غزہ کا گمنام ہیرو، پیاسوں تک پانی پہنچانے والا ابراہیم علوش
اشاعت کی تاریخ: 16th, April 2025 GMT
جنگ زدہ غزہ میں جہاں ہر طرف تباہی اور بے بسی کا عالم ہے، وہیں ایک گمنام ہیرو ابراہیم علوش روزانہ پانی کی فراہمی کا مشن انجام دے رہے ہیں۔ اپنے پرانے ٹرک میں پانی بھر کر وہ مختلف علاقوں کا رخ کرتے ہیں اور پیاس سے بلکتے لوگوں تک زندگی کا یہ بنیادی حق صاف پانی پہنچاتے ہیں۔
غزہ میں جاری آبی قلت اب ایک سنگین بحران کی صورت اختیار کر چکی ہے۔ بمباری سے اجڑے راستے، غیر محفوظ گزرگاہیں اور رسائی کی مشکلات، ابراہیم کے کام کو مشکل ضرور بناتی ہیں لیکن ان کے حوصلے کو توڑ نہیں سکتیں۔
حال ہی میں اقوام متحدہ کی نیوز ٹیم نے ابراہیم کے ہمراہ جبالیہ کا سفر کیا، جہاں ایک پانی صاف کرنے والے پلانٹ پر انہیں 5 گھنٹے تک اپنی باری کا انتظار کرنا پڑا۔ جب پانی کا ٹینکر بھر جاتا ہے تو وہ ملبے میں گھرے راستوں سے گزر کر ان لوگوں تک پانی پہنچاتے ہیں جو دنوں سے اس نعمت کے منتظر ہوتے ہیں۔
مزید پڑھیں: پاکستان کی غزہ کے بیپٹیسٹ اسپتال پر اسرائیلی حملے کی شدید مذمت
غزہ میں صاف پانی کی پیداوار کے لیے ڈیزل کی اشد ضرورت ہے، لیکن ایندھن کی قلت اور قیمتوں کے ہوشربا اضافے نے حالات کو اور بگاڑ دیا ہے۔ فی کیوبک میٹر پانی کی قیمت 90 سے 100 شیکل تک جا پہنچی ہے، جو مقامی افراد کی پہنچ سے باہر ہے۔ اسی لیے بیشتر افراد امدادی اداروں اور مقامی خیرخواہوں پر انحصار کر رہے ہیں۔
مقامی شہری ایمان کمال کا کہنا ہے کہ پانی کے حصول کے لیے لوگ آدھے دن کی طویل قطاروں میں کھڑے رہتے ہیں، اور کبھی نصیب میں چند گیلن پانی آتا ہے تو کبھی خالی ہاتھ لوٹنا پڑتا ہے۔ ایک اور رہائشی، فتحی الخلوط نے کہا کہ پانی کے بغیر زندگی ممکن نہیں، جیسے ہی ٹینکر آتا ہے، لوگ اس پر ٹوٹ پڑتے ہیں۔
سمیر بدر، جو غزہ کے ایک اور متاثرہ شہری ہیں، نے شکوہ کیا کہ امداد بند ہو جانے سے مسائل میں مزید اضافہ ہوگیا ہے۔ اُن کے مطابق، بچے صبح سے شام تک پانی کی تلاش میں سرگرداں رہتے ہیں۔
مزید پڑھیں: اسرائیلی شہری بھی غزہ میں جنگ بندی کے حامی، انوکھے طریقے سے احتجاج
اقوام متحدہ کے بچوں کے ادارے (یونیسف) کے مطابق، غزہ میں پانی کی فراہمی کا نظام تباہی کے دہانے پر ہے۔ سرحدی راستوں کی بندش، ایندھن کی قلت اور پلانٹس کی مرمت میں رکاوٹوں کے باعث روز بروز بحران شدت اختیار کرتا جا رہا ہے۔
فی الحال، 4 لاکھ بچوں سمیت قریباً 10 لاکھ افراد کو روزانہ محض 6 لٹر صاف پانی میسر ہے، جبکہ جنگ بندی کے دوران یہ مقدار 16 لٹر تک پہنچ چکی تھی۔ یونیسف نے خبردار کیا ہے کہ اگر ایندھن کی سپلائی بحال نہ ہوئی تو جلد ہی یہ مقدار کم ہو کر صرف 4 لٹر فی کس رہ جائے گی، اور غزہ کے لاکھوں لوگ آلودہ اور غیر محفوظ پانی پینے پر مجبور ہو جائیں گے، جس سے بیماریاں تیزی سے پھیلنے کا خدشہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابراہیم علوش اقوام متحدہ غزہ غزہ کا گمنام ہیرو.ذریعہ: WE News
کلیدی لفظ: ابراہیم علوش اقوام متحدہ غزہ کا گمنام ہیرو پانی کی
پڑھیں:
‘کنگ کرلے گا’ والا بیان اگر غلط تھا تو معذرت چاہتا ہوں، حسن علی
پی ایس ایل کے چھٹے اور اپنے دوسرے میچ میں لاہور قلندرز سے شکست کے بعد کراچی کنگز کے وائس کپتان حسن علی نے میڈیا سے گفتگو کرتے ہوئے کہا کہ اگر میں نے ‘کنگ کرلے گا’ والا بیان دے کر کوئی بڑی غلطی کی ہے تو معذرت چاہتا ہوں۔
حسن علی نے کہا ہے کہ اس بات پر بیٹھ کر گفتگو کریں گے کہ ایک میچ میں ہم نے بالکل آؤٹ کلاس کردیا تھا لیکن دوسرے میچ میں ہماری بیٹنگ لائن اپ ٹھیک نہیں ہوئی، باقی میچوں میں یہ غلطی دوبارہ نہیں کریں گے۔
یہ بھی پڑھیے: پی ایس ایل 10: لاہور قلندرز نے کراچی کنگز کو 65 رنز سے شکست دے دی
ان کا کہنا تھا کہ اگر پرفارمنس دیں گے تو کھیلیں گے، ابھی ہم جوان ہیں، ٹی ٹونٹی میچز میں بہترین باولر رہا ہوں، میں تو یہی سوچ کر پریکٹس کرتا ہوں کہ کم بیک کرنا ہے، باقی قومی ٹیم کی سلیکشن کمیٹی پر ہے کہ وہ کیا سوچتی ہے۔
حسن علی نے کہا کہ ایسی بات نہیں ہے کہ ہم صرف غیرملکی کھلاڑیوں پر ہی دارومدار رکھیں، خوشدل نے پچھلے میچ میں بہت اچھی کارکردگی کا مظاہرہ کیا، لیکن کھلاڑیوں میں پارٹنرشپ نہیں بن سکی۔
یہ بھی پڑھیے: پی ایس ایل سیزن 10 : کراچی کنگز نے ملتان سلطانز کو4 وکٹوں سے شکست دے دی
انہوں نے ایک سوال کے جواب میں کہا کہ میں کیریئر اور عمر کے اس حصے پر ہوں کہ کوئی بھی چیز مجھے دکھ نہیں دیتی، بابر اعظم کو ہم نے کنگ بنایا ہوا ہے اور ہم لوگ ہی اس کے پیچھے ہیں، اگر میں نے ‘کنگ کرلے گا’ والا بیان دے کر کوئی بہت بڑی غلطی کی ہے تو معذرت چاہتا ہوں لیکن میرا موقف وہی ہے کہ بابر اعظم بہترین تھا، بہترین ہیں اور اس مشکل وقت سے بھی باہر نکل آئے گا۔
حسن علی نے کہا کہ ابھی ٹورنمنٹ کی شروعات ہیں، ہم دیکھ رہے ہیں کہ بہترین ٹیم کیسے بن سکتی ہے، اگر ہمیں مڈل آرڈر میں ایک اسپینر کی ضرورت پڑی تو ہم یقیناً محمد نبی کے بارے میں سوچیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
hassan ali karachi kings پی ایس ایل حسن علی کراچی کنگز
حکومت لچک دکھا رہی ہے، اختر مینگل سے مذاکرات کر رہے ہیں، ظہور بلیدی