مکیش امبانی کے اس مہنگے ترین گھر کی خصوصیات آپ کو حیران کردیں گی!
اشاعت کی تاریخ: 14th, April 2025 GMT
ممبئی کی شاہراہ پر دور سے ہی نظر آنے والی فلک بوس 27 منزلہ شاندار عمارت ’’انٹیلیا‘‘ صرف ایک گھر نہیں بلکہ جدید تعمیراتی عجوبہ ہے جو مکیش امبانی کی دولت اور ذوق کی عکاسی کرتا ہے۔ 15,000 کروڑ بھارتی روپے سے زائد مالیت کی اس عمارت کی ہر ایک تفصیل حیرت انگیز ہے۔
انٹیلیا کی سب سے دلچسپ بات یہ ہے کہ اس میں ایک بھی عام ایئر کنڈیشنر نصب نہیں، پھر بھی ہر کمرہ برف کی طرح ٹھنڈا رہتا ہے۔ راز کیا ہے؟
دراصل یہاں جدید سینٹرل کولنگ سسٹم نصب ہے جو نہ صرف درجہ حرارت کو کنٹرول کرتا ہے بلکہ عمارت میں لگے قیمتی سنگ مرمر اور تازہ پھولوں کی حفاظت بھی کرتا ہے۔
اداکارہ شریا دھنونتری نے ایک بار اپنے انٹرویو میں بتایا تھا کہ جب انہوں نے کمرے کا درجہ حرارت بڑھانے کی درخواست کی تو انہیں بتایا گیا کہ یہ ممکن نہیں کیونکہ یہ سسٹم عمارت کے قیمتی مواد کےلیے مخصوص درجہ حرارت پر سیٹ ہے۔
اس شاہی گھر میں 3 ہیلی پیڈ، 6 منزلہ کار پارک، 50 سیٹوں والا پرائیویٹ سنیما، یوگا سینٹر، اسپا، مندر اور تو اور ایک ’’سنو روم‘‘ بھی موجود ہے جہاں دیواروں سے مصنوعی برف کے ذرات خارج ہوتے ہیں۔ ممبئی کی گرمی میں جب باہر درجہ حرارت 40 ڈگری ہو تو یہاں برف باری کا منظر دیکھ کر کوئی بھی حیران رہ جائے!
انٹیلیا کی تعمیر میں 6 سال لگے اور اس پر تقریباً 15,000 کروڑ بھارتی روپے کی لاگت آئی۔ اس کی دیکھ بھال کےلیے 600 ملازمین 24 گھنٹے کام کرتے ہیں۔ ماہانہ بجلی کا بل تقریباً 70 لاکھ بھارتی روپے آتا ہے جو پاکستانی روپوں میں سوا دو کروڑ روپے سے بھی زاید رقم ہے اور یہ ایک لگژری گاڑی کی قیمت سے بھی زیادہ ہے!
2010 میں تعمیر مکمل ہونے کے بعد امبانی خاندان نے ’واستو شاستر‘ کے اصولوں کے مطابق تبدیلیاں کرانے کے بعد 2011 میں اس میں رہائش اختیار کی۔ آج انٹیلیا نہ صرف ایک گھر بلکہ جدید ٹیکنالوجی اور شاہانہ طرز زندگی کی ایک جیتی جاگتی مثال ہے۔
.ذریعہ: Express News
پڑھیں:
گلیشیرز پھٹ سکتے ہیں، خیبر پختونخوا میں سیلاب سے متعلق الرٹ جاری
پراونشل ڈیزاسٹر مینجمنٹ اتھارٹی (پی ڈی ایم اے) خیبر پختونخوا نے صوبے کے بالائی علاقوں میں سیلاب سے متعلق الرٹ جاری کردیا۔
پی ڈی ایم اے خیبر پختونخوا نے درجہ حرارت بڑھنے سے گلیشیرز پھٹ سکتے ہیں، جس سے صوبے کے بالائی علاقوں میں سیلاب آسکتا ہے۔
پنجاب میں درجہ حرارت میں اضافے، بارشوں سے متعلق الرٹپراونشل ڈیزاسٹر مینجمنٹ اتھارٹی (پی ڈی ایم اے) پنجاب نے درجہ حرارت میں اضافے اور بارشوں سے متعلق الرٹ جاری کردیا۔
پی ڈی ایم اے نےچترال، دیر، سوات اور کوہستان کی ضلعی انتظامیہ کو سیلاب سے متعلق الرٹ جاری کردیا ہے۔
دوسری جانب پی ڈی ایم اے پنجاب نے کل سے 20 اپریل تک صوبے میں گرج چمک کے ساتھ بارش کا امکان ظاہر کردیا۔
پی ڈی ایم اے پنجاب نے اعلامیے میں کہا کہ اپریل کے اختتام تک میدانی علاقوں میں گرمی کی شدت بڑھ سکتی ہے۔
قومی ایئر لائن کو 20 سال میں پہلی مرتبہ منافع ہوا: وزیرِ اعظم شہباز شریف