موسیٰ رضا شاہ بخاری مرکزی تنظیم لائسنسداران عزاداری جنوبی پنجاب کے نئے صدر منتخب
اشاعت کی تاریخ: 17th, April 2025 GMT
ملتان پریس کلب میں پریس کانفرنس کرتے ہوئے موسیٰ رضا شاہ کا کہنا تھا کہ 4 ماہ قبل تنظیم کے سابقہ صدر مرحوم مہر مزین عباس چاون کی قیادت میں لائسنسداران متولیان بانی مجالس عزاداران ماتمی انجمن اور دیگر عزاداری سے وابستہ عزاداران اس تنظیم کا حصہ رہے ہیں، اب چونکہ ایام عزا قریب ہیں اس لیے تمام مکاتب عزاداری سے جاری مشاورت کے بعد تنظیم نوکے قواعد پر عمل درامد کر کے صدارت کے لیے مجھے منتخب کر لیا گیا ہے۔ اسلام ٹائمز۔ مرکزی تنظیم لائسنسداران عزاداری امام حسین علیہ السلام جنوبی پنجاب کے صدر سید موسی رضا شاہ بخاری نے اراکین کے ہمراہ تنظیم کی تشکیل نو اور آمدہ محرم الحرام کے انتظامات کے سلسلہ میں ملتان پریس کلب میں پریس کانفرنس کی۔ اس موقع پر صدر مرکزی تنظیم لائسنسداران عزاداری نے کہا کہ مرکزی تنظیم لائسنسداران نے گزشتہ 15 سال سے عزاداری امام حسین کے فروغ اور انتظامی امور کے لیے اپنی کاوشیں جاری رکھی ہوئی ہیں، 4 ماہ قبل تنظیم کے سابقہ صدر مرحوم مہر مزین عباس چاون کی قیادت میں لائسنسداران، متولیان، بانی مجالس، عزاداران، ماتمی انجمن اور دیگر عزاداری سے وابستہ عزاداران اس تنظیم کا حصہ رہے ہیں، مرحوم کی ناگہانی وفات کے بعد تنظیم کے قواعد کے مطابق مشاورت کا عمل جاری رہا، اب چونکہ ایام عزا قریب ہیں، اس لیے تمام مکاتب عزاداری سے جاری مشاورت کے بعد تنظیم نو کے قواعد پر عمل درامد کر کے صدارت کے لیے سید موسی رضا بخاری کا انتخاب کر لیا گیا ہے، جو کہ گزشتہ روش کو جاری رکھتے ہوئے سابقہ روایات کے مطابق عزاداری کے احیا، فروغ نظم و ضبط کی درستگی اور انتظامی امور میں جنوبی پنجاب کی انتظامیہ کے ساتھ مل کر کام کریں گے۔
رہنمائوں نے کہا کہ مرکزی تنظیم نے ہمیشہ امن و امان کے فروغ، اتحاد وحدت بین المذاہب ہم آہنگی، بھائی چارے کا فروغ، فرقہ واریت کا خاتمہ اور انتظامی معاملات میں ہمیشہ اپنی خدمات کو پیش کیا ہے اور آئندہ بھی اپنی انہی خدمات کے سلسلہ کو جاری رکھتے ہوئے اس کو جاری رکھے گی، اس کے علاوہ ملتان ضلع کے دیگر تحصیلوں شجاعباد اور جلال پور پیروالہ اور صدر ملتان میں بھی جلد دورے کر کے لائسنس داران اور عزاداران کو اعتماد میں لیا جائے گا۔ انہوں نے مزید کہا کہ مرکزی تنظیم میں ذیلی کمیٹیاں بنا دی گئی ہیں جو کہ ضلع ملتان میں دورہ مکمل کرنے کے بعد ضلع مظفرگڑھ، خانیوال، کوٹ ادو، ڈیرہ غازی خان، تونسہ، لودھراں اور بہاولپور میں دورے کر کے وہاں مقامی انتظامی افسران کے ساتھ حسب سابق میٹنگ کر کے لائسنس داران کے انتظامی معاملات پر مفصل گفتگو کریں گے۔ آخر میں مرکزی تنظیم کے مستقبل، وطن عزیز کی سلامتی اداروں اور سیکیورٹی اہلکاران کی سلامتی اور شہدا کی بلندی درجات کے لیے دعا کی گئی۔
ذریعہ: Islam Times
کلیدی لفظ: مرکزی تنظیم لائسنسداران تنظیم کے کے بعد کے لیے
پڑھیں:
جمعرات کو پنجاب میں 3 روزہ ثقافت دیہاڑ منایا جا رہا ہے، عظمیٰ بخاری
اپنے ویڈیو پیغام میں وزیر اطلاعات پنجاب کا کہنا تھا کہ پنجابی کلچر ڈے پروگرام کی مہمان خصوصی وزیراعلیٰ پنجاب ہوں گی اور تقریب سے خطاب کریں گی، الحمرء لاہور میں 3 روزہ پنجابی کلچر پروگرام منعقد کیا جا رہا ہے۔ اسلام ٹائمز۔ وزیر اطلاعات پنجاب عظمی بخاری نے کہا ہے کہ جمعرات کو پنجاب میں 3 روزہ پنجاب ثقافت دیہاڑ منایا جا رہا ہے۔ اپنے ویڈیو پیغام میں عظمیٰ بخاری کا کہنا تھا کہ پنجابی کلچر ڈے پروگرام کی مہمان خصوصی وزیراعلیٰ مریم نواز ہوں گی اور تقریب سے خطاب کریں گی، الحمرء لاہور میں 3 روزہ پنجابی کلچر پروگرام منعقد کیا جا رہا ہے۔ انہوں نے کہا کہ پنجابی کلچر پروگرام میں مختلف مالی بولی کی ثقافت پروگرام منعقد کیے جا رہے ہیں، الحمرء کو پنجاب کی ثقافت کے رنگوں میں رنگ دیا گیا ہے، پروگرام میں پنجاب کے روایتی کلچر کو فروغ دیا گیا ہے۔
وزیر اطلاعات کا کہنا تھا کہ پنجاب کے کلچر کی تمام روایات کا عملی نمونہ پیش کیا گیا ہے، 3 روزہ کلچر پروگرام میں عوام کی فری انٹری ہوگی، پنجابی کلچر پروگرام میں شرکت کرنے والے شہری الحمراء کی ویب سائٹ پر اپنی رجسٹریشن کر سکتے ہیں۔ علاوہ ازیں عظمیٰ بخاری کا مزید کہنا تھا کہ الحمرء کی فیس بک اور دیگر پلیٹ فارم پر بھی رجسٹریشن کروانے کی سہولت موجود ہے۔
سندھ حکومت اپنی اداؤں پر غور کرے: وزیر اطلاعات پنجاب