہیں۔
محکمہ موسمیات کے مطابق جمعرات کو شہید بینظیرآباد میں زیادہ سے زیادہ درجہ حرارت معمول سے 8.4 ڈگری اضافے سے 49 ڈگری سینٹی گریڈ ریکارڈ ہوا۔
ٹاؤن شپ میں کے ایف سی پر پٹرول بم حملہ، فوٹیج منظرِ عام پر آ گئی
facebooktwitterwhatsapp
Waseem Azmetذریعہ: City 42
پڑھیں:
محکمہ موسمیات کی کراچی میں ہیٹ ویو کی پیشگوئی
کراچی:محکمہ موسمیات نے 21 تا 23 اپریل کے دوران شہر میں ہیٹ ویو کی پیش گوئی کردی اور بتایا کہ سمندری ہواؤں کی بندش اور نمی کا تناسب بڑھنے کے سبب پارہ معمول سے 4 سے 6 ڈگری زیادہ ریکارڈ ہو سکتا ہے۔
محکمہ موسمیات کی جانب سے جاری ہیٹ ویو الرٹ کے مطابق پیر تا بدھ(21تا 23اپریل) شہر میں گرمی کی شدید لہر کا امکان ہے، جس کے دوران سمندری ہوائیں مختصر وقت کے لیے بھی ہوں گی۔
الرٹ میں بتایا گیا کہ شہر میں بلوچستان کی شمال مغربی گرم ریگستانی ہواؤں کے اثرانداز ہونے کا امکان ہے۔
محکمہ موسمیات نے بتایا کہ ہیٹ ویو کے دوران زیادہ سے زیادہ درجہ حرارت معمول سے 4 تا 6 ڈگری اضافے سے40 ڈگری سے تجاوز کرسکتا ہے، ہوا میں نمی کا تناسب بڑھنے کےسبب گرمی کی شدت اصل درجہ حرارت سے زیادہ محسوس کی جاسکتی ہے۔
شہریوں کو احتیاطی تدابیر اختیار کرنے پر زور دیتے ہوئے بتایا گیا کہ کراچی ڈویژن میں گرمی کی لہرکے دوران عوام بالخصوص بچوں، خواتین اور بزرگ شہریوں کو احتیاطی تدابیر اختیار کرنے کا مشورہ دیا جاتا ہے۔
مزید کہاگیا کہ دن کے وقت براہ راست تپش سے بچا جائے اور پانی کا زیادہ استعمال کریں۔
محکمہ موسمیات نے کہا کہ صوبے کے وسطی اور بالائی اضلاع میں جاری ہیٹ ویو کی صورت حال میں آج سے کمی کا امکان ہے۔
کراچی میں جمعے کو زیادہ سے زیادہ درجہ حرارت 34.3 ڈگری جبکہ ہوا میں نمی کا تناسب 58 فیصد ریکارڈ ہوا، دیہی سندھ کے شہید بینظیرآباد اور دادو کاپارہ 46.5 ڈگری سینٹی گریڈ ریکارڈ ہوا۔
سندھ حکومت اپنی اداؤں پر غور کرے: وزیر اطلاعات پنجاب