وزن کم کرنے کے لیے چار چیزیں جو صبح نو بجے سے پہلے کر لینا چاہیں
اشاعت کی تاریخ: 15th, April 2025 GMT
صبح کا معمول وزن میں کمی پر بہت زیادہ اثر ڈال سکتا ہے۔ ایٹنگ ویل کے مطابق سینٹ جوزف یونیورسٹی کی ایم ایس سی، آر ڈی اور کنیکٹیکٹ میں ایک رجسٹرڈ غذائی ماہر میلیسا میتری کہتی ہیں کہ صبح کا ایک صحت مند معمول بنانا دن بھر فائدہ مند عادات کو جاری رکھنے کی رفتار پیدا کرتا ہے۔
ویب سائٹ ’’ ایٹنگ ویل‘‘ کی ایک رپورٹ کے مطابق معروف غذائی ماہرین نے اس بات کی نشاندہی کی ہے کہ وزن میں کمی کو فروغ دینے اور دن کو اچھی صحت کے ساتھ شروع کرنے کے لیے صبح کے وقت کیا کرنا چاہیے۔ اس حوالے سے چار اہم اقدام کرنے چاہیں۔
1.
مناسب نیند
واضح رہے نیند کی کمی وزن میں کمی کے اہداف کے حصول میں رکاوٹ بن سکتی ہے۔ تجویز کردہ سات گھنٹے سے کم نیند نہ صرف آپ کو سست محسوس کرتی ہے بلکہ نیند کی بے قاعدہ عادات بھوک میں اضافے، غیر صحت بخش کھانے کے انتخاب اور کیلوریز کی مجموعی مقدار میں اضافے کا باعث بن سکتی ہیں۔ اگرچہ جلدی جاگنا تحریک پیدا کرکے کیلوری جلانے میں اضافہ کر سکتا ہے لیکن اگر کسی شخص کو کافی نیند نہیں آتی ہے تو یہ الٹا اثر ڈال سکتا ہے۔
2. ایک گلاس پانی
جاگنے کے فوراً بعد ایک گلاس پانی پینے کی عادت ڈالنا آپ کو اپنے روزمرہ کے پانی کے اہداف کو حاصل کرنے میں مدد دیتا ہے اور اس سے آپ کو وزن کم کرنے میں بھی مدد مل سکتی ہے۔ "جاگنے کے 30 منٹ کے اندر ایک گلاس پانی پینا ہاضمہ کو بڑھاتا ہے، میٹابولزم کو بہتر کرتا ہے اور پانی کی کمی کو روکتا ہے۔ پانی پینا کھانے کی خواہشات کو کم کر سکتا ہے اور باقی دن کے لیے صحت مند انتخاب کرنا آسان بنا سکتا ہے۔
3. پروٹین سے بھرپور ناشتہ
تحقیق مسلسل بتا رہی ہے کہ زیادہ پروٹین والی غذا زیادہ کھانے اور رات گئے ناشتے کو روک کر وزن کم کرنے میں معاون ثابت ہوتی ہے۔ پروٹین سے بھرپور ناشتے کے ساتھ دن کی شروعات آپ کو زیادہ دیر تک پیٹ بھرا ہونے کا احساس دلانے، خواہشات کو کم کرنے اور دن بھر کم کیلوریز کھانے میں مدد دے کر وزن کو کم کرنے میں معاون ہوسکتا ہے۔ پروٹین سے بھرپور ناشتہ تیار کرنے کے لیے آپ کو انڈے، یونانی دہی، کاٹیج پنیر، گری دار میوے اور یہاں تک کہ پھلیاں بھی ناشنہ میں شامل کرنی چاہئیں۔
4. جسمانی سرگرمی
صبح کی ورزش آپ کو کئی طریقوں سے وزن کم کرنے میں مدد دیتی ہے۔ تحقیق سے پتہ چلتا ہے کہ صبح کی ورزش چربی کو جلانے، میٹابولزم کو فروغ دینے اور بھوک پر قابو پانے کو بہتر بنا سکتی ہے۔ تحقیق سے یہ بھی پتہ چلا ہے کہ صبح کی ورزش سے دن بھر میں کھانے کے مثبت انتخاب کا امکان زیادہ ہوتا ہے۔ اس سے مجموعی طور پر صحت مند عادات کو فروغ ملتا ہے۔
ذریعہ: Nawaiwaqt
پڑھیں:
مردان، زہریلی روٹی کھانے سے ایک ہی خاندان کے 7 افراد کی حالت غیر
پولیس کے مطابق تمام متاثرہ افراد کو ابتدائی طبی امداد کے بعد ریسکیو ایمبولینسز میں مردان روانہ کر دیا گیا، جن میں تین مرد، تین خواتین اور بچہ شامل ہے۔ اسلام ٹائمز۔ مردان کی تحصیل رستم میں زہریلی روٹی کھانے سے ایک ہی خاندان کے سات افراد کی حالت غیر ہوگئی۔ پولیس کے مطابق تمام متاثرہ افراد کو ابتدائی طبی امداد کے بعد ریسکیو ایمبولینسز میں مردان روانہ کر دیا گیا، جن میں تین مرد، تین خواتین اور بچہ شامل ہے، گندم کی زہریلی گولی آٹے میں شامل ہونے سے ناشتے کے دوران واقعہ پیش آیا۔ خاندانی ذرائع کے مطابق متاثرہ افراد میں تین کی حالت غیر بتائی جا رہی ہے، متاثرہ افراد میں عبدالشاہد، عبدالقدیر، قیصر علی، ثمرین، زینب، صداقت اور رنڑا شامل ہیں۔
امریکا کی جانب سے پاکستانیوں کے ویزوں کی منسوخی برین ڈرین میں کمی کا سبب بن سکتی ہے؟