بلوچستان کے وزراء بی این پی کے سربراہ سردار اختر مینگل پر برس پڑے
اشاعت کی تاریخ: 10th, April 2025 GMT
بلوچستان کے وزراء بلوچستان نیشنل پارٹی (بی این پی) کے سربراہ سردار اختر مینگل پر برس پڑے ہیں۔
کوئٹہ میں نیوز کانفرنس کے دوران صوبائی وزیر صادق عمرانی نے کہا کہ اختر مینگل دہشتگردوں کے سرغنہ ہیں جو عورتوں کے پیچھے چھپ رہے ہیں۔
صادق عمرانی نے کہا کہ اختر مینگل ایک وقت میں نواز شریف کی گاڑی چلاتے رہے، انہوں نے بانی پی ٹی آئی کی حکومت میں شامل ہو کر 15 ارب روپے اپنی جیب میں ڈالے۔
صوبائی وزیر علی مدد جتک نے کہا کہ اختر مینگل ان دہشتگردوں کی بی ٹیم ہیں جو بولان میں ہلاک دہشتگردوں کی لاشیں لینے آئے تھے۔
بخت محمد کاکڑ نے کہا کہ ماہ رنگ کےخلاف کیسز کورٹ میں ہیں، عدالت جو بھی فیصلہ کرے۔
.ذریعہ: Jang News
کلیدی لفظ: اختر مینگل نے کہا کہ
پڑھیں:
اختر مینگل کی نواز شریف کے خلاف گفتگو پر مسلم لیگ ن بلوچستان کا شدید ردعمل
پاکستان مسلم لیگ ن بلوچستان کے رہنماؤں نے اختر مینگل کی جانب سے نواز شریف کے خلاف بیان کو احسان فراموشی قرار دے دیا۔
اختر مینگل کی جانب سے نواز شریف سے متعلق گفتگو پر مسلم لیگ ن کے اراکین اسمبلی نے کوئٹہ میں پریس کانفرنس کی۔
یہ بھی پڑھیں نواز شریف بلوچستان آکر کیا کریں گے، ان کے ہاتھ میں ہے کیا؟ سردار اختر مینگل
اس موقع پر سلیم کھوسہ نے کہاکہ بلوچستان کے عوام کو حقائق بتانا چاہتے ہیں، اختر مینگل مفادات کی سیاست کررہے ہیں، ہم نے ہمیشہ ان کو احترام دیا لیکن ان کی جانب سے ہمیشہ مسلم لیگ ن کو منفی جواب دیا گیا۔
سلیم کھوسہ نے کہاکہ اختر مینگل نواز شریف پر تنقید کے نشتر برسا رہے ہیں، خود وہ دھرنا دے کر بیٹھے ہیں جبکہ دوسری جانب ان کے ساتھی حکومت کے ساتھ پس پردہ رابطے میں ہیں۔
انہوں نے کہاکہ اختر مینگل منفی سیاست کررہے ہیں، جام کمال کی حکومت گرانے میں سردار اختر مینگل کا ہاتھ تھا، کیا یہ دوغلا پن نہیں۔
سلیم کھوسہ نے مزید کہاکہ مسلم لیگ ن ریاست، آئین اور قانون کی حکمرانی کے لیے کھڑی رہے گی، سردار اختر مینگل کی سیاست محدود ہو چکی ہے، حکومت نے بی این پی کے ساتھ معاملات سلجھانے کی بہت کوشش کی لیکن اختر مینگل احتجاج کی آڑ میں ناجائز مطالبات منوانا چاہتے ہیں۔
انہوں نے کہاکہ ضد پر حکومت کسی کی بات نہیں مانے گی، حکومت ہر صورت امن قائم کرے گی، احتجاج کی وجہ سے عوام عذاب میں ہیں۔
پریس کانفرنس میں صوبائی وزیر راحیلہ درانی نے کہاکہ اختر مینگل سے بات چیت میں عوام کی تکلیف کا ذکر کیا، ہم نے سیاسی طور پر معاملات کو سلجھانے کی کوشش کی۔
یہ بھی پڑھیں بلوچستان کا پُرامن حل چاہتے ہیں، نواز شریف نے اختر مینگل سے رابطہ کرنے کا کہا ہے، خواجہ آصف
انہوں نے کہاکہ مسلم لیگ ن اور نواز شریف نے ہمیشہ ریاست اور ملکی سلامتی کی بات کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اختر مینگل پاکستان مسلم لیگ ن شدید ردعمل مسلم لیگ ن بلوچستان نواز شریف وی نیوز
دہشتگردی کا خاتمہ… ترقی وخوشحالی کا ضامن