وفاق یا کسی بھی ملک کو خیبرپختونخوا کے وسائل پر قابض ہونے نہیں دیں گے، مولانا فضل الرحمان
اشاعت کی تاریخ: 16th, April 2025 GMT
جمعیت علمائے اسلام کے سربراہ مولانا فضل الرحمان نے خیبرپختونخوا اسمبلی میں مائنز اینڈ منرلز بل کی منظوری کی کوششوں کی ایک بار پھر مخالفت کرتے ہوئے کہا ہے کہ ہم نہ ہی وفاق اور نہ ہی بین الاقوامی قوتوں کو صوبے کے وسائل کا مالک بننے دیں گے۔
یہ بھی پڑھیں: مائنز اینڈ منرلز ایکٹ کی منظوری: فضل الرحمان نے اراکین بلوچستان اسمبلی کو شوکاز نوٹس جاری کردیے
بدھ کو پشاور میں پریس کانفرنس کرتے ہوئے مولانا فضل الرحمان نے کہا کہ معدنیات نکالے جانے کے حوالے سے قانون سازی ان کی جماعت سمیت دیگر پارٹیوں کے لیے بھی قابل قبول نہیں ہے۔
انہوں نے کہا کہ خیبرپختونخوا کے اختیارات پر کوئی سمجھوتا نہیں ہوگا۔ انہوں نے مزید کہا کہ اس وقت سب سے حساس معاملہ ہمارے معدنی وسائل کا ہے لہٰذا جو بھی معاہدہ ہو ہماری شرائط کے مطابق ہونا چاہیے۔
مولانا فضل الرحمان نے کہا کہ صرف وفاق نہیں بلکہ بین الاقوامی قوتیں بھی ہمارے وسائل پر قبضہ چاہتی ہیں۔ انہوں نے مزید کہا کہ کوئی ملک میں سرمایہ کاری کرنا چاہتا ہے تو وہ وفاق کے توسط، صوبائی حکومت کی اجازت اور شرائط کے ساتھ کرے۔ انہوں نے واضح کیا کہ ہمارے وسائل ہمارے قبضے میں ہونے چاہییں۔
ان کا کہنا تھا کہ 18ویں ترمیم پاس ہوچکی ہے اور اس کے منافی کوئی قانون نہیں لانا چاہیے۔ ان کا مزید کہنا تھا کہ بین الاقوامی قوتوں کو ہمارے وسائل پر قابض ہونے کا موقع دیا جا رہا ہے اور صوبوں سے معدنی ذخائر سے متعلق قانون پاس کرایا جا رہا ہے۔
مولانا فضل الرحمان نے کہا کہ صوبے میں مائننگ اتھارٹیز بنائی جا رہی ہیں۔ انہوں نے وفاق کو مخاطب کرتے ہوئے کہا کہ اگر کوئی کاروبار کرنا ہے تو صوبے کے ساتھ کیا جائے۔
افغان شہریوں کی بیدخلیجے یو آئی کے سربراہ نے پاکستان سے افغان شہریوں کو نکالے جانے کے حوالے سے کہا کہ افغانستان سے ناراضی کچھ اور ہے اور اس کا غصہ افغان مہاجرین پر اتارا جا رہا ہے۔
انہوں نے کہا کہ مہاجرین کا مسئلہ یکطرفہ نہیں ہے یہ پاکستان اور افغانستان کا مشترکہ مسئلہ ہے۔ انہوں نے مزید کہا کہ ہم نے ان کو خوشی سے قبول کیا تھا۔
مزید پڑھیے: پی ٹی آئی نے خیبرپختونخوا مائنز اینڈ منرلز بل کے جائرے کے لیے کمیٹی تشکیل دیدی
ان کا کہنا تھا کہ کوئی اصول کوئی ضابطہ کوئی اخلاق کا مظاہرہ نہیں ہو رہا اگر ہم افغانستان سے ناراض ہیں تو اس سے بات کریں۔ ان کا مزید کہنا تھا کہ ہمیں مذاکرات کا راستہ اختیار کرنا چاہیے ایسا نہیں ہونا چاہیے کہ ہم بین الاقوامی قوانین روندتے چلے جائیں۔
صوبے میں بد امنی کے حوالے سے انہوں نے کہا کہ یہ انتہائی تشویشناک ہے اور ہمارے علما کو نشانہ بنایا جا رہا ہے۔ انہوں نے مزید کہا کہ بلوچستان کی بھی یہی صورتحال ہے۔
مزید پڑھیں: خیبر پختونخوا مائنز اینڈ منرلز بل عمران خان کی اجازت کے بعد ہی منظور کیا جائے گا، تحریک انصاف
مولانا فضل الرحمان نے اعلان کیا کہ 11 مئی کو پشاور میں فلسطینیوں کے حق اور اسرائیل کے خلاف ملین مین مارچ ہوگا۔ اس میں جے یو آئی کے تمام لیڈران و کارکنان اور عوام غزہ میں ہونے والے مظالم پر ارباب اختیار کو جگائیں گے گو کہ یہ ایک مشکل کام ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: مولانا فضل الرحمان نے انہوں نے مزید کہا کہ مائنز اینڈ منرلز بین الاقوامی کہنا تھا کہ نے کہا کہ جا رہا ہے ہے اور
پڑھیں:
مائنز اینڈ منرلز بل کا معاملہ: اے این پی کا آل پارٹیز کانفرنس بلانے کا اعلان
عوامی نیشنل پارٹی (اے این پی) خیبرپختونخوا نے مائنز اینڈ منرلز بل کے معاملے پر آل پارٹیز کانفرنس (اے پی سی) بلانے کا اعلان کردیا۔
اے این پی خیبرپختونخوا کے صدر میاں افتخار حسین کی زیرصدارت صوبائی کابینہ کے اجلاس میں اے پی سی بلانے کا فیصلہ کیا گیا۔
یہ بھی پڑھیں وفاق یا کسی بھی ملک کو خیبرپختونخوا کے وسائل پر قابض ہونے نہیں دیں گے، مولانافضل الرحمان
میاں افتخار حسین نے کہاکہ متنازعہ مائنز اینڈ منرلز ایکٹ صوبائی خودمختاری کے مکمل خلاف ہے، اس اہم معاملے پر اے پی سی 23 اپریل کو صبح 10 بجے باچا خان مرکز پشاور میں ہوگی۔
انہوں نے کہاکہ اسمبلی میں پیش ہونے والا بل اٹھارہویں آئینی ترمیم کو رول بیک کرنے کی سازش ہے، عوامی نیشنل پارٹی اس مذموم سازش کو کبھی کامیاب نہیں ہونے دے گی۔
میاں افتخار حسین نے کہاکہ ہم کسی بھی صورت اپنے آئینی حق سے دستبردار نہیں ہوں گے۔
واضح رہے کہ خیبرپختونخوا میں مائنز اینڈ منرلز سے متعلق تیار کیے گئے مجوزہ ایکٹ کی پی ٹی آئی سمیت تمام سیاسی جماعتوں کی جانب سے مخالفت کی جارہی ہے۔
آج جے یو آئی کے سربراہ مولانا فضل الرحمان نے بھی اس پر ردعمل دیتے ہوئے کہاکہ کسی کو بھی خیبرپختونخوا کے وسائل پر قابض نہیں ہوں دیں گے۔
یہ بھی پڑھیں وفاق یا کسی بھی ملک کو خیبرپختونخوا کے وسائل پر قابض ہونے نہیں دیں گے، مولانافضل الرحمان
اس سے قبل بلوچستان اسمبلی نے مائنز اینڈ منرلز ایکٹ کی منظوری دے دی ہے، تاہم مولانا فضل الرحمان نے بل کی منظوری کا حصہ بننے پر اپنے ارکان کو شوکاز نوٹسز جاری کردیے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئینی حق اسٹیبلشمنٹ اے این پی باچا خان مرکز عوامی نیشنل پارٹی مائنز اینڈ منرلز بل مولانا فضل الرحمان میاں افتخار حسین وی نیوز
امریکا میں رواں ماہ ہزار سال کا بد ترین سیلاب آنے کا امکان ہے، ناسا