کراچی: 5 لاکھ روپے کی ڈکیتی کے دوران فائرنگ سے شہری زخمی، ویڈیو سامنے آگئی
اشاعت کی تاریخ: 17th, April 2025 GMT
نیو سبزی منڈی میں ڈاکوؤں نے فائرنگ کرکے شہری کو زخمی کرنے اور پانچ لاکھ روپے لوٹنے کا مقدمہ تھانہ سائٹ سپر ہائی وے میں درج کرلیا۔
رپورٹ کے مطابق 16 اپریل بروز بدھ سپر ہائی وے پر واقعے نیو سبزی منڈی میں ڈکیتی کے دوران مزاحمت پر ڈاکوؤں نے فائرنگ کرکے عبد الکریم نے شہری کو زخمی کیا اور 5 لاکھ روپے لوٹ کر فرار ہوئے۔
پولیس نے واقعے کا مقدمہ تاجر محمد اقبال کی مدعیت میں تین نامعلوم ڈاکوؤں کے خلاف درج کرلیا ہے۔
مدعی کے محمد اقبال کے مطابق وہ مختلف مقامات سے رقم وصول کرنے کے بعد منڈی میں حساب کتاب میں مصروف تھا کہ اچانک تین ڈاکو موٹر سائیکل پر سوار ہو کر آئے اور مزاحمت پر فائرنگ کر دی۔
ڈاکوؤں کی فائرنگ سے محمد اقبال کا ملازم عبدالکریم شدید زخمی ہو گیا، جسے فوری طبی امداد کے لیے اسپتال منتقل کیا گیا، زخمی کو دو گولیاں لگی تھیں۔۔
پولیس نے واردات کی سی سی ٹی وی فوٹیج حاصل کرلی جس میں تینوں ملزمان کو ایک ہی موٹر سائیکل پر سوار دیکھا جا سکتا ہے۔
پولیس حکام کا کہنا ہے کہ فرار ہونے والے ملزمان کو جلد گرفتار کر لیا جائے گا، اور تحقیقات تیزی سے جاری ہیں۔
.
ذریعہ: Express News
پڑھیں:
کراچی: فائرنگ کے مختلف واقعات میں دو افراد زخمی
کراچی کے مختلف علاقوں میں فائرنگ کے واقعات میں دو افراد زخمی ہوگئے۔
تفصیلات کے مطابق فیڈرل بی ایریا مین واٹر پمپ فرید اسکوائر بیکری کے قریب فائرنگ کے واقعے میں 17 سالہ آیان ملک زخمی ہوگیا جسے فوری طبی امداد کے لیے عباسی شہید اسپتال لیجایا گیا۔
اس حوالے جوہر آباد پولیس کا کہنا ہے کہ واقعہ بیکری پر تعینات سیکیورٹی گارڈ سے اتفاقیہ گولی چلنے کے باعث پیش آیا ہے جس کی مزید معلومات حاصل کی جا رہی ہے۔
دری اثنا صدر لکی اسٹار ایٹریم مال کے قریب فائرنگ سے ایک شخص شدید زخمی ہوگیا جسے فوری طبی امداد کے لیے جناح اسپتال لیجایا گیا ۔
چھیپا حکام کے مطابق مضروب کی شناخت 27 سالہ شائستہ خان کے نام سے کی گئی جس کے پیٹ پر گولی لگی تھی جبکہ واقعہ نامعلوم ملزمان کی فائرنگ سے پیش آنے کا بتایا جا رہا ہے جبکہ فوری طور پر فائرنگ کی وجہ کا معلوم نہیں ہوسکا ۔
میئر کراچی اور گورنر سندھ کا شہر کی بہتری کیلئے مل کر کام کرنے کا اعلان