کراچی میں ہیوی ٹریفک پر پابندی خوش آئند اقدام ہے، محمود مولوی
اشاعت کی تاریخ: 17th, April 2025 GMT
ایک بیان میں سابق رکن اسمبلی نے سندھ حکومت سے بھی مطالبہ کیا کہ وہ تمام اداروں کے ساتھ رابطہ کاری کو مضبوط بناتے ہوئے اس نوٹیفکیشن پر سختی سے عمل درآمد کرائے۔ اسلام ٹائمز۔ سینئر سیاستدان اور سابق رکن قومی اسمبلی محمود مولوی نے کراچی میں دن کے اوقات کے دوران ہیوی ٹریفک کے داخلے پر پابندی کے فیصلے کو خوش آئند قرار دیتے ہوئے کہا ہے کہ یہ اقدام نہ صرف شہریوں کی حفاظت کے لیے اہم ہے بلکہ شہر کی سڑکوں پر ٹریفک کا دباو کم کرنے میں بھی مددگار ثابت ہوگا۔انہوں نے کہا کہ کمشنر کراچی سید حسن نقوی کی جانب سے جاری کردہ نوٹیفکیشن میں صبح 6 بجے سے رات 10 بجے تک ہیوی گاڑیوں کے داخلے پر مکمل پابندی عائد کی گئی ہے، جو ایک موثر قدم ہے۔
محمود مولوی کا کہنا تھا کہ یہ فیصلہ شہریوں کو حادثات سے بچانے اور سفر کو محفوظ بنانے کی سمت ایک مثبت پیش رفت ہے۔ انہوں نے مزید کہا کہ شہری انتظامیہ، ٹریفک پولیس اور متعلقہ ادارے اس پابندی پر موثر عملدرآمد کو یقینی بنائیں تاکہ اس کے ثمرات عام شہریوں تک پہنچ سکیں۔ سابق رکن اسمبلی نے سندھ حکومت سے بھی مطالبہ کیا کہ وہ تمام اداروں کے ساتھ رابطہ کاری کو مضبوط بناتے ہوئے اس نوٹیفکیشن پر سختی سے عمل درآمد کرائے۔ انہوں نے شہریوں سے بھی اپیل کی کہ وہ رات 10 بجے کے بعد غیر ضروری سفر سے گریز کریں تاکہ حادثات کی شرح میں نمایاں کمی لائی جا سکے۔
ذریعہ: Islam Times
پڑھیں:
ون وے کی خلاف ورزی پر 15 ہزار روپے جرمانے کا فیصلہ
کراچی(اوصاف نیوز) میٹروپولیٹن کارپوریشن کراچی نے مرکزی شاہراہوں پر ون وے کی خلاف ورزی کرنے والے افراد پر 15,000 روپے جرمانہ عائد کرنے کا فیصلہ کیا ہے۔
جرمانے کی سزا کا اقدام کا مقصد ٹریفک قوانین کی خلاف ورزیوں کی روک تھام اور شہریوں کی حفاظت کو یقینی بنانا ہے،جرمانے سٹی وارڈنز کے ذریعے نافذ کیے جائیں گے..
یہ فیصلہ میئر کراچی بیرسٹر مرتضیٰ وہاب اور کراچی ٹاسک فورس کی ہدایت پر کیا گیا ہے،اس حوالے سے قرارداد آئندہ کونسل اجلاس میں پیش کی جائے گی تاکہ اس پر باضابطہ عمل درآمد کیا جا سکے۔
میئر کراچی کا کہنا ہے کہ ٹریفک کی بہتری اور حادثات کی روک تھام کے لیے سخت اقدامات ناگزیر ہیں،انہوں نے کہا کہ شہریوں سے اپیل کرتی ہے کہ وہ ٹریفک قوانین کی پابندی کریں اور شہر میں محفوظ سفر کو یقینی بنانے کے لیے انتظامیہ سے تعاون کریں۔
خضدار میں 3.9 شدت کے زلزلے کے جھٹکے
پشاور، جماعت اسلامی کیجانب سے اسرائیل کیخلاف بھرپور احتجاج