سرکاری و نجی تنخواہ دار طبقے سے کتنے کھرب کا ٹیکس وصول کیا گیا؟ تفصیلات سامنے آگئیں
اشاعت کی تاریخ: 10th, April 2025 GMT
اسلام آباد:
حکومت کی جانب سے سرکاری و نجی تنخواہ داروں سے گزشتہ 3 سال کے دوران 820 ارب روپے ٹیکس وصولی کا انکشاف ہوا ہے۔
ایکسپریس نیوز کے مطابق وزارتِ خزانہ نے تنخواہ دار ٹیکس دہندگان کی تفصیلات ایوان میں پیش کر دیں جب کہ ایف بی آر نے سرکاری اور غیر سرکاری تنخواہ دار ٹیکس دہندگان کی تفصیلات بھی جاری کی ہیں۔
تفصیلات کے مطابق گزشتہ 3 سال کے دوران سرکاری و غیر سرکاری تنخواہ دار ٹیکس دہندگان (ملازمین) سے 820 ارب روپے ٹیکس وصول کیا گیا ہے۔ ان 3 سالوں میں سرکاری تنخواہ دار ٹیکس دہندگان سے 186 ارب ٹیکس کی مد میں وصول کیا گیا جب کہ غیر سرکاری تنخواہ دار افراد سے اسی دورانیے میں 634ارب روپے وصول کیا گیا ۔
یاد رہے کہ مالی سال 2023سے 24 کے دوران سرکاری اور نجی ٹیکس دہندگان سے 368 ارب ٹیکس وصول کیا گیا تھا۔ گزشتہ 3 سال کے دوران سرکاری ٹیکس دہندگان کی تعداد میں 1 لاکھ 94 ہزار کا اضافہ ہوا ہے جب کہ نجی سیکٹر کے ٹیکس دہندگان کی تعداد میں گزشتہ 3 سال کے دوران ساڑھے 5 لاکھ افراد کا اضافہ ہوا ہے۔
Tagsپاکستان.
ذریعہ: Al Qamar Online
کلیدی لفظ: پاکستان گزشتہ 3 سال کے دوران سرکاری تنخواہ دار ٹیکس دہندگان کی وصول کیا گیا ٹیکس وصول
پڑھیں:
شہری اربوں روپے مالیت کی گاڑیوں، موٹرسائیکلوں سے محروم
سی پی ایل سی نے سال کے ابتدائی تین ماہ کے دوران کراچی میں لوٹ مار کی تفصیل جاری کردی
کروڑوں مالیت کی 537گاڑیوں اور 12ہزار 182موٹر سائیکلوں سے شہریوں کو ہاتھ دھونا پڑا
شہر میں گزشتہ ماہ مارچ کے مہینے میں بھی لوٹ مار کی وارداتوں میں شہری بھاری مالیت کی 160 گاڑیوں اور 4179 موٹر سائیکلوں سے محروم کر دیے گئے جبکہ اس دوران شہریوں سے مجموعی طور پر 1312 موبائل فونز بھی چھین لیے گئے جبکہ رواں سال کے ابتدائی 3 ماہ جنوری ، فروری اور مارچ میں مجموعی طور پر کروڑوں روپے مالیت کی 537 گاڑیوں اور 12 ہزار 182 موٹر سائیکلوں سے شہریوں کو ہاتھ دھونا پڑا جبکہ اسی 3 ماہ کے دوران شہریوں سے مجموعی طور 4300 موبائل فون بھی چھین لیے گئے۔ پولیس افسران کے کرائم میں کمی کے دعوے اپنی جگہ لیکن شہریوں سے لوٹ مار کا سلسلہ بھی بدستور جاری ہے۔ سی پی ایل سی کی جانب سے گزشتہ ماہ مارچ کے مہینے میں شہریوں سے لوٹ مار کی وارداتوں سے متعلق اعداد شمار جاری کیے گئے ہیں جس کے مطابق گزشتہ ماہ شہریوں کو مجموعی طور پر 160 گاڑیوں سے محروم ہونا پڑا جس میں 21 گاڑیاں شہر کی سڑکوں سے چھینی جبکہ 139 گاڑیوں کو چوری کرلیا گیا۔گزشتہ ماہ شہریوں سے مجموعی طور پر 4179 موٹر سائیکلیں چوری و چھینی گئیں جس میں 574 موٹر سائیکلیں چھینی جبکہ 3605 موٹر سائیکلیں چوری کی گئیں اس دوران شہریوں سے 1312 موبائل فونز بھی چھینے گئے۔گزشتہ ماہ اغوا برائے تاوان کی ایک واردات جبکہ بھتہ خوری کی 9 وارداتیں رپورٹ ہوئیں اس دوران شہر میں قتل و غارت گری کے دوران 42 شہریوں کو بھی موت کے گھاٹ اتار دیا گیا۔نئے سال 2025 کے ابتدائی 3 ماہ جنوری ، فروری اور مارچ کے اعداد و شمار کا جائزہ لیا جائے تو 3 ماہ کے دوران مجموعی طور پر شہریوں کو کروڑوں روپے مالیت کی 537 گاڑیوں سے محروم ہونا پڑا جس میں 88 گاڑیاں چھینی اور 449 گاڑیاں چوری کی گئیں۔اسی طرح سے 3 ماہ کے دوران شہریوں سے مجموعی طور پر 12 ہزار 182 موٹر سائیکل سے محروم ہونا پڑا جس میں 1740 موٹر سائیکلیں چھینی جبکہ 10 ہزار 242 موٹر سائیکلوں کو چوری کرلیا گیا ، 3 ماہ کے دوران شہریوں سے مجموعی طور پر 4 ہزار 300 موبائل فونز چھین لیے گئے۔سی پی ایل سی رپورٹ کے مطابق گزشتہ 3 ماہ کے دوران شہر میں قتل و غارت گری کی وارداتوں میں 132 افراد جاں بحق ، اغوا برائے تاوان کی 5 جبکہ بھتے کے مجموعی طور پر 24 واقعات رپورٹ ہوئے۔
دہشتگردی کا خاتمہ… ترقی وخوشحالی کا ضامن