چین اور ملائیشیا کے درمیان روایتی دوستی ہزاروں سال پر محیط ہے، چینی صدر
اشاعت کی تاریخ: 17th, April 2025 GMT
چین اور ملائیشیا کے درمیان روایتی دوستی ہزاروں سال پر محیط ہے، چینی صدر WhatsAppFacebookTwitter 0 17 April, 2025 سب نیوز
بیجنگ () چینی صدر شی جن پھنگ اور ملائیشیا کے وزیر اعظم انور ابراہیم نے کوالالمپور میں وزیر اعظم ہاؤس میں ملاقات کی ۔بدھ کے روز
وزیراعظم ہاؤس پہنچنے پر انور ابراہیم نے صدر شی جن پھنگ کا پرتپاک استقبال کیا۔
ملاقات کے موقع پر شی جن پھنگ نے کہا کہ چین اور ملائیشیا کے درمیان روایتی دوستی ہزاروں سال پر محیط ہے۔ گزشتہ سال فریقین نے سفارتی تعلقات کے قیام کی 50 ویں سالگرہ منائی تھی۔ گزشتہ 50 سالوں میں چین اور ملائیشیا کے تعلقات کے ٹھوس نتائج برآمد ہوئے ہیں اور دونوں فریقوں کو اگلے 50 سالوں میں اعلی سطحی اسٹریٹجک چین ملائیشیا ہم نصیب معاشرے کی تعمیر کرنی چاہیے، دونوں ممالک کے عوام کے لیے مزید فوائد پیدا کرنے چاہئیں اور علاقائی خوشحالی اور استحکام کے لیے زیادہ سے زیادہ کردار ادا کرنا چاہیے۔
شی جن پھنگ نے اعلی سطحی اسٹریٹجک چین ملائیشیا ہم نصیب معاشرے کی تعمیر کے بارے میں تین تجاویز پیش کیں۔ سب سے پہلے، اسٹریٹجک خودمختاری پر عمل کریں اور اعلی سطحی اسٹریٹجک کوآرڈینیشن کریں.
شی جن پھنگ نے نشاندہی کی کہ چین آسیان کے چیئرمین ملک کی حیثیت سے ملائیشیا کے کردار کی حمایت کرتا ہے، اور چین-آسیان آزاد تجارتی زون کو اپ گریڈ کرنے کے پروٹوکول پر جلد از جلد دستخط کرنے کے لئے علاقائی ممالک کے ساتھ مل کر کام کرنے کے لئے تیار ہے، تاکہ کھلے پن، شمولیت، یکجہتی اور تعاون کے ذریعے ” ڈی کپلنگ ” ، “چھوٹے صحن اور اونچی دیواروں” اور اندھا دھند محصولات کی مزاحمت کی جاسکے۔
انور ابراہیم نے صدر شی جن پھنگ کے دورہ ملائیشیا کا پرتپاک خیر مقدم کیا اور کہا کہ چین نے طویل عرصے سے خلوص نیت سے ملائیشیا کی مدد کی ہے اور وہ ملائیشیا کا قابل اعتماد دوست ہے۔ ملائیشیا ایک چین کی پالیسی پر سختی سے کاربند ہے اور کسی بھی طرح کی “تائیوان کی علیحدگی ” کی حمایت نہیں کرتا۔
مذاکرات کے بعد دونوں ممالک کے رہنماؤں نے چین اور ملائیشیا کے درمیان 30 سے زائد دوطرفہ تعاون کی دستاویزات کے تبادلے کا مشاہدہ کیا۔ دونوں فریقوں نے اعلیٰ سطحی اسٹریٹجک چین ملائیشیا ہم نصیب معاشرے کی تعمیر پر چین اور ملائیشیا کا مشترکہ اعلامیہ جاری کیا۔
ملاقات کے بعد وزیر اعظم انور ابراہیم نے صدر شی جن پھنگ کے لیے عشائیے کا اہتمام کیا۔
ذریعہ: Daily Sub News
کلیدی لفظ: چین اور ملائیشیا کے درمیان
پڑھیں:
چینی صدر کمبوڈیا کے سرکاری دورے پر نوم پین پہنچ گئے، ہوائی اڈے پر پرتپاک استقبال
چینی صدر کمبوڈیا کے سرکاری دورے پر نوم پین پہنچ گئے، ہوائی اڈے پر پرتپاک استقبال WhatsAppFacebookTwitter 0 17 April, 2025 سب نیوز
نوم پین :چینی صدر شی جن پھنگ کمبوڈیا کے بادشاہ نورودوم سیہامونی کی دعوت پر کمبوڈیا کے سرکاری دورے پر خصوصی طیارے کے ذریعے نوم پین پہنچے۔جمعرات کے روز چینی میڈ یا نے بتا یا کہ جب شی جن پھنگ نوم پین انٹرنیشنل ایئرپورٹ پہنچے تو بادشاہ سیہامونی کی قیادت میں شاہی خاندان کے ارکان، پیپلز پارٹی کے چیئرمین اور سینیٹ کے چیئرمین ہن سین، قومی اسمبلی کے پہلے نائب چیئرمین اور پانچ نائب وزرائے اعظم نے ہوائی اڈے پر ان کا پرتپاک استقبال کیا۔
سیہامونی نے ہوائی اڈے پر صدر شی جن پھنگ کے لئے ایک شاندار استقبالیہ تقریب کا انعقاد کیا۔شی جن پھنگ نے ان کے ہمراہ گارڈ آف آنر کا معائنہ کیا۔اس دوران فوجی بینڈ نے چین اور کمبوڈیا کے قومی ترانے پیش کیے۔ اس کے علاوہ وہاں موجود سینکڑوں مقامی افراد نے بھی صدر شی جن پھنگ کا پر تپاک استقبال کیا۔ انھوں نے دونوں ممالک کے قومی پرچم اور دیگر بینرز اٹھا رکھے تھے جن پر “کمبوڈیا-چین دوستی، اتحاد اور تعاون زندہ باد” کے الفاظ درج تھے۔
ہوائی اڈے پر شی جن پھنگ نے اپنی تحریری تقریر میں کمبوڈیا کے روایتی نئے سال کے موقع پر کمبوڈیا کی حکومت اور عوام کے لئے نیک خواہشات کا اظہار کیا ۔شی جن پھنگ نے اس بات کی نشاندہی کی کہ دونوں ممالک نے دوطرفہ ہم نصیب معاشرے کی تعمیر اور بیلٹ اینڈ روڈ انیشی ایٹو پر تعاون کرنے میں قائدانہ کردار ادا کیا ہے، ایک نئی قسم کے بین الاقوامی تعلقات کی تعمیر کے لئے ایک مثال قائم کی ہے اور انسانیت کے ہم نصیب معاشرے کی تعمیر میں اپنا کردار ادا کیا ہے۔
انہوں نے کہا کہ وہ دوستی اور مشترکہ ترقی، تزویراتی تعاون کو گہرا کرنے، دونوں ممالک کے عوام کو مزید فوائد پہنچانے اور علاقائی اور عالمی امن و استحکام میں مزید مثبت توانائی پیدا کرنے کے لیے کمبوڈیا کے رہنماؤں کے ساتھ مل کر کام کرنے کے خواہاں ہیں ۔
پشاور، جماعت اسلامی کیجانب سے اسرائیل کیخلاف بھرپور احتجاج