وارنر کی غیر حاضری، خاموش سعود شکیل اور پی ایس ایل کی افتتاحی پریس کانفرنس
اشاعت کی تاریخ: 10th, April 2025 GMT
پاکستان سپر لیگ کے دسویں ایڈیشن کی تیاریاں مکمل ہیں، بدھ کو اسلام آباد کے پنچ ستارہ ہوٹل کے وسیع ہال میں 6کپتان جمع ہوئے اور لیگ کے حوالے سے اپنے خیالات کا اظہار کیا، تمام ہی کپتان ٹرافی کے دعویدار اور بہترین کمبینیشن کے ساتھ میدان میں اترنے کے لیے پر عزم نظر آئے مگر ایسے وقت میں جب لیگ اپنے 10سال پورے کر رہی ہے اس کی حالیہ ‘ہائیپ’ مستقبل اور منصوبہ بندی پر شدید سوالات اٹھائے جا رہے ہیں۔
پی ایس ایل کے بجائے قومی ٹیم کی حالیہ کارکردگی زیادہ زیر بحثلیگ کی افتتاحی پریس کانفرنس میں پی ایس ایل کے بجائے قومی ٹیم کی حالیہ کارکردگی کا رنگ زیادہ غالب نظر آیا۔ تقریبا ہر دوسرا سوال قومی ون ڈے ٹیم کے کپتان محمد رضوان سے کیا گیا اور وہ پاکستان ٹیم کی کارکردگی کے حوالے سے تھا۔ پوری پریس کانفرنس پاکستان کرکٹ ٹیم کی حالیہ کارکردگی چھائی رہی، مسلسل شکستوں کی وجہ سے تقریباً تمام ہی کپتان بھجے بھجے سے نظر آئے۔اس بات کا اظہار جب محمد رضوان سے ایک سوال کی صورت میں کیا گیا تو انہوں نے ”چٹکلہ”سنا کر ماحول کو بہتر بنانے کی کوشش کی۔تقریبا تمام ہی کپتانوں نے انتہائی مختصر جوابات دیے ،یوں جو ایونٹ عموما ایک گھنٹے سے سے زیادہ طویل ہو تا ہے وہ آدھے گھنٹے سے بھی قبل ختم ہو گیا۔
6کپتانوں کی موجودگی کے باوجود محمد رضوان میڈیا کے سوالات کا مرکزمحمد رضوان ہال میں موجود تمام میڈیا نمائندگان کے سوالات کا مرکز رہے۔ انہوں نے اپنی گفتگو میں حالیہ ناکامیوں کا اعتراف کیا۔ انہوں نے پاکستان ٹیم کی حالیہ کارکردگی کو ایک بار پھر سلیکشن کمیٹی پر ڈالنے کی کوشش کی اور کہا کہ وہ اپنا کام کر رہے ہیں، تمام معاملات کی جوابدہی ان سے بطور کپتان نہیں کی جا سکتی۔ ہر بندہ اپنی ذمہ داریوں پر جواب دہ ہے۔ پریس کانفرنس میں جب سابق کپتان بابر اعظم سے کارکردگی پر سوالات ہوئے تو انہوں نے اس کا جارحانہ دفاع کرتے ہوئے کہا کہ وہ میڈیا کے سامنے بات کرنے کے بجائے متعلقہ فورم پر گفتگو کو ترجیح دیں گے۔
کراچی کنگزکے کپتان ڈیوڈ وارنر کی غیر موجودگی جو محسوس کی گئیپری ایونٹ پریس کانفرنس میں کراچی کے کپتان ڈیوڈ وارنر کی کمی محسوس کی گئی جو واحد اووور سیز کپتان ہیں اور پہلی بار لیگ کا حصہ بنے ہیں، افتتاحی تقریب میں ان کی غیر موجودگی کی وجوہات کا واضح جواب نہیں مل سکا۔ سابق آسٹریلوی اسٹار کی نمائندگی پریس کانفرنس میں فاسٹ باولر حسن علی نے کی۔ پریس کانفرنس میں تمام 6کپتانوں نے ٹرافی جیتنے کا دعویٰ کیا مگر پی ایس ایل 10کیلیے منتخب کیے گئے اسکواڈز، کمبینیشن، اوور سیز کھلاڑیوں کی دستیابی کی بنیاد پر اسلام آباد یو نائیٹڈ اور پشاور زلمی کو زیادہ بہتر پوزیشن میں قرار دیا جا رہا ہے۔
لیگ کے 10سال: تمام کپتانوں کیلیے یادگار لمحہ کون سا رہا؟پریس کانفرنس کے اختتام پر تمام کپتانوں نے گزشتہ 10سالوں کے لیگ کے سفر میں اپنے پسندیدہ مواقع کی نشاندہی کی۔ کراچی کنگز کے حسن علی نے کہا کہ لیگ میں ان کا بہترین موقع وہ تھا جب پی ایس ایل ٹرافی زلمی نے جیتی اور وہ اس ٹیم کا حصہ تھے۔ پشاور زلمی کے کپتان بابر اعظم نے بطور کپتان کراچی کیلیے ٹائٹل جیتنے کو بہترین موقع قرار دیا۔ اسلام آباد کے کپتان شاداب خان نے گزشتہ سال2024کی پوری لیگ کو اپنے لیے یارگار موقع قرار دیا۔
ملتان سلطان کے کپتان محمد رضوان کے مطابق سال 2024کا فائنل بہترین لمحہ تھا جس میں اسلام آباد کے ہاتھوں ان کی ٹیم کو شکست ہوئی۔ کوئٹہ گلیڈی ایٹرز کے کپتان سعود شکیل نے کہا کہ انہیں پی ایس ایل انتہائی کم کھیلنے کا موقع ملا۔ وہ پہلی بار کپتانی کر رہے ہیں اور اسی کو بہترین موقع بنانے کی کوشش کریں گے۔ لاہور قلندرز کے کپتان شاہین آفریدی نے پلیئرز ڈویولپمنٹ پروگرام کی شروعات کو ایک ایسا موقع قرار دیا جو ان کیلیے اب تک 10سالوں میں یادگار رہا ہے۔
ادارے کا کالم نگار کی رائے کے ساتھ متفق ہونا ضروری نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ: WE News
کلیدی لفظ: پریس کانفرنس میں اسلام آباد محمد رضوان پی ایس ایل کے کپتان انہوں نے قرار دیا لیگ کے کہا کہ
پڑھیں:
تمام مسلم حکومتوں پر جہاد واجب ہوچکا، قومی فلسطین کانفرنس کا اعلامیہ جاری
تمام مسلم حکومتوں پر جہاد واجب ہوچکا، قومی فلسطین کانفرنس کا اعلامیہ جاری
فلسطین اور امت مسلمہ کے عنوان پر منعقدہ قومی کانفرنس کا اعلامیہ جاری کردیا گیا ہے جس میں اسرائیل کی جانب سے غزہ میں فلسطینیوں کی نسل کشی جاری ہے، مسلمانوں پر جہاد واجب ہوچکا ہے۔
جمعرات کے روز اسلام آباد میں ہونے والی قومی کانفرنس میں دینی جماعتوں اور تنظیمات کے قائدین شریک ہوئے، قومی کانفرنس کا اعلامیہ جاری کردیا گیا ہے۔
اعلامیے کے مطابق اسرائیل نے غزہ کے مظلوم فلسطینیوں پر تباہ کن مظالم ڈھائے جن کی ماضی میں کوئی مثال نہیں ملتی، بچوں اور خواتین سمیت تقریباً 55 ہزار افراد شہید اور 2 لاکھ شدید زخمی اور معذور ہوچکے ہیں۔
مجلسِ اتحاد امت پاکستان کے زیرِ اہتمام "قومی کانفرنس" بعنوان فلسطین اور امت مسلمہ کی ذمہ داری کا اعلامیہ جاری۔
1/2#JUIDigitalMediaCellPunjab #juipakistan ????????#StandUpForGaza pic.twitter.com/Ebj7AxiIJ7
— JUI Digital Media Cell Punjab (@JUIDMCPunjab) April 10, 2025
غزہ میں شہری نظام تباہ، اسپتال، اسکول سمیت رفاہی ادارے تباہ ہو چکے، اقوام متحدہ، سلامتی کونسل غیر مؤثر ہوچکے ہیں۔
غزہ کا 70 فیصد سے زائد علاقہ ملبے کے ڈھیر میں تبدیل ہوگیا جبکہ اسپتال، تعلیمی ادارے، انتظامی اور رفاہی خدمات کے ادارے تباہ ہوچکے ہیں۔
اعلامیے میں کہا گیا کہ یہ محض جنگ نہیں بلکہ فلسطینیوں کی کھلی نسل کشی ہے اور اپنے وطن کی آزادی کے لیے جدوجہد کرنے والوں کو دہشت گرد قرار دیا جا رہا ہے۔
امریکا غیر مشروط جنگ بندی کی ہر قرارداد کو ویٹو کر رہا ہے اور ایسی صورتحال میں شرعی اصولوں کے تحت تمام مسلم حکومتوں پر جہاد فرض ہوچکا ہے۔
اقوام متحدہ نے اپنی قراردادوں کے ذریعے اسرائیل کے قبضے کو ناجائز اور غیر قانونی قرار دیا ہے۔
The Palestinian leader today attended a national conference titled "Palestine and Our Responsibility"and sent a message to Muslim rulers to stand up for the oppressed Muslim in Gaza and play a full diplomatic role so that Gaza can be saved from Israeli brutality. #StandUpForGaza pic.twitter.com/kwopASkYbL
— Abdul Waheed (@waheedoffl) April 10, 2025
اعلامیے میں اسلامی کانفرنس کی تنظیم سے فلسطینیوں کی بحالی کے لیے فوری فنڈ قائم کرنے اور جن ممالک نے اسرائیل سے سفارتی و تجارتی تعلقات قائم کیے ان سے جنگ بندی تک تعلقات منقطع کرنے کا مطالبہ کیا گیا۔
اعلامیہ میں کہا گیا کہ تمام مسلمانوں پر جہاد واجب ہوچکا ہے، فلسطین کے معاملے میں کوئی معاہدہ اس جہاد میں شرکت سے مانع نہیں ہے، سلامتی کونسل کا فوری اجلاس طلب کیا جائے اور پاکستان اس میں پہل کرے۔
’آپ پر جہاد فرض ہوچکا ہے‘، مفتی تقی عثمانیمعروف عالم دین مفتی تقی عثمانی نے کانفرنس سے خطاب میں کہا کہ اہل فلسطین کی جانی اور مالی مدد امت مسلمہ پر فرض ہے، اسرائیل کو نہ اخلاقی اقدار کا پاس ہے نہ عالمی قوانین کی قدر، تمام مسلم حکومتوں پر جہاد فرض ہوچکا ہے۔
انہوں نے امریکی صدر ٹرمپ کے بیانات کہ ’غزہ کو فلسطینیوں سے خالی کیا جائے‘ کی شدید الفاظ میں مزمت کرتے ہوئے کہا کہ ان کا مسلمانوں کے خلاف بغض کسی سے ڈھکا چھپا نہیں، ستم ظریفی یہ ہے کہ ہم فلسطینی مجاہدین کے لیے کچھ نہیں ک پارہے۔
ان کا کہنا تھا کہ اسرائیل کو نہ اخلاقی اقدار کا پاس ہے نہ عالمی قوانین کی قدر، امت مسلمہ قبلہ اول کے لیے لڑنے والوں کی مدد نہیں کرسکی اور صرف قراردادوں، کانفرنسوں اور مذمتوں تک محدود ہے۔
انہوں نے تمام اسلامی حکومتوں سے کھل کر کہا کہ ’آپ پر جہاد فرض ہوچکا ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حسینہ گھر کی نہ گھاٹ کی