جیا بچن کی کس بات پر ایشوریا رائے سب کے سامنے آبدیدہ ہو گئیں؟
اشاعت کی تاریخ: 17th, April 2025 GMT
بالی ووڈ سپر اسٹار امیتابھ بچن کی اہلیہ جیا بچن کی ایک پرانی ویڈیو سوشل میڈیا پر وائرل ہو رہی ہے جس میں وہ اپنی بہو ایشوریا رائے کو خاندان میں خوش آمدید کہتی ہیں جس پر ایشوریا رائے اپنے جذبات پر قابو نہ رکھ سکیں۔
جیا بچن نے اسٹیج پر کھڑے ہو کر کہا کہ آج میں ایک بار پھر پیاری سی لڑکی کی ساس بننے جا رہی ہوں جو بہت باوقار ہے اور جس کی مسکراہٹ بہت دلنشین ہے، انہوں نے اداکارہ سے کہا کہ میں آپ کو اپنے خاندان میں خوش آمدید کہتی ہوں اور آپ سے بہت محبت کرتی ہوں۔
View this post on Instagram
A post shared by ????Aishwarya(ऐश्वर्या)???? (@diehardfanofaishwaryarai_arb)
یہ سن کر ایشوریا رائے اپنے جذبات پر قابو نہ رکھ سکیں اور ان کی آنکھوں سے آنسو نکل آئے۔ واضح رہے کہ یہ ویڈیو 2007 کے فلم فیئر لائف ٹائم اچیومنٹ ایوارڈ تقریب کی ہے، جہاں جیا بچن کو ان کی فنی خدمات پر ایوارڈ دیا گیا تھا۔
یہ پہلا موقع نہیں تھا جب جیا بچن نے ایشوریا کی تعریف کی ہو، اس سے قبل ایک انٹرویو میں جب ان سے پوچھا گیا کہ کیا ایشوریا ان کے خاندان کے لیے صحیح انتخاب ہیں تو ان کا کہنا تھا کہ ’ایشوریا بہت شاندار ہیں۔ وہ خود بھی ایک بڑی اسٹار ہیں۔ لیکن جب ہم سب اکٹھے ہوتے ہیں تو میں نے کبھی نہیں دیکھا کہ وہ خود کو آگے بڑھاتے ہوئے نظر آئیں، مجھے یہ خصوصیت پسند ہے کہ وہ پیچھے رہتی ہیں، خاموش رہتی ہیں اور سب کچھ سنتی ہیں اور سیکھتی ہیں‘۔
یہ بھی پڑھیں: کیا ایشوریا رائے نے اپنے نام سے ’بچن‘ ہٹادیا؟
انہوں نے مزید کہا، ’ایک اور خوبصورت بات یہ ہے کہ ایشوریا ان کے خاندان میں اچھی طرح سے ڈھل گئی ہیں۔ وہ جانتی ہیں کہ یہ خاندان ہے، یہ اچھے دوست ہیں، اور یہی طریقہ ہونا چاہیے۔ مجھے لگتا ہے کہ وہ ایک مضبوط خاتون ہیں‘۔
واضح رہے کہ بالی ووڈ کی مقبول جوڑی ایشوریا رائے اور ابھیشیک بچن 2007ء میں شادی کے بندھن میں بندھے تھے اور 2011ء میں ان کی بیٹی آرادھیا کی پیدائش ہوئی۔ اس جوڑے میں علیحدگی کی خبریں کافی عرصے سے گردش میں ہیں لیکن ایشوریہ یا ابھیشک کی جانب سے ایسی خبروں کی تردید یا تصدیق نہیں کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشوریا رائے ایشوریا رائے طلاق بالی ووڈ بالی ووڈ اداکارہ جیا بچن.ذریعہ: WE News
کلیدی لفظ: ایشوریا رائے ایشوریا رائے طلاق بالی ووڈ بالی ووڈ اداکارہ جیا بچن ایشوریا رائے بالی ووڈ جیا بچن
پڑھیں:
عمرکوٹ ضمنی الیکشن: خواتین اور بزرگوں نے بھی اپنا حق رائے دہی استعمال کیا
عمرکوٹ میں قومی اسمبلی کےحلقہ این اے 213 میں ضمنی انتخاب ہوا۔ سخت گرمی میں بھی ووٹرز کا جوش و خروش، خواتین اور بزرگوں نے بھی اپنا حق رائے دہی استعمال کیا۔ دولہا بارات لے جانے سے پہلے اپنا ووٹ کاسٹ کرنے پولنگ اسٹیشن پہنچ گیا۔
عمرکوٹ میں قومی اسمبلی کی نشست 213 پر 6 لاکھ 8 ہزار 97 رجسٹرڈ ووٹرز کےلیے 498 پولنگ اسٹیشنز قائم کیے گئے تھے۔ پولنگ کا عمل صبح آٹھ بجے سے شام پانچ بجےتک جاری رہا۔
پولنگ اسٹیشنز پر شدید گرمی کے باوجود ووٹرز کی لمبی قطاریں لگی رہیں۔
کئی پولنگ اسٹیشنز پر خواتین ووٹرز کا جوش و خروش نظر آیا۔
رنگ برنگے تھری لباس میں ملبوس خواتین ننھے بچوں کو گود میں اٹھائے اپنا ووٹ کاسٹ کرنے پہنچیں۔
ایک نابینا بزرگ ووٹر پڑوسی کی مدد لےکر پولنگ اسٹیشن پہنچے اور اپنا ووٹ کاسٹ کیا۔
کنری میں ایک دولہا اپنی شادی کے روز بارات لےجانے سے پہلے ووٹ کاسٹ کرنے پولنگ اسٹیشن پہنچا۔
قومی اسمبلی کی نشست 213 پیپلزپارٹی کےرہنما نواب یوسف تالپور کے انتقال کے بعد خالی ہوئی تھی۔
سندھ حکومت اپنی اداؤں پر غور کرے: وزیر اطلاعات پنجاب