کرپشن الزامات،سابق صدر کواہلیہ سمیت 15سال قید کی سزا
اشاعت کی تاریخ: 16th, April 2025 GMT
پیرو(انٹرنیشنل ڈیسک) پیرو کی ایک عدالت نے سابق صدر اولانٹا ہمالا اور ان کی اہلیہ نادین ہریڈیا کو 15 سال قید کی سزا سنائی ہے۔ ان پر برازیلی تعمیراتی کمپنی اوڈی بریچٹ (Odebrecht) سے غیر قانونی فنڈز حاصل کر کے 2006 اور 2011 کے صدارتی انتخابی مہم کی مالی معاونت کا الزام ثابت ہوا۔
دی گارڈین کی رپورٹ کے مطابق عدالت نے قرار دیا کہ ہمالا اور ان کی اہلیہ نے اوڈی بریچٹ اور اُس وقت کے وینزویلا کے صدر ہیگو شاویز کی حکومت سے لاکھوں ڈالر وصول کیے۔اس سزا کے بعد وہ پیرو کی تاریخ کے تیسرے صدر بن گئے ہیں۔ جنہیں کرپشن کے جرم میں قید کی سزا سنائی گئی ہے۔
یاد رہے، سابق صدر الیجاندرو toldo کو 2024 میں 20 سال اور البیٹو فوجی موری کو انسانی حقوق کی خلاف ورزیوں سمیت متعدد جرائم پر سزا ہو چکی ہے۔
ہمالا اور ان کی اہلیہ کو 2017 سے 2018 تک قبل از مقدمہ حراست میں رکھا گیا تاکہ وہ ملک سے فرار نہ ہو سکیں۔ مقدمہ 2022 میں شروع ہوا تھا اور دونوں کے ساتھ آٹھ دیگر افراد کو بھی سزا سنائی گئی ہے۔
اوڈی بریچٹ نے 2016 میں لاطینی امریکا میں وسیع پیمانے پر رشوت ستانی کا اعتراف کیا تھا، جس کے بعد پیرو میں متعدد سابق صدور، وزراء، اور سیاسی رہنماؤں کے خلاف تحقیقات کا آغاز ہوا۔ ان میں سابق صدر ایلن گارسیا بھی شامل تھے، جنہوں نے گرفتاری کے وقت خودکشی کر لی تھی۔
مزیدپڑھیں:ایم پی اے کے بھتیجے پر الزامات، متاثرہ لڑکی کا ویڈیو بیان سامنے آ گیا
ذریعہ: Daily Ausaf
پڑھیں:
سندھ بلڈنگ، وسطی کو نشانہ بناکر باقی اضلاع میں کرپشن پر پردہ ڈالنا ہدف
اسکیم 33میں فلک ناز ٹوئن ٹاؤر ،دانیال ریزیڈنسی ،برج الحرمین بریشنا ہائٹس کی عمارتیں موجود
خلاف ضابطہ عمارتوں کو انہدام سے بچانے میں قربان جمالی، عدیل قریشی ،الطاف سومرو کامیاب
غیر قانونی تعمیرات پرڈی جی اسحاق کھوڑو سے موقف لینے کی باربار کوشش کامیاب نہیں ہو سکی
ڈائریکٹر جنرل اسحاق کھوڑو کے جاری کردہ بیانات حقیقت کے منافی نکلے۔ڈائریکٹو ریٹ آف پریس انفارمیشن محکمہ اطلاعات کے 16اپریل کو جاری کردہ اعلامیے میں دعویٰ کیا گیا تھا کہ سندھ بلڈنگ کنٹرول اتھارٹی کے جانب سے ڈسٹرکٹ سینٹرل میں غیرقانونی تعمیرات اور اس میں ملوث ٹھکیدار پورشن مافیا سمیت سہولت کاروں کے خلاف گھیراتنگ کردیا گیا،ڈسٹرکٹ سینٹرل میں کئی ملزمان کے خلاف ایف آئی آرز درج،18سے زائد ملزمان کو پولیس نے حراست میں لے لیا،جبکہ مزید گرفتاریوں کے لئے کارروائیوں کاسلسلہ جاری ہے۔اعلامیے میں ڈائریکٹر جنرل ایس بی سی اے محمد اسحاق کھوڑو کیا جانب سے سخت موقف کا اظہار کرتے ہوئے کہا گیا تھا کہ غیرقانونی تعمیرات کے خلاف حکومت سندھ کی ہدایات کے مطابق زیروٹالرنس پالیسی غیرقانونی تعمیرات کے مکمل خاتمے تک جاری رہے گی۔پورے شہر میں غیرقانونی تعمیرات میں ملوث ٹھیکیدار و سہولت کاروں اور پورشن مافیا کے خلاف بھرپور قانونی کارروائیاں کی جائیں گی۔مذکورہ اعلامیے کا پورا متن عوام کی آنکھوں میں دھول جھونکنے کے علاوہ کچھ نہیں۔ درحقیقت ڈی جی اسحق کھوڑو نے ضلع وسطی میں کارروائیاں آصف زرداری کے ذاتی معالج اور شہر بھر میںمتبادل سسٹم کے وسطی میں ذمہ دار ڈاکٹر عاصم حسین کے دباؤ پر شروع کی تھی۔ ڈاکٹر عاصم حسین کی جانب سے وسطی میں کارروائیوں کے لیے دباؤ اور باقی شہر کو نظرانداز کرنے کے پیچھے ماضی کے کچھ معاملات ہیں ، جسے الگ سے ایک رپورٹ کی شکل میں شائع کیا جائے گا۔ واضح رہے کہ ڈاکٹر عاصم کے اسی دباؤ سے وسطی میں شروع ہونے والی انہدامی کارروائیوں کو ڈی جی اسحق کھوڑو نے اپنے محکمے کی کارکردگی باور کرانا شروع کردیااور مذکورہ انہدامی کارروائیوں کو بھی نمائشی حد تک رکھ کر اِسے مزید دھندے بازی کے لیے استعمال کیا جانے لگا۔ دوسری طرف وسطی کو نشانہ بناکر باقی اضلاع میں کی جانے والی کرپشن پر پردہ ڈالنے کی ناکام کوشش بھی جاری رکھی گئی۔جرأت سروے ٹیم کے مطابق اسکیم 33میں فلک ناز ٹوئن ٹاؤر ،دانیال ریزیڈنسی ،برج الحرمین بریشنا ہائیٹس جیسی سینکڑوں خلاف ضابطہ بننے والی عمارتیں زمین پر موجود ہیں۔ جن کے خلاف کوئی کارروائی عمل میں نہیں لائی جارہی۔ اسکیم 33پر قابض کرپٹ ٹولہ قربان جمالی، عدیل قریشی ،الطاف سومرو اپنے ذاتی مفادات کے حصول کی خاطر ملکی محصولات کو نقصان پہنچانے کا باعث بن رہے ہیں ۔ خطیر رقوم بٹورنے کے بعد احتساب کے خوف سے لاپروا ہوکر خلاف ضابطہ بننے والی کمزور عمارتوں کی تعمیر میں حصہ دار بھی ہیں ۔ اس حوالے سے ڈی جی اسحاق کھوڑو سے موقف لینے کی باربار کوشش کامیاب نہیں ہو سکی۔
امریکا میں رواں ماہ ہزار سال کا بد ترین سیلاب آنے کا امکان ہے، ناسا