سید عباس عراقچی کی ہاکان فیدان کیساتھ مشاورت
اشاعت کی تاریخ: 14th, April 2025 GMT
اپنے ترک ہم منصب کیساتھ ٹیلیفونک گفتگو میں ایرانی وزیر خارجہ نے ایران کے بالواسطہ جوہری مذاکرات سمیت مختلف امور پر تبادلہ خیال کیا ہے اسلام ٹائمز۔ ایرانی وزیر خارجہ سید عباس عراقچی نے آج شام اپنے ترک ہم منصب ہاکان فیدان کے ساتھ ٹیلیفون پر گفتگو کی ہے۔ ترک خبررساں ایجنسی ایناڈولو نے سفارتی ذرائع سے نقل کرتے ہوئے اعلان کیا ہے کہ سید عباس عراقچی و ہاکان فیدان کے درمیان ہونے والی اس ٹیلیفونک گفتگو کے دوران ایرانی و امریکی مذاکراتی وفود کے درمیان عمان میں منعقدہ بالواسطہ جوہری مذاکرات پر بھی تبادلہ خیال کیا گیا ہے تاہم اس حوالے سے مزید تفصیلات کا تاحال اعلان نہیں کیا گیا۔
واضح رہے کہ ایرانی وزیر خارجہ کی جانب سے قبل ازیں بھی متعدد غیر ملکی حکام کے ساتھ باہمی مشاورت کا سلسلہ جاری رہا ہے کہ جن میں متحدہ عرب امارات، کویت، قطر، عراق اور دیگر دوست ممالک کے وزرائے خارجہ بھی شامل ہیں جبکہ سید عباس عراقچی کی جانب سے عنقریب ہی ماسکو کا دورہ بھی طے ہے۔
ذریعہ: Islam Times
کلیدی لفظ: سید عباس عراقچی
پڑھیں:
کمیٹی کو بتایا گیا کہ افغانستان کیساتھ تعلقات میں بہتری آرہی ہے، چیئرمین قائمہ کمیٹی عرفان صدیقی
سینٹ کی قائمہ کمیٹی خارجہ امور کے چیئرمین عرفان صدیقی نے میڈیا سے گفتگو کرتے ہوئے بتایا کہ نمائندہ خصوصی افغانستان صادق خان نے آج کمیٹی کو بریفنگ دی۔
صادق خان نے بتایا پاک افغان معاملات میں بہتری آرہی ہے، مستقبل قریب میں اعلیٰ سطحی دوروں کی منصوبہ بندی کی جارہی ہے جن سے دوطرفہ مذاکرات کا عمل بحال ہوگا۔
یہ بھی پڑھیے: قائمہ کمیٹی اجلاس، ’بائیولوجیکل اور زہریلے ہتھیاروں سے متعلق کنونشن (عمل درآمد) بل 2025‘ منظور
صادق خان نے بتایا کہ تحریک طالبان پاکستان (ٹی پی پی) کی سرپرستی کا معاملہ افغان انتظامیہ کے ساتھ شدت سے اٹھایا ہے، ٹی ٹی پی کے مختلف گروہ کاروائیاں کرتے ہیں، اس ایشو پر پاکستان کے موقف کو تسلیم کیا جارہا ہے۔
عرفان صدیقی نے بتایا کہ ایران میں مارے جانے والے پاکستانیوں کا تعلق بہاولپور سے ہے، اس معاملے پر دفتر خارجہ کام کر رہا ہے ان کی میتین لانے پر کام ہورہا ہے، دفتر خارجہ معاملے کی تحقیقات کررہا ہے اور ایرانی حکام سے رابطے میں ہے۔
ان کا کہنا تھا کہ اس واقعے کی ایرانی حکومت نے مذمت کی ہے ایران سے اعلی سطح رابطوں کا امکان ہے، کمیٹی نے افعانستان کے معاملے پر ایک اور اجلاس بلانے کا فیصلہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آخری معرکہ! مایوس ہیں نہ محروم ہیں ہم