پاکستانی عازمینِ حج کیلئے اچھی خبر
اشاعت کی تاریخ: 11th, April 2025 GMT
سعودی عرب نے مزید 10 ہزار پاکستانیوں کو حج کی اجازت دے دی۔
نائب وزیرِ اعظم و وزیرِ خارجہ اسحاق ڈار کا سعودی وزیرِ خارجہ سے رابطہ ہوا ہے۔
پاکستانی وزارتِ اطلاعات کی جانب سے بتایا گیا ہے کہ پاکستان نے عازمینِ حج کے لیے حج کوٹہ میں اضافے کی خصوصی درخواست کی، درخواست ان شہریوں کے لیے کی گئی جو مقررہ تاریخ تک رجسٹریشن نہیں کروا سکے تھے۔
وزارتِ اطلاعات کے مطابق پاکستان کی درخواست سعودی حکام نے قبول کرلی ہے اور پاکستان کے لیے حج کوٹہ میں توسیع کی منظوری دی ہے۔
وزارتِ اطلاعات کے مطابق اب مزید 10 ہزار پاکستانی شہری حج کی سعادت حاصل کرسکیں گے۔
.ذریعہ: Jang News
پڑھیں:
پاکستانی عازمینِ حج کے لیے بڑی خوشخبری،سعودی عرب نے حج کوٹے میں اضافہ کردیا
پاکستانی عازمینِ حج کے لیے بڑی خوشخبری،سعودی عرب نے حج کوٹے میں اضافہ کردیا WhatsAppFacebookTwitter 0 11 April, 2025 سب نیوز
اسلام آباد (آئی پی ایس) حکومتِ سعودی عرب نے پاکستان کے لیے حج 2025ء کے کوٹے میں 10 ہزار عازمین کا غیرمعمولی اضافہ کر دیا ہے، جس کے بعد ہزاروں مزید پاکستانی شہری اس سال فریضۂ حج ادا کر سکیں گے۔
وزیرِ اعظم شہباز شریف کی خصوصی ہدایت پر نائب وزیرِ اعظم و وزیرِ خارجہ سینیٹر محمد اسحاق ڈار نے سعودی وزیرِ خارجہ شہزادہ فیصل بن فرحان السعود سے رابطہ کیا اور ان پاکستانی شہریوں کے لیے اضافی حج کوٹے کی درخواست کی جو مقررہ آخری تاریخ گزر جانے کے باعث حج کے لیے رجسٹریشن نہ کر سکے تھے۔
پاکستانی حکومت کی اس خصوصی درخواست پر سعودی حکام نے مثبت ردِعمل دیتے ہوئے پاکستان کا حج کوٹہ 10 ہزار مزید افراد کے لیے بڑھا دیا ہے۔
اس اقدام کو پاکستان اور سعودی عرب کے درمیان قریبی برادرانہ تعلقات، باہمی اعتماد اور سعودی حکومت کی پاکستانی عوام سے خصوصی وابستگی کا مظہر قرار دیا جا رہا ہے۔
وزارتِ مذہبی امور کا کہنا ہے کہ جلد ہی اضافی حج کوٹے کے حوالے سے رجسٹریشن اور دیگر تفصیلات جاری کر دی جائیں گی تاکہ مزید 10 ہزار پاکستانی شہری حج 2025ء کی سعادت حاصل کر سکیں۔
حسینہ گھر کی نہ گھاٹ کی