اترپردیش: بیوی اور مبینہ عاشق کو رنگے ہاتھوں پکڑنے والا شوہر خوفزدہ، پولیس سے تحفظ کی اپیل
اشاعت کی تاریخ: 11th, April 2025 GMT
مورنئی پور (نیوز ڈیسک) بھارتی ریاست اترپردیش کے علاقے مورنئی پور میں ایک چونکا دینے والا واقعہ پیش آیا ہے جہاں ایک سرکاری ملازم نے اپنی بیوی اور اس کے مبینہ عاشق کو رنگے ہاتھوں اپنے گھر میں پکڑنے کے بعد پولیس سے تحفظ کی اپیل کی ہے۔ شوہر کا کہنا ہے کہ وہ بیوی کے ساتھ مزید نہیں رہ سکتا کیونکہ اسے خدشہ ہے کہ وہ اسے اور اس کے بیٹے کو قتل کر سکتی ہے۔
متاثرہ شخص پون، محکمہ صحت مہوبا میں ملازم ہے جبکہ اس کی اہلیہ ریتو ورما ایک سرکاری گرلز کالج میں کلرک ہیں۔ ان کا چھ سالہ بیٹا بھی ہے۔ پون نے پولیس کو بتایا کہ ریتو کا مقامی کونسلر ابھشیک پاتھک کے ساتھ معاشقہ چل رہا ہے، جس کا اسے اکتوبر 2024 میں علم ہوا تھا۔
پون نے دعویٰ کیا کہ پہلی بار جب اس نے دونوں کو رنگے ہاتھوں قابل اعتراض حالت میں پکڑا تو ریتو نے جواب دیا، “میرا جسم میری مرضی، تم کون ہوتے ہو روکنے والے؟” اس واقعے کے بعد دونوں میاں بیوی الگ رہنے لگے۔
حالیہ واقعہ اُس وقت پیش آیا جب پون نے اپنے بیٹے سے ویڈیو کال پر بات کرتے ہوئے گھر میں کسی اجنبی کی موجودگی کا شبہ محسوس کیا۔ اس پر اُس نے فوری طور پر پولیس کو اطلاع دی۔ پولیس جب گھر پہنچی تو دروازہ کھلوانے پر اندر سے ابھشیک پاتھک باہر نکلے۔ پون کے مطابق ابھشیک نے نہ صرف اہل محلہ کو دھمکایا بلکہ پولیس سے بھی بدتمیزی کی۔
پون نے اس پورے واقعے کی ویڈیو بھی بنائی جو اب سوشل میڈیا پر وائرل ہو چکی ہے۔ ویڈیو میں ابھشیک پاتھک کو بلند آواز میں شور مچاتے اور دھمکیاں دیتے ہوئے دیکھا جا سکتا ہے۔
اپنی شکایت میں پون نے خدشہ ظاہر کیا کہ اس کی بیوی اسے اور اس کے بیٹے کو زہریلی چائے پلا کر قتل کر سکتی ہے، اور لاشیں ڈرم میں چھپا سکتی ہے — بالکل اسی طرح جیسے میرٹھ کے ایک مشہور مقدمے میں سابق مرچنٹ نیوی افسر سوربھ راجپوت کو اس کی بیوی اور اس کے عاشق نے قتل کر کے ڈرم میں بند کر دیا تھا۔
پولیس افسر رامویر سنگھ کے مطابق، “112 پر شکایت موصول ہونے کے بعد پولیس ٹیم موقع پر پہنچی۔ ویڈیو کا جائزہ لیا جا رہا ہے اور مکمل تفتیش جاری ہے۔”
پون نے پولیس سے درخواست کی ہے کہ اسے اور اس کے بیٹے کو تحفظ فراہم کیا جائے۔
مزیدپڑھیں:حکومت کا پی آئی اے کی نجکاری کیلئے نئے اشتہارِ دلچسپی کا اعلان
ذریعہ: Daily Ausaf
کلیدی لفظ: اور اس کے پولیس سے پون نے
پڑھیں:
اوکاڑہ: مبینہ پولیس مقابلے میں 3 ملزمان ہلاک،3 فرار، پولیس
اوکاڑہ میں دایارام پل دیپالپور میں مبینہ پولیس مقابلے میں 3 ملزمان ہلاک اور 3 فرار ہوگئے۔
پولیس کا دعویٰ ہے کہ اہلکاروں نے 6 مشکوک موٹر سائیکل سواروں کو روکا تو ملزمان نےفائرنگ کر دی۔
پولیس کا کہنا ہے کہ مقابلے میں ملزمان اپنے ہی ساتھیوں کی گولیاں لگنے سے ہلاک ہوئے۔
ملزمان کے قبضے سے شہری سے چھینی گئی موٹر سائیکل و دیگر سامان برآمد کر لیا گیا ہے۔
پولیس کا کہنا ہے کہ مفرور ملزمان کی گرفتاری کے لئے سرچ آپریشن جاری ہے۔
حسینہ گھر کی نہ گھاٹ کی