شدید ژالہ باری کے بعد عمر گل کی گھر سے اولے ہٹانے کی ویڈیو وائرل
اشاعت کی تاریخ: 17th, April 2025 GMT
اسلام آباد میں گزشتہ روز اچانک ہونے والی ژالہ باری سے کئی گاڑیوں، سولر پینلز اور املاک کو نقصان پہنچا جس کی ویڈیوز اور تصاویر سوشل میڈیا پر شیئر کی جا رہی ہیں۔
سابق کرکٹر عمر گل نے بھی ژالہ باری کے بعد سوشل میڈیا پر اپنے گھر کی ویڈیوز شیئر کی ہیں جس میں دیکھا جا سکتا ہے کہ ان کے گھر کے سامنے اولوں کی موٹی تہہ جمی ہوئی ہے جسے عمر گل صارف کر رہے ہیں۔
یہ بھی پڑھیں: اسلام آباد میں شدید ژالہ باری سے نقصان: ’ ایسا لگ رہا تھا جیسے کوئی نشانے لے کر مار رہا ہو‘
عمر گل نے فوٹو اینڈ شیئرنگ ایپ پر اپنے گھر کے باہر کا منظر بھی دکھایا جہاں شدید ژالہ باری کی وجہ سے درخت کے پتے زمین پر گرے ہوئے ہیں اور سڑک نے سفید چادر اوڑھ رکھی تھی۔
View this post on Instagram
A post shared by Umar Gul (@umargulofficial)
سابق کرکٹر نے اپنے پیغام میں کہا کہ ایسا منظر پہلے کبھی نہیں دیکھا تھا۔ یہ واقعی خوفناک تھا۔ اللہ ہم پر رحم فرمائے۔ انہوں نے کہا کہ دعا گو ہوں کہ سب خیریت سے ہوں۔
واضح رہے کہ گزشتہ روز طوفانی ہواؤں کی وجہ سے کئی درخت بھی جڑوں سے اکھڑ گئے اور متعدد گاڑیوں کی ونڈز گرین، لائٹس، سائیڈ کے شیشے اور بیک سکرین مکمل طور پر تباہ ہو گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد موسم بارشیں برفباری ژالہ باری عمر گل.ذریعہ: WE News
کلیدی لفظ: اسلام ا باد موسم ژالہ باری عمر گل ژالہ باری عمر گل
پڑھیں:
آندھی طوفان، شدید بارش اور ژالہ باری کا الرٹ جاری
نیشنل ایمرجنسیز آپریشن سینٹر نے آج اور کل پنجاب سمیت مختلف علاقوں میں شدید بارش، آندھی اور ژالہ باری کا الرٹ جاری کیا ہے۔ این ڈی ایم اے کے مطابق فصلوں، بجلی اور عمارتوں کو نقصان پہنچ سکتا ہے۔ عوام غیر ضروری سفر سے گریز کریں اور احتیاطی تدابیر اختیار کریں۔
نیشنل ایمرجنسیز آپریشن سینٹر سے جاری الرٹ کے مطابق آج اور کل ملک کے مختلف حصوں میں شدید بارش اور بعض مقامات پر شدید ژالہ باری کا امکان ہے۔ ترجمان این ڈی ایم اے نے راولپنڈی سمیت پنجاب کے کئی علاقوں میں اگلے 2 روز کے لیے شدید موسمی صورتحال کی وارننگ جاری کی ہے۔
مزید پڑھیں: خیبر پختونخوا کے شمالی علاقوں میں گلیشیئر پھٹنے کا خدشہ، پی ڈی ایم اے کا الرٹ جاری
این ڈی ایم اے کے مطابق پنجاب کے علاقے بشمول اٹک، چکوال، گجرات، جہلم میں آندھی طوفان اور ژالہ باری ہوسکتی ہے۔ وسطی پنجاب کے علاقے فیصل آباد، حافظ آباد، جھنگ، خوشاب، میانوالی، لاہور، نارووال، ساہیوال، سرگودھا اور شیخوپورہ بھی شدید موسمی زد میں آ سکتے ہیں۔ تیز ہواؤں اور بارش سے بجلی کی بندش اور حادثات کا خدشہ ہے۔
این ڈی ایم اے نے خبردار کیا ہے کہ پنجاب میں ممکنہ شدید موسمی صورتحال کے باعث فصلوں کو بھی نقصان پہنچ سکتا ہے۔کسان طبقہ فصلوں کو نقصان سے بچانے کے لیے ضروری پیشگی انتظامات بھی رکھے۔ آندھی و طوفان کی صورت میں کمزور عمارتوں اور درختوں سے دور رہیں۔ عوام سےاپیل کی کہ اس دورانیے میں غیر ضروری سفر سے پرہیز کیا جائے۔
نیشنل ایمرجنسیز آپریشن سینٹر نے خیبر پختونخوا سے متعلق ایمرجنسی الرٹ جاری کیا ہے جس کے مطابق آندھی طوفان ، بارش اور شدید ژالہ باری سے مالاکنڈ، ہزارہ، بنوں، چارسدہ، کرک سمیت کئی اضلاع متاثر ہو سکتے ہیں۔
مزید پڑھیں: راولپنڈی میں موسلادھار بارش کے بعد واسا کو ہائی الرٹ کردیا گیا
ترجمان این ڈی ایم اے کے مطابق پشاور، مردان، نوشہرہ، سوات اور گردونواح میں موسم خراب رہنے کا امکان ہے۔ بارش اور برفباری سے پہاڑی علاقوں میں لینڈ سلائیڈنگ اور برفانی تودے گرنے کا خدشہ ہے۔ اہم شاہراہوں پر خصوصاً مالاکنڈ اور ہزارہ ڈویژنوں میں لینڈ سلائیڈنگ کا خطرہ ہے۔
ہدایت دی گئی ہے کہ شدید بارشوں کے باعث فلیش فلڈنگ کی صورتحال پیدا ہو سکتی ہے۔ موسمی حالات سے آگاہ رہنے کے لیے موبائل ایپ این ڈی ایم اے ڈیزاسٹر الرٹ کو فالو کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آندھی طوفان، این ڈی ایم اے ژالہ باری شدید بارش نیشنل ایمرجنسیز آپریشن سینٹر
آٹھ فروری کو حقیقی نمائندوں کے بجائے جعلی قیادت مسلط کی گئی، تحریک تحفظ آئین