پاکستان میں پیٹرول کی قیمت انڈیا، بنگلہ دیش اور نیپال کے مقابلے میں کم ترین ہے، وزیرپیٹرولیم
اشاعت کی تاریخ: 16th, April 2025 GMT
وفاقی وزیرپیٹرولیم علی پرویز ملک نے کہا ہے کہ حکومتی اقدامات کی بدولت مہنگائی میں کمی ہورہی ہے، ملکی زرمبادلہ کے ذخائر بڑھ رہے ہیں، آج پاکستان میں پیٹرول کی قیمت خطے میں انڈیا، بنگلہ دیش اور نیپال سے بھی کم ترین سطح پر ہے۔
یہ بھی پڑھیں: چند ہفتوں میں بجلی کی قیمتوں میں خاطر خواہ کمی ہوگی، وزیر پیٹرولیم علی پرویز ملک
اسلام آباد میں پریس کانفرنس کرتے ہوئے وفاقی وزیرپیٹرولیم علی پرویز ملک نے کہا کہ جب موجودہ حکومت نے اقتدار سنبھالا تو عوام کے لیے سب سے بڑ ی تکلیف کا باعث بجلی کے بل بنے تھے، جس کے باعث وزیراعظم شہباز شریف اور وزیراعلیٰ پنجاب مریم نواز نے پچھلی گرمیوں میں نواز شریف کی ہدایت پر اقدامات کیے اور اربوں روپے کی سبسڈی دی، 200 یونٹ تک بجلی استعمال کرنے والے صارفین کو وفاقی حکومت نے 50 ارب روپے ریلیف دیا جبکہ مریم نواز شریف نے 500یونٹ استعمال کرنے والے صارفین کو تحفظ دینے کی کوشش کی۔
علی پرویز ملک نے کہا کہ مارچ میں وزیراعظم شہباز شریف نے ساڑھے 7 روپے کا ریلیف لوگوں کو مستقل بنیادوں پر دیا جو یقیناً لوگوں کے لیے گرمی کے مہینوں میں آسانی کا باعث بنے گی، اس ساری کوشش کو ساری دنیا سراہ رہی ہے۔
یہ بھی پڑھیں: منرلز فورم میں غیر ملکی سرمایہ کاروں کی شرکت پاکستان کے معدنی شعبے پر اعتماد کا مظہرہے، علی پرویز ملک
انہوں نے کہا کہ آئی ایم ایف کی ایم ڈی نے کئی موقعوں پر حکومتی اقدامات کی تعریف کی ہے، اس طرح آئی ایف سی کے نمائندگان نے پاکستان کے اقدامات کی تعریف کی ہے، فچ ریٹنگ ایجنسی کی تازہ رپورٹ میں پاکستان کو ایک انوسٹمنٹ گیٹ مارکیٹ کے طور پر بتایا گیا ہے، پاکستان کی ریٹنگ کو بڑھا کر B مائنس کردیا گیا ہے۔
وزیرپیٹرولیم نے کہا کہ منرل سمٹ ایک بین الاقوامی ایونٹ بن کے پاکستان کی ایک مارکیٹنگ اسٹوری کے طور پر سامنے آئی ہے، ترکیے، سعودی عرب کے وزیر اس ایونٹ میں شرکت کے لیے آئے، اس کے علاوہ ریکوڈک اب آپریشنل ہونے جارہا ہے، مارک برسٹو نے ریکوڈک کی آپریشنلائزیشن اور اس کی فنانشل کلوز کے بارے میں ساری تفصیلات دی ہیں۔
یہ بھی پڑھیں:پاکستان منرلز انویسٹمنٹ فورم میں بین الاقوامی کمپنیوں کے ساتھ معاہدے متوقع ہیں، وزیرپیٹرولیم
ان کا کہنا تھا کہ وزیراعظم شہباز شریف اپنی ذمہ داریوں کا احساس بھی رکھتے ہیں اور یہ ہمت بھی رکھتے ہیں کہ مشکل فیصلے لیں، وزیراعظم شہباز شریف نے بلوچستان کے عوام کی تکلیفوں کا مداوا کرنے کے لیے ایک اور مشکل فیصلہ کیا ہے، بلوچستان میں این 25 جس کے لیے ہرکوئی آواز اٹھاتا ہے، وزیراعظم نے پیٹرول کی قیمت کی کمی ودہولڈ کرتے ہوئے اضافی وسائل سے این 25 مکمل کرنے کا اعلان کیا ہے۔
انہوں نے کہا کہ جب سے حکومت آئی ہے پیٹرول اور ڈیزل کی قیمت میں 30 سے 40روپے کمی ہوئی ہے، آج پاکستان میں پٹرولیم مصنوعات کی قیمت خطے کے ممالک بشمول انڈیا اور بنگلہ دیش اور نیپال کم ترین سطح کے اوپر ہے، جب موجودہ حکومت آئی تو پیٹرول کی قیمت 300 سے اوپر تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: وزیراعظم شہباز شریف پیٹرول کی قیمت علی پرویز ملک اقدامات کی نے کہا کہ کے لیے
پڑھیں:
طویل مدت بعد پاکستانی سیکریٹری خارجہ کا دورہ بنگلہ دیش
پاکستان کی سیکرٹری خارجہ، آمنہ بلوچ، بنگلہ دیش اور پاکستان کے درمیان 2010 کے بعد پہلی دوطرفہ بات چیت کے لیے آج بدھ، 16 اپریل 2025 کو ڈھاکہ پہنچی ہیں۔ بنگلہ دیش کی وزارت خارجہ میں جنوبی ایشیا ونگ کی ڈائریکٹر جنرل عشرت جہاں نے ان کا استقبال کیا۔
یہ بھی پڑھیں:4 سال بعد بنگلہ دیشی پاسپورٹس پر ’سوائے اسرائیل کے‘ کی عبارت دوبارہ درج
دفتر خارجہ کی مشاورت (ایف او سی) جمعرات کو ڈھاکہ میں سرکاری گیسٹ ہاؤس پدما میں ہونے والی ہے۔ سیکرٹری خارجہ محمد جسیم الدین بنگلہ دیشی وفد کی قیادت کریں گے۔
یہ ملاقات بنگلہ دیش سے تعلقات کو مضبوط بنانے کے لیے پاکستان کے اقدام کا حصہ ہے۔ اس مشاورت کے بعد پاکستان کے نائب وزیر اعظم اور وزیر خارجہ اسحاق ڈار کا اس ماہ کے آخر میں بنگلہ دیش کا دورہ بھی متوقع ہے، یہ 2012 کے بعد کسی پاکستانی وزیر خارجہ کا پہلا دورہ ہے۔
چیف ایڈوائزر کے پریس سیکرٹری شفیق العالم نے بتایا کہ آئندہ ہونے والی بات چیت میں باہمی دلچسپی کے تمام امور کا احاطہ کیا جائے گا۔
دونوں ممالک کے درمیان حالیہ بات چیت نے پاکستان سے بنگلہ دیش سے تجارتی وفود کے تبادلے پر اطمینان کا اظہار کیا ہے۔ دونوں فریقوں نے بنگلہ دیش سے پاکستان کے دورے پر آنے والے مصنوعات سے متعلق تجارتی وفود کی اہمیت پر زور دیا ہے۔
یہ بھی پڑھیں:پاکستان اور بنگلہ دیش کے درمیان 15 سال بعد سفارتی بات چیت کا انعقاد
بات چیت میں سیاحت، عوام سے عوام کے روابط، ثقافتی تبادلے، جبری طور پر بے گھر ہونے والے روہنگیا کے مسئلے اور بین الاقوامی فورمز میں تعاون پر بھی بات ہوئی ہے۔
دونوں ممالک نے دسمبر 2024 میں قاہرہ میں D-8 سربراہی اجلاس اور ستمبر 2024 میں اقوام متحدہ کی 79ویں جنرل اسمبلی کے دوران نیویارک میں ملاقاتوں کے دوران بنگلہ دیش کے چیف ایڈوائزر اور پاکستان کے وزیر اعظم کے درمیان ہونے والی اہم بات چیت کا اعتراف کیا۔
انہوں نے اکتوبر 2024 میں دولت مشترکہ کے سربراہان حکومت کی میٹنگ کے دوران اپیا، ساموا میں بنگلہ دیش کے مشیر خارجہ اور نائب وزیر اعظم اور پاکستان کے وزیر خارجہ کے درمیان ہونے والی ملاقات کو بھی نوٹ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آمنہ بلوچ بنگلہ دیش پاکستان سیکریٹری خارجہ نائب وزیراعظم
خلیجی ملکوں سے بید خل پاکستانی بھکاریوں کیخلاف مقدمے چلانے کا فیصلہ