ابوظبی میں پاکستانی زرعی محقق ڈاکٹر غلام سرور کو عالمی ایوارڈ دیا گیا
اشاعت کی تاریخ: 17th, April 2025 GMT
پاکستان کی زرعی جدت و تحقیق کو عالمی سطح پر پذیرائی ملی ہے۔ صوبہ سندھ کی درسگاہ شاہ لطیف یونیورسٹی خیرپور کے ممتاز پاکستانی محقق، ڈاکٹر غلام سرور مہرخند کو ابوظبی میں منعقدہ تقریب میں "بااثر شخصیت" کی کیٹیگری میں خلیفہ انٹرنیشنل ایوارڈ فار ڈیٹ پام اینڈ ایگریکلچرل انوویشن سے نوازا گیا۔
جیو نیوز سے گفتگو کرتے ہوئے ڈاکٹر غلام سرور مہرخند نے ایوارڈ کو اپنی تحقیق کے لیے ایک بڑا اعزاز قرار دیا۔
انہوں نے بتایا کہ "بااثر شخصیت" کی کیٹیگری میں 28 ممالک کے 180 سے زائد محققین اور اسکالرز نے اپنی تحقیق جمع کروائی، جن میں پاکستان اور مصر نے اس کیٹیگری کے اعلیٰ اعزازات جیتے۔
پاکستان امارات کا مفاہمتی معاہدہ: زرعی تعلقات مضبوط بنانے کی جانب اہم قدمتقریب کے دوران پاکستان میں دوسرا انٹرنیشنل ڈیٹ پام فیسٹیول 2025 منعقد کرنے کے لیے مفاہمتی یادداشت پر دستخط کیے گئے۔
مفاہمتی یادداشت پر دستخط پاکستان کے وفاقی وزیر رانا تنویر حسین اور خلیفہ انٹرنیشنل ایوارڈ کے جنرل سیکریٹری ڈاکٹر عبدالوہاب زید نے کیے۔
مفاہمتی یادداشت کا مقصد پاکستان میں کھجور کی پیداوار کو فروغ دینا اور پائیدار زراعت کے طریقے اپنانا ہے۔ یہ معاہدہ پاکستان اور متحدہ عرب امارات کے درمیان جدت اور علم کے تبادلے کو فروغ دیتے ہوئے زرعی تعاون کو مضبوط کرے گا۔
وفاقی وزیر رانا تنویر حسین نے پاکستان اور عرب امارات کے تعاون پر گفتگو کرتے ہوئے کہا کہ "یہ مفاہمتی یادداشت اور ڈاکٹر مہرخند کی پذیرائی پاکستان کی زرعی جدت و تحقیق اور پائیدار طریقوں کے لیے عزم کو ظاہر کرتی ہے۔ ہم مل کر غذائی تحفظ اور موسمیاتی تبدیلی جیسے عالمی چیلنجوں سے نمٹ سکتے ہیں۔"
پاکستان میں کھجور کی پیداوار کی صلاحیت پر گفتگو کرتے ہوئے رانا تنویر نے کہا کہ مفاہمتی یادداشت سے کھجور کی پیداوار میں اضافہ اور نئی اقسام متعارف کروانے میں مدد ملے گی۔
انہوں نے امید ظاہر کی کہ پاک امارات تعاون سے پاکستان سے کھجور کی برآمدات میں اضافہ ہوگا۔
متحدہ عرب امارات کے وزیر برائے رواداری و بقائے باہمی، شیخ نہیان مبارک النہیان نے زرعی جدت کو فروغ دینے میں ایوارڈ یافتگان کی خدمات کو سراہا۔
پاکستان کے سفیر برائے یو اے ای، فیصل نیاز ترمذی کو بھی دونوں ممالک کے درمیان زرعی اور سفارتی تعلقات کو مضبوط بنانے کی کوششوں پر ایوارڈ سے نوازا گیا۔
ایوارڈ تقریب متحدہ عرب امارات کے نائب صدر اور نائب وزیراعظم شیخ منصور بن زاید النہیان کی سرپرستی میں منعقد ہوئی اور زرعی جدت اور کھجور کی پیداوار کے فروغ میں عالمی شخصیات کی خدمات کو سراہتے ہوئے اختتام پذیر ہوئی۔
.ذریعہ: Jang News
کلیدی لفظ: کھجور کی پیداوار مفاہمتی یادداشت عرب امارات کے
پڑھیں:
پاکستان اور ہنگری کے مابین تقافتی تعاون سمیت مختلف مفاہمتی یادداشتوں پر دستخط
اسلام آباد(نیوز ڈیسک) پاکستان اور ہنگری کے درمیان مختلف مفاہمتی یادداشتوں پر دستخط کرنے کی تقریب کا انعقاد کیا گیا۔
پاکستان اور ہنگری کے درمیان مفاہمتی یادداشتوں پر دستخط کرنے کی تقریب اسلام آباد میں منعقد ہوئی، جہاں نائب وزیراعظم و وزیر خارجہ اسحاق ڈار اور ہنگری کے وزیر خارجہ نے مفاہمتی یادداشتوں پر دستخط کئے۔
تقریب کے دوران دونوں ممالک کے درمیان ویزا فری ڈپلومیٹک پاسپورٹ کے شعبے میں ایم او یو سائن کیا گیا، آثار قدیمہ اور ثقافتی ورثے کے شعبے میں ایم او یو پر بھی دستخط ہوئے۔
اس موقع پر پاکستان اور ہنگری کے درمیان ثقافتی تعاون کی مفاہمتی یادداشت پر بھی دستخط کئے گئے۔
ہنگری کے سرمایہ کاروں کیلئے پاکستان میں وسیع مواقع موجود ہیں: اسحاق ڈار
اس موقع پر ہنگری وزیر خارجہ کے ہمراہ مشترکہ پریس کانفرنس میں نائب وزیراعظم اسحاق ڈار کا کہنا تھا کہ ہنگری کے وزیر خارجہ کو پاکستان آمد پر خوش آمدید کہتا ہوں، پاکستان اور ہنگری کے درمیان ثقافتی تعاون فروغ پا رہا، دونوں ملکوں کے درمیان سفارتی تعلقات مضبوط ہو رہے ہیں۔
انہوں نے کہا کہ ہنگری اور پاکستان کے درمیان مشترکہ کمیشن کا تیسرا اجلاس بہت اہمیت کا حامل ہے، ہنگری کے سرمایہ کاروں کیلئے پاکستان میں وسیع مواقع موجود ہیں، جی ایس پی پلس کیلئے حمایت پر ہنگری کے شکرگزار ہیں۔
ان کا کہنا تھا کہ پاکستان اور ہنگری کے درمیان ڈپلومیٹک پاسپورٹ پر ویزہ فری کا معاہدہ ہوا ہے، مستقبل میں دونوں ممالک مل کر کام کرنے پر فائدہ اٹھائیں گے، یوکرین سمیت مختلف معاملات پر بھی تفصیلی گفتگو ہوئی۔
پاکستان کے ساتھ مزید مضبوط تعلقات کے خواہاں ہیں: ہنگری وزیر خارجہ
اس موقع پر ہنگری کے وزیر خارجہ نے کہا کہ شاندار میزبانی پر حکومت پاکستان کے شکرگزار ہیں، پاکستان کے ساتھ مزید مضبوط تعلقات کے خواہاں ہیں، دونوں ملکوں کے درمیان مختلف شعبوں میں مفاہمت کی یادداشتوں پر دستخط ہوئے، ثقافت اور آثار قدیمہ کے شعبوں میں ایک دوسرے کے تجربات سے فائدہ اٹھائیں گے۔
ان کا کہنا تھا کہ عالمی سیاسی امور پر دونوں ملکوں کا مؤقف ایک ہے، افغان سر زمین سے دہشتگردی کے فروغ پر تشویش ہے، غیر قانونی مقیم افراد کے معاملے پر تفصیلی گفتگو ہوئی، یوکرین جنگ کا بات چیت کے ذریعے خاتمہ چاہتے ہیں۔
انہوں نے کہا کہ پاکستان کو قابل اعتماد اتحادی سمجھتے ہیں، جی ایس پی پلس کیلئے پاکستان کی حمایت جاری رکھیں گے، دونوں ملکوں کے درمیان تجارت کے فروغ کے وسیع مواقع موجود ہیں، پاکستان میں سرمایہ کاری کیلئے ماحول ساز گار ہے۔
Post Views: 4
پشاور، جماعت اسلامی کیجانب سے اسرائیل کیخلاف بھرپور احتجاج