چولستان نہری منصوبے پر سندھ کے اعتراضات، معاملہ افہام و تفہیم سے حل ہونا چاہیے: اسپیکر پنجاب اسمبلی
اشاعت کی تاریخ: 16th, April 2025 GMT
اسپیکر پنجاب اسمبلی ملک محمد احمد خان نے کہا ہے کہ چولستان سے نکالی جانے والی نہروں پر اگر سندھ کو اعتراض ہے تو یہ معاملہ بات چیت کے ذریعے پنجاب اور سندھ کے ارکان اسمبلی کو مل کر حل کرنا چاہیے۔ پانی کی تقسیم کوئی پیچیدہ مسئلہ نہیں بلکہ حساب کتاب کا معاملہ ہے کہ کس کو کتنا پانی درکار ہے۔
پنجاب اسمبلی آمد پر میڈیا سے گفتگو کرتے ہوئے اسپیکر کا کہنا تھا کہ اگر ہم آپس میں بیٹھ کر بات کریں تو ایسا کوئی مسئلہ نہیں جو حل نہ ہو سکے۔ انہوں نے کہا کہ حکومت مختلف منصوبوں کے لیے کنٹریکٹ کرتی ہے اور اب کئی پراجیکٹس بین الاقوامی اداروں اور طاقتوں کے تحت بھی چل رہے ہیں۔
ملک محمد احمد خان کا کہنا تھا کہ بعض کنٹریکٹ ملازمین خود کو حکومت کے مستقل ملازم سمجھ بیٹھے ہیں، حکومت ان کے لیے بہتر اور واضح نظام بنانے کی خواہشمند ہے۔ مذاکرات کے اختیارات حکومت کے پاس ہیں اور وہی اس حوالے سے فیصلہ کرے گی۔ ہم نے تو کل صرف ارکان اسمبلی کو ان کا موقف سننے کے لئے بھیجا تھا، جو بھی بات انہوں نے کی، اسے امانت کے طور پر حکومت تک پہنچائیں گے۔
مزید پڑھیں: دریائے سندھ سے کینالز نکالنے کے معاملے پر غلط فہمیاں دور کی جائیں گی، اسحاق ڈار
اسپیکر نے کہا کہ فنچ کی رپورٹ نے ملک کی معیشت سے متعلق مثبت اشاریے دیے ہیں جبکہ ایک سیاسی جماعت ایسی صورتحال پیدا کر رہی ہے کہ زرمبادلہ نہ آئے، حالانکہ حقیقت یہ ہے کہ زرمبادلہ کے ذخائر تاریخی سطح پر بڑھ چکے ہیں۔
انہوں نے مقامی حکومتوں کے بل پر بھی رائے دی اور کہا کہ اگر نئے بل میں عوامی نمائندوں کے اختیارات ڈی سی کو دے دیے گئے تو اختیارات کی جنگ مزید شدت اختیار کرے گی۔ یہ جنگ 1973 سے جاری ہے کہ کس ادارے کا کتنا اختیار ہے، اور اسی بحث میں کئی حکومتیں بھی تبدیل ہو چکی ہیں۔
ملک محمد احمد خان نے کہا کہ وہ ہمیشہ اس بات کے حق میں رہے ہیں کہ عوامی نمائندوں کو ان کا اصل حق اور اختیار دیا جانا چاہیے۔ میں تو اکیلا یہ آواز بلند کرتا آیا ہوں، لیکن اکیلا کچھ نہیں کرسکتا۔ انہوں نے کہا کہ اب وقت آ گیا ہے کہ ’اس کو پکڑو، اس کو چھوڑو‘ کی سیاست ختم کرکے ملک کے معاملات کی بہتری پر توجہ دی جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسپیکر پنجاب اسمبلی پنجاب اسمبلی چولستان ملک محمد احمد خان نہری منصوبے.ذریعہ: WE News
کلیدی لفظ: اسپیکر پنجاب اسمبلی پنجاب اسمبلی چولستان ملک محمد احمد خان ملک محمد احمد خان پنجاب اسمبلی نے کہا کہ انہوں نے
پڑھیں:
سیاسی نظام میں آرمی چیف جیسا لیڈر ہونا چاہیے ،دوہفتوں میں ایسی خبرآئے گی جو کسی نے چالیس،پینتالیس برسوں میں نہیں سنی ہوگی: فیصل واوڈا
کراچی (ویب ڈیسک) سینیٹرفیصل واوڈا نے کہا ہے اوورسیز پاکستانیوں نے آرمی چیف جنرل عاصم منیر کے لیے آج جو نعرے لگائے ،وہ ابھی تک میرے کانوں میں گونج رہے ہیں،آرمی چیف بہت کمانڈ اینڈ کنٹرول میں نظرآئے،وہ جذباتی بھی تھے،وہ ملک کو معمول کی سطح پر لے آئے ہیں،ہمارے سیاسی نظام میں ایسالیڈرہوناچاہیے،پاکستان میں کاپر نکل آیا ہے،دوہفتوں میں ایسی خبرآئے گی جو کسی نے چالیس،پینتالیس برسوں میں نہیں سنی ہوگی۔
ایکسپریس کے مطابق نجی ٹی وی چینل کو انٹرویو میں انہوں نے کہا کہ مئی 2025ء بہت اہم ہے اچھی خبریں آئیں گی،وفاقی وزیرخزانہ اچھا کام کررہے ہیں، پاکستان کی ترسیلات زر مارچ میں بڑھ کر4.1 ارب ڈالر تک پہنچ گئی ہیں،اب پی ٹی آئی کہاں ہے؟، عالمی طور پر ریورسل ہونے والا ہے۔
لائسنس بنوانے آیا شہری موٹرسائیکل سے ہی ہاتھ دھو بیٹھا
ان کا مزید کہنا تھا کہ عمران خان کو سب نے چھوڑدیا۔آرمی چیف ،پاکستان کے رونالڈو ہیں،گول کررہے ہیں،جس کا کریڈٹ سب لے رہے ہیں، بدقسمتی سے پاکستان کے پاس ایک بھی لیڈر ایسا نہیں جو ایسے بات کرسکتا ہو۔ فضل الرحمٰن سے احترام کا رشتہ ہے۔پی ٹی آئی کا ٹرمپ کارڈ کہاں گیا؟امریکہ سے اس کیلئے فنڈنگ کرنے والے بھی آج کنونشن میں موجود تھے کیونکہ وہ دیکھ رہے ہیں ایک سپہ سالار ملک کومشکلات سے نکال رہا ہے اور وہ وزیراعظم کے ساتھ کھڑے ہیں۔
مائنز اور منرل کا کام کسی کا باپ بھی نہیں روک سکتا۔پی ٹی آئی والے امریکہ جا کر الیکشن لڑیں،یہاں تو نہیں لڑسکتے اور نہ جیت سکتے ہیں،
کشتی ڈو بنے کے واقعہ ، جاں بحق پاکستانیوں سے متعلق دفتر خارجہ کا بیان بھی سامنے آ گیا
انہوں نے ترسیلا ت زر،آئی ایم ایف،کرنٹ اکاؤنٹ خسارہ کی رکاوٹیں ڈالیں جو ختم ہوگئیں، سول نافرمانی کرنا تھی ،چیف کو بدنام کرنا تھا،وہ سب گیا۔2018ء میں آر ٹی ایس بٹھا کرالیکشن جتایاگیا۔میرا تجزیہ ہے کہ پاکستان پیپلزپارٹی بجٹ میں حکومت کو ٹف ٹائم دے گی۔
مزید :
خلیجی ملکوں سے بید خل پاکستانی بھکاریوں کیخلاف مقدمے چلانے کا فیصلہ