پنجاب میں گندم کے کاشتکاروں کے لیے بڑے پیکج کا اعلان، 15 ارب روپے کی سبسڈی بھی ملے گی
اشاعت کی تاریخ: 16th, April 2025 GMT
وزیراعلیٰ پنجاب مریم نواز شریف نے گندم کے کاشتکاروں کے لیے صوبے کی تاریخ کے پہلے منفرد اور بے مثال پیکج کا اعلان کیا ہے، اس پیکج کے تحت گندم کے 5 لاکھ 50 ہزار کاشتکاروں کو براہ راست گندم اسپورٹ فنڈ کے تحت 15 ارب روپے کے فنڈز دیے جائیں گے۔
وزیراعلیٰ پنجاب مریم نواز شریف نے اعلان کیا ہے کہ گندم کے کاشتکاروں کو کسان کارڈ کے ذریعے براہ راست مالی مدد فراہم کی جائے گی، اس کے علاوہ اس سال گندم کے کاشتکاروں کے لیے ابیانہ اور فکس ٹیکس میں بھی چھوٹ دی جائے گی، گندم کو موسمی اثرات اور کسانوں کو مارکیٹ کے دباؤ سے محفوظ رکھنے کے لیے 4 ماہ کی مفت اسٹوریج کی سہولت مہیا کی جائے گی۔
یہ بھی پڑھیں: کاشتکاروں کے لیے خوشخبری، پنجاب حکومت نے بڑی چھوٹ دے دی
صوبائی نے ای ڈبلیو آر (الیکٹرانک وئیر ہاؤسنگ ریسیٹ) سسٹم کے نفاذ کا بھی فیصلہ کیا ہے، اس سسٹم کے تحت گندم سٹور کرنے والے کاشتکاروں کو الیکٹرانک رسید ملے گی جسے 24 گھنٹے کے اندر بینک میں جمع کروا کر ٹوٹل لاگت کا 70 فیصد تک قرض حاصل کیا جا سکے گا۔
وزیراعلیٰ پنجاب نے گندم کی خریداری کے لیے فلور ملز اور گرین لائسنس ہولڈرز کو بینک آف پنجاب سے حاصل کردہ 100 ارب روپے تک کے قرضوں کا مارک اپ ادا کرنے کا بھی فیصلہ کیا ہے۔
یہ بھی پڑھیں: پیاز اور ٹماٹر کی پیداوار بڑھانے کے لیے کاشتکاروں کو پنجاب حکومت کی انقلابی پیشکش
فلور ملز اور گرین لائسنس ہولڈرز کو گندم کی فوری اور لازمی خریداری اور اسٹوریج کی مجموعی کیپسٹی کے 25 فیصد تک لازمی گندم اسٹور رکھنے کے لیے فوری طور پر کابینہ سے منظوری لی جائے گی، گندم اور گندم سے تیار شدہ اشیاء کی ایکسپورٹ کے لیے وفاقی حکومت سے رابطہ کیا جائے گا۔
صوبائی اور ضلعی سرحدوں پر گندم اور آٹے کی نقل و حمل پر عائد پابندی ختم کردی گئی ہے، پرائیویٹ سیکٹر کو گندم اسٹوریج کے لیے ویئر ہاؤس کی بحالی اور تعمیر کے لیے بینک آف پنجاب فنانسنگ کرے گا اور گندم کے کاشتکاروں کو اسٹوریج کی سہولت مہیا کرنے کے لیے 5 ارب روپے کا مارک اپ حکومت پنجاب ادا کرے گی۔
یہ بھی پڑھیں: پنجاب میں گندم کے کاشتکار مفت ٹریکٹرز اور لینڈلیولرز کیسے حاصل کرسکتے ہیں؟
وزیراعلیٰ مریم نواز شریف نے اس عزم کا اظہار کیا کہ وہ کسی بھی صورت میں کسانوں کا نقصان نہیں ہونے دیں گی۔
انہوں نے کہا ہے کہ کہ اگر کاشتکار نے گندم لگائی ہے تو اسے بھرپور معاوضہ ملے گا۔ انہوں نے کاشتکاروں کو اپنا بھائی قرار دیتے ہوئے کہا کہ وہ ہر دم کاشتکاروں کے ساتھ ہیں اور رہیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان پنجاب کاتشکار کسان کارڈ گندم وزیراعلیٰ مریم نواز.ذریعہ: WE News
کلیدی لفظ: پاکستان کاتشکار کسان کارڈ وزیراعلی مریم نواز گندم کے کاشتکاروں کاشتکاروں کے لیے کاشتکاروں کو مریم نواز ارب روپے جائے گی کیا ہے
پڑھیں:
آبیانہ اور فکس ٹیکس میں چھوٹ بھی گندم کے کاشتکاروں کیلیے ریلیف ہے، وزیراعظم
اسلام آ باد:وزیراعظم شہباز شریف کا کہنا ہے کہ پنجاب میں گندم کے کاشتکاروں کے لیے آبیانہ اور فکس ٹیکس میں بھی چھوٹ کاشتکاروں کے لیے ریلیف ہے۔
وزیر اعلیٰ پنجاب مریم نواز کی جانب سے گندم کے کاشتکاروں کے لیے خصوصی پیکیج کے اعلان پر وزیراعظم محمد شہباز شریف نے ستائش کی اور کہا کہ ساڑھے 5 لاکھ کاشت کاروں کو براہ راست گندم سپورٹ فنڈ کے تحت 15 ارب روپے کے فنڈز کی منظوری انتہائی خوش آئند قدم ہے۔
وزیراعظم نے کہا کہ کسانوں کو چار ماہ مفت اسٹوریج کی سہولت مہیا کرنے کے اقدام سے گندم کو موسمی اثرات اور کسانوں کو مارکیٹ کے دباؤ سے محفوظ رکھنے میں آسانی ہوگی۔ گندم اور گندم سے تیار شدہ اشیاء کی برآمد میں وفاقی حکومت، حکومت پنجاب کو بھرپور تعاون فراہم کرے گی۔
انہوں نے کہا کہ پاکستان کی خوشحالی کسان کی خوشحالی سے جڑی ہے اور پاکستان مسلم لیگ ن کا منشور ہے کہ کسان کو اس کی محنت کا پورا پورا معاوضہ ملے۔
وزیراعظم کا کہنا تھا کہ گندم کے کاشتکاروں کے لیے اس پیکیج کے اعلان پر وزیر اعلیٰ پنجاب اور ان کی ٹیم کو خراج تحسین پیش کرتا ہوں اور مبارکباد دیتا ہوں۔
امریکا میں رواں ماہ ہزار سال کا بد ترین سیلاب آنے کا امکان ہے، ناسا