آزاد کشمیر سے ٹی ٹی پی کے 9 دہشت گرد گرفتار
اشاعت کی تاریخ: 17th, April 2025 GMT
آزاد کشمیر سے ٹی ٹی پی کے 9 دہشت گرد گرفتار WhatsAppFacebookTwitter 0 17 April, 2025 سب نیوز
مظفرآباد(آئی پی ایس) آزاد کشمیر کے وزیر داخلہ کرنل وقار نور کا کہنا ہے کہ کالعدم ٹی ٹی پی کے نو دہشت گردوں کو گرفتار کیا گیا ہے۔
وزیر داخلہ کرنل وقار نور اورآئی جی نے مظفرآباد میں پریس کانفرنس سے خطاب کیا، اس موقع پر وزیرداخلہ نے بتایا کہ آزاد کشمیر میں دہشتگردی کا نیٹ ورک پکڑا گیا ہے۔
انہوں نے کہا کہ سیکیورٹی فورسز نے کارروائی کرتے ہوئے 9 دہشت گردوں کوگرفتار کیا ہے ان دہشت گردوں کو سرحد پار سے تربیت دی جا رہی تھی۔
وزیر داخلہ آزاد کشمیر نے کہا کہ سرحد پار سے دہشت گردوں کی مالی معاونت بھی کی جارہی ہے۔
انہوں نے کہا کہ دہشت گرد ثاقب کو گرفتار ملزم زرنوش کی نشاندہی پر19 مارچ کو آزاد پتن سے گرفتار کیا گیا ہے۔
.ذریعہ: Daily Sub News
پڑھیں:
طالبان نے 5 لاکھ امریکی ہتھیار دہشت گردوں کو بیچ دیے، برطانوی میڈیا کا انکشاف
برطانوی نشریاتی ادارے نے دعویٰ کیا ہے کہ افغان طالبان نے امریکا کی جانب سے چھوڑے گئے تقریباً 5 لاکھ فوجی ہتھیاروں کو دہشت گرد تنظیموں کو بیچ دیا یا اسمگل کر دیا ہے۔
رپورٹ کے مطابق یہ ہتھیار طالبان کے 2021 میں افغانستان پر قبضے کے بعد غائب ہوئے۔
رپورٹ میں کہا گیا ہے کہ اقوام متحدہ کے مطابق امریکی اسلحہ اب افغانستان میں القاعدہ سے منسلک تنظیموں کے پاس بھی پہنچ چکا ہے۔ طالبان نے خود بھی اعتراف کیا ہے کہ وہ کم از کم نصف فوجی سامان کا حساب دینے سے قاصر ہیں۔
یو این کی رپورٹ میں بتایا گیا ہے کہ طالبان نے اپنے مقامی کمانڈرز کو امریکی ہتھیاروں کا 20 فیصد رکھنے کی اجازت دی، جس سے بلیک مارکیٹ میں اسلحے کی فروخت کو فروغ ملا۔
قندھار کے مقامی صحافی کے مطابق طالبان کے اقتدار سنبھالنے کے بعد ایک سال تک امریکی اسلحہ کھلی مارکیٹ میں فروخت ہوتا رہا، جبکہ اب یہ تجارت خفیہ طریقے سے جاری ہے۔
طالبان حکومت کے نائب ترجمان حمد اللہ فطرت نے ان الزامات کو مسترد کرتے ہوئے دعویٰ کیا کہ تمام ہتھیار محفوظ ہیں اور اسمگلنگ یا فروخت کے الزامات بے بنیاد ہیں۔
رپورٹ میں امریکی ادارے سیگار کا حوالہ بھی دیا گیا، جس نے اسلحے کی کم تعداد کی اطلاع دی ہے، جبکہ سابق صدر ڈونلڈ ٹرمپ نے دعویٰ کیا ہے کہ 85 ارب ڈالر مالیت کے امریکی ہتھیار افغانستان میں چھوڑ دیے گئے تھے۔
پشاور ہائیکورٹ نے تیمور سلیم جھگڑا کو حفاظتی ضمانت دے دی