بلوچستان آگ میں جل رہا ہے جس کی کسی کو بھی پرواہ نہیں ہے، سید عبدالقیوم آغا
اشاعت کی تاریخ: 10th, April 2025 GMT
تاجر رہنمائوں نے ملتان میں پریس کانفرنس سے خطاب کرتے ہوئے کہا کہ افسوسناک صورتحال یہ ہے کہ بلوچستان کا سندھ، کراچی سے پچیس دنوں سے کوئی رابطہ نہیں ہے، تجارتی و کاروباری نظام معطل ہو چکا ہے، ملک وقوم کی ترقی و خوشحالی کے لئے غریب قوم اور ملک بھر کے چھوٹے تاجروں اور عام دکانداروں کو ریلیف نہ دیا گیا۔ اسلام ٹائمز۔ مرکزی تنظیم تاجران پاکستان کے مرکزی چیئرمین خواجہ سلیمان صدیقی، مرکزی صدر کاشف چوہدری نے کہا ہے کہ بجلی کی قیمت کی مد میں غریب قوم کو جون تک عارضی ریلیف سے کام نہیں چلے گا، مستقل بنیادوں پر ریلیف دیا جائے، آئی پی پیز کا فرانزک آڈٹ کیا جائے اور بجلی کا فائدہ نہ دینے والی آئی پی پیز کمپنیوں کو ختم کیا جائے، بجٹ میں بجلی کے بلوں میں عائد ٹیکسز سمیت دیگر ٹیکسز ختم کئے جائیں، تجاوزات کی آڑ میں ملتان سمیت پنجاب بھر کو کھنڈرات میں تبدیل کردیا گیا، جس کی وجہ سے تاجروں کا اربوں روپے کا معاشی نقصان کیا گیا، جیسے تاجر سزا یافتہ مجرم ہیں، ملک میں کوئی معاشی پالیسی نہیں ہے، کسان تباہ حالی کا شکار ہے اٹھارہ سو روپے من گندم کی قیمت ہوچکی ہے جس کی وجہ سے آج کسان انتہائی معاشی بدحالی کا شکار ہے، کسانوں کو مناسب امدادی قیمت دی جائے۔
مرکزی سیکریٹری جنرل سید عبدالقیوم آغا نے کہا کہ بلوچستان آگ میں جل رہا ہے جس کی کسی کو بھی پرواہ نہیں ہے، خوشحالی بلوچستان، کے پی کے خوشحال پاکستان کی ضمانت ہے، افسوسناک صورتحال یہ ہے کہ بلوچستان کا سندھ، کراچی سے پچیس دنوں سے کوئی رابطہ نہیں ہے، تجارتی و کاروباری نظام معطل ہو چکا ہے، ملک وقوم کی ترقی و خوشحالی کے لئے غریب قوم اور ملک بھر کے چھوٹے تاجروں اور عام دکانداروں کو ریلیف نہ دیا گیا، ایف بی آر میں بیٹھے کرپٹ افسران و اہلکاروں کی کرپشن کا راستہ روکنے کے لئے ہنگامی بنیادوں پر اقدامات نہ کئے گئے، رئیل اسٹیٹ سیکٹر میں ریلیف نہ دیا گیا اور شدید بڑھتی ہوئی گرمی سے پریشان حال تاجروں کی دکانوں پر شیڈ، ترپالیں لگانے اور تجاوزات آپریشن ختم کرنے کے احکامات جاری نہ کئے گئے تو مرکزی تنظیم تاجران ملک گیر احتجاجی تحریک چلانے سے گریز نہیں کرے گی، شٹرڈاون، دھرنے اور ہڑتالوں سے گریز نہیں کریں گے۔
ان خیالات کا اظہار انہوں نے پریس کلب میں پرہجوم پریس کانفرنس کے دوران کیا، اس موقع پر غزہ میں مظلوم فلسطینیوں پر ہونے والے اسرائیلی مظالم کی شدید مذمت کی گئی اور ملک بھر کی تاجر برادری سے مطالبہ کیا گیا کہ وہ اسرائیلی و امریکہ کی مصنوعات کا مکمل طور پر بائیکاٹ کریں، جبکہ پریس کانفرنس میں جنوبی پنجاب کے صدر شیخ جاوید اختر، ضلع ملتان کے صدر سید جعفرعلی شاہ، ملتان کے صدر خالد محمود قریشی، جنوبی پنجاب کے سنیئر نائب صدر حاجی ندیم قریشی، بوہر گیٹ کے صدر چوہدری ریا ض شاہین، جنوبی پنجاب کے چیئرمین جاوید اختر خان
اور دیگر رہنما موجود تھے۔
ذریعہ: Islam Times
کلیدی لفظ: نہیں ہے دیا گیا کے صدر
پڑھیں:
موسیٰ رضا شاہ بخاری مرکزی تنظیم لائسنسداران عزاداری جنوبی پنجاب کے نئے صدر منتخب
ملتان پریس کلب میں پریس کانفرنس کرتے ہوئے موسیٰ رضا شاہ کا کہنا تھا کہ 4 ماہ قبل تنظیم کے سابقہ صدر مرحوم مہر مزین عباس چاون کی قیادت میں لائسنسداران متولیان بانی مجالس عزاداران ماتمی انجمن اور دیگر عزاداری سے وابستہ عزاداران اس تنظیم کا حصہ رہے ہیں، اب چونکہ ایام عزا قریب ہیں اس لیے تمام مکاتب عزاداری سے جاری مشاورت کے بعد تنظیم نوکے قواعد پر عمل درامد کر کے صدارت کے لیے مجھے منتخب کر لیا گیا ہے۔ اسلام ٹائمز۔ مرکزی تنظیم لائسنسداران عزاداری امام حسین علیہ السلام جنوبی پنجاب کے صدر سید موسی رضا شاہ بخاری نے اراکین کے ہمراہ تنظیم کی تشکیل نو اور آمدہ محرم الحرام کے انتظامات کے سلسلہ میں ملتان پریس کلب میں پریس کانفرنس کی۔ اس موقع پر صدر مرکزی تنظیم لائسنسداران عزاداری نے کہا کہ مرکزی تنظیم لائسنسداران نے گزشتہ 15 سال سے عزاداری امام حسین کے فروغ اور انتظامی امور کے لیے اپنی کاوشیں جاری رکھی ہوئی ہیں، 4 ماہ قبل تنظیم کے سابقہ صدر مرحوم مہر مزین عباس چاون کی قیادت میں لائسنسداران، متولیان، بانی مجالس، عزاداران، ماتمی انجمن اور دیگر عزاداری سے وابستہ عزاداران اس تنظیم کا حصہ رہے ہیں، مرحوم کی ناگہانی وفات کے بعد تنظیم کے قواعد کے مطابق مشاورت کا عمل جاری رہا، اب چونکہ ایام عزا قریب ہیں، اس لیے تمام مکاتب عزاداری سے جاری مشاورت کے بعد تنظیم نو کے قواعد پر عمل درامد کر کے صدارت کے لیے سید موسی رضا بخاری کا انتخاب کر لیا گیا ہے، جو کہ گزشتہ روش کو جاری رکھتے ہوئے سابقہ روایات کے مطابق عزاداری کے احیا، فروغ نظم و ضبط کی درستگی اور انتظامی امور میں جنوبی پنجاب کی انتظامیہ کے ساتھ مل کر کام کریں گے۔
رہنمائوں نے کہا کہ مرکزی تنظیم نے ہمیشہ امن و امان کے فروغ، اتحاد وحدت بین المذاہب ہم آہنگی، بھائی چارے کا فروغ، فرقہ واریت کا خاتمہ اور انتظامی معاملات میں ہمیشہ اپنی خدمات کو پیش کیا ہے اور آئندہ بھی اپنی انہی خدمات کے سلسلہ کو جاری رکھتے ہوئے اس کو جاری رکھے گی، اس کے علاوہ ملتان ضلع کے دیگر تحصیلوں شجاعباد اور جلال پور پیروالہ اور صدر ملتان میں بھی جلد دورے کر کے لائسنس داران اور عزاداران کو اعتماد میں لیا جائے گا۔ انہوں نے مزید کہا کہ مرکزی تنظیم میں ذیلی کمیٹیاں بنا دی گئی ہیں جو کہ ضلع ملتان میں دورہ مکمل کرنے کے بعد ضلع مظفرگڑھ، خانیوال، کوٹ ادو، ڈیرہ غازی خان، تونسہ، لودھراں اور بہاولپور میں دورے کر کے وہاں مقامی انتظامی افسران کے ساتھ حسب سابق میٹنگ کر کے لائسنس داران کے انتظامی معاملات پر مفصل گفتگو کریں گے۔ آخر میں مرکزی تنظیم کے مستقبل، وطن عزیز کی سلامتی اداروں اور سیکیورٹی اہلکاران کی سلامتی اور شہدا کی بلندی درجات کے لیے دعا کی گئی۔
نواز شریف کی سیاست میں دوبارہ انٹری، اندر کی خبریں کیا ہیں؟۔ بلوچستان کی صورتحال