کوئٹہ: موٹرسائیکل سواروں کی پولیس پر فائرنگ
اشاعت کی تاریخ: 12th, April 2025 GMT
— فائل فوٹو
کوئٹہ میں سریاب روڈ پر موٹر سائیکل سوار ملزمان نے پولیس اہلکاروں پر فائرنگ کر دی۔
ذرائع کے مطابق ملزمان کی فائرنگ سے ایک پولیس اہلکار زخمی ہو گیا جسے اسپتال منتقل کر دیا گیا ہے۔
کوئٹہ کے علاقے سریاب میں نیو سریاب تھانے کی پولیس موبائل پر فائرنگ کے نتیجے میں سب انسپکٹر سمیت تین اہلکار شہید جبکہ ایک زخمی ہوگیا، فائرنگ کے بعد ملزمان فرار ہوگئے۔
پولیس کی فائرنگ سے ایک حملہ آور زخمی ہوا جسے گرفتار کر لیا گیا ہے جبکہ دوسرا ملزم فرار ہو گیا۔
پولیس نے واقعے کی مزید تفتیش شروع کر دی ہے۔
ذریعہ: Jang News
پڑھیں:
کوئٹہ، نامعلوم دہشت گردوں کی پولیس موبائل پر اندھا دھند فائرنگ، 3 اہلکار شہید
کوئٹہ:نیو سریاب تھانے کی پولیس موبائل پر نامعلوم دہشت گردوں کے حملے میں 3 پولیس اہلکار شہید ہو گئے جبکہ ایک اہلکار زخمی ہوا۔
پولیس کے مطابق دہشت گردوں نے پولیس موبائل پر اندھا دھند فائرنگ کی جس کے نتیجے میں 3 اہلکار جان کی بازی ہار گئے۔ شہید ہونے والوں میں ایک سب انسپکٹر اور دو کانسٹیبل شامل ہیں۔
ابتدائی اطلاعات کے مطابق، پولیس اہلکار چائے پی رہے تھے جب دہشت گرد موٹر سائیکل پر سوار ہو کر آئے اور فائرنگ شروع کر دی۔
دہشت گردوں کے حملے کے فوراً بعد علاقے میں سرچ آپریشن شروع کر دیا گیا۔ سیکیورٹی ذرائع کے مطابق دہشت گرد سریاب کے علاقے میں روپوش ہیں اور علاقے کو گھیرے میں لیا گیا ہے، تاہم کچی آبادی کی وجہ سے فورسز کو کارروائی میں مشکلات کا سامنا ہے۔
دہشت گردوں کی تلاش میں سیکیورٹی فورسز نے سی سی ٹی وی فوٹیج کا بھی جائزہ لینا شروع کر دیا ہے۔
دوسری جانب، وزیراعلیٰ بلوچستان سرفراز بگٹی نے اس بزدلانہ حملے کی شدید مذمت کی ہے اور کہا ہے کہ دہشت گردوں کو قانون کے مطابق کیفر کردار تک پہنچایا جائے گا۔ انہوں نے یقین دلایا کہ ریاست کمزور نہیں ہے اور دشمنوں کو بھرپور جواب دیا جائے گا۔
گورنر سندھ کامران خان ٹیسوری نے بھی اس واقعے پر گہرے دکھ اور افسوس کا اظہار کیا۔ انہوں نے شہداء کو خراج عقیدت پیش کرتے ہوئے کہا کہ ان کی قربانیاں کبھی رائیگاں نہیں جائیں گی اور دہشت گردی کے خلاف پوری قوم یکجا ہے۔
گورنر سندھ نے زخمی اہلکاروں کی جلد صحت یابی کے لیے دعا کی اور کہا کہ دشمن عناصر کو عبرتناک انجام تک پہنچایا جائے گا۔
جبر اور ظلم کے خلاف جنگ جاری رکھیں گے، مولانا فضل الرحمان