گھر میں بڑھتے لال بیگوں سے پریشان؟ تو ان سے نجات کے آسان طریقے جانیں
اشاعت کی تاریخ: 10th, April 2025 GMT
لال بیگ وہ جاندار ہے جس کے بارے میں کہا جاتا ہے کہ وہ کھانے کے بغیر 3 ماہ، پانی کے بغیر ایک ماہ جبکہ ہوا کے بغیر 45 منٹ تک زندہ رہ سکتا ہے۔
مگر گھروں میں ان کا نظر آنا کسی کو پسند نہیں آتا کیونکہ ان کیڑوں کے باعث مہمانوں کے سامنے شرمندگی تو ہوتی ہی ہے مگر اس کے ساتھ ساتھ مختلف امراض کا خطرہ بھی بڑھتا ہے۔
لال بیگ متعدد بیکٹریا اور وائرسز کو اپنے ساتھ لے کر گھومتے ہیں اور آپ کو بیمار کر سکتے ہیں۔
مگر گھروں سے ان کی صفائی آسان نہیں ہوتی، اگر کیمیکل استعمال کیا جائے تو اس سے بھی صحت کو نقصان پہنچ سکتا ہے جبکہ خرچہ بھی کافی زیادہ ہوتا ہے۔
اچھی بات یہ ہے کہ چند گھریلو ٹوٹکوں سے بھی ان کیڑوں سے نجات میں مدد مل سکتی ہے۔
البتہ کیڑوں کو ختم کرنے کے ساتھ ساتھ یہ بھی ضروری ہے کہ گھر میں نمی کو کم کیا جائے، ان کے داخلے کے مقامات کو بند کیا جائے اور گھر کو ٹھنڈا رکھنے کی کوشش کریں۔
اسی طرح سنک پر گندے برتنوں کا ڈھیر نہ لگائیں اور کچرے کے ڈبے کو صاف رکھنے کی کوشش کریں۔
تو اب وہ طریقے جان لیں جن سے آپ بہت کم خرچ میں لال بیگ کو گھر ختم کر سکتے ہیں۔
بورک ایسڈ سے مدد لیں
بورک ایسڈ کو ان کیڑوں کے خلاف انتہائی مؤثر تصور کیا جاتا ہے۔
اس مقصد کے لیے بورک ایسڈ کے پاؤڈر کی کچھ مقدار کو گھر کے کونوں اور فرش پر چھڑک کر چھوڑ دیں، اس سے کیڑوں کا خاتمہ ہو جائے گا۔
البتہ اگر بورک ایسڈ گیلا ہو جائے تو پھر یہ بیکار ہوتا ہے اور ہاں بچوں کو اس سے دور رکھیں کیونکہ یہ نقصان دہ ہوتا ہے۔
بیکنگ سوڈا بھی مفید
بیکنگ سوڈا اور چینی کو ملا کر لال بیگ جیسے کیڑوں کا خاتمہ ممکن ہے۔
اس مقصد کے لیے چینی اور بیکنگ سوڈا کو ملائیں اور پھر اس مکسچر کو گھر کے کونوں اور ان جگہوں پر چھڑک دیں جہاں لال بیگ زیادہ نظر آتے ہیں۔
نیم سے بھی مدد مل سکتی ہے
نیم کے تیل یا پاؤڈر سے بھی ان کیڑوں کو ختم کرنے میں مدد مل سکتی ہے۔
ایک اسپرے بوتل میں نیم کے تیل کی تھوڑی سی مقدارکو پانی میں ملائیں اور اس مکسچر کو ان جگہوں پر اسپرے کریں جہاں لال بیگ زیادہ نظر آتے ہیں۔
اگر نیم کے پاؤڈر کا استعمال کرنا چاہتے ہیں تو اسے رات کے وقت متاثرہ حصوں پر چھڑک دیں اور صبح یہ عمل پھر دہرائیں۔
پودینے کے تیل کو استعمال کریں
پودینے کا تیل بھی ان کیڑوں سے نجات کے لیے بہترین ثابت ہو سکتا ہے۔
پودینے کے تیل کی کچھ مقدار کو نمک ملے پانی میں ملائیں اور پھر اس محلول کو گھر کے متاثرہ حصوں پر اسپرے کریں۔
مگر یاد رکھیں کہ راتوں رات لال بیگ ختم نہیں ہوں گے بلکہ کئی بار اس عمل کو دہرانے پر ہی بہترین نتیجہ سامنے آئے گا۔
لیموں کا عرق
لیموں کے عرق کی مہک ہمیں تو اچھی لگتی ہے مگر لال بیگ اسے پسند نہیں کرتے۔
2 سے 3 کھانے کے چمچ لیموں کے عرق کو پانی سے بھری ایک بالٹی میں ملا کر مکس کریں اور پھر گھر کے متاثرہ حصے کو اس سے دھو لیں۔
.ذریعہ: Daily Ausaf
کلیدی لفظ: بورک ایسڈ لال بیگ سے بھی کو گھر گھر کے کے تیل
پڑھیں:
کیا بالی ووڈ اداکارہ سشمیتا سین پاکستانی فلم میں کام کریں گی؟
بالی ووڈ کی سینیئر اداکارہ سشمیتا سین نے کہا ہے کہ ہنر اور فن کی کوئی سرحد نہیں ہوتی نہ ہونی چاہیے، وہ ہمیشہ اچھی فلم میں کام کرنے کی خواہاں ہیں چاہے اس کی پیشکش کہیں سے بھی آئے۔
بھارتی میڈیا رپورٹس کے مطابق اداکار سنی دیول اور اداکارہ امیشا پٹیل کے بعد اب سشمیتا سین نے پاکستانی فنکاروں کی بالی ووڈ میں واپسی کی حمایت کردی ہے، ایک انٹرویو میں اداکارہ نے کہا کہ تخلیقی کام آزادی کے ماحول میں پروان چڑھتا ہے، ہنر اور فن کی کوئی سرحد نہیں ہوتی نہ ہونی چاہیے۔
یہ بھی پڑھیں: ہارٹ اٹیک: سشمیتا سین صحتیابی کی طرف گامزن
سشمیتا سین نے ایک کھیل اور ایک ہماری تخلیقی فیلڈ ہے جو تمام پابندیوں سے آزاد ہے، تخلیقی کام آزادی کے ماحول میں پروان چڑھتا ہے، اس لیے میں کھیل اور تخلیقی کام کے لیے اپنی نیک خواہشات کا اظہار کروں گی۔
View this post on Instagram
A post shared by Instant Bollywood (@instantbollywood)
اداکارہ سے سوال کیا گیا کہ اگر انہیں پاکستانی فلم انڈسٹری سے کام کی آفر آئے تو وہ قبول کریں گی، جواب میں اداکارہ نے کہا ’میں ہمیشہ اچھی فلم میں کام کرنا چاہوں گی، پھر چاہے اس کی پیشکش کہیں سے بھی آئے، اس سے فرق نہیں پڑتا۔
یہ بھی پڑھیں: بھارتی اداکارہ سشمیتا سین شادی کے لیے تیار، کیسے لڑکے کی تلاش ہے؟
یاد رہے کہ پاکستانی اداکار فواد خان نے 9 سال بعد فلم ’عبیر گلال‘ کے ساتھ بالی ووڈ میں واپسی کا اعلان کیا ہے، مہاراشٹر نونرمان سینا (ایم این ایس) نے فلم کی ریلیز کی مخالفت کی ہے، تاہم بھارتی فنکار پاکستانی فنکاروں کی حمایت کرتے دکھائی دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت پاکستان سشمیتا سین فن فواد خان کھیل ہنر
ترجمان سندھ حکومت کا مریم اورنگزیب کے بیان پر ردعمل