منی لانڈرنگ کیس : پرویز الٰہی کو پیش ہونے کا حکم
اشاعت کی تاریخ: 9th, April 2025 GMT
لاہور: اسپیشل کورٹ سینٹرل نے منی لانڈرنگ کیس میں سابق وزیر اعلیٰ پنجاب پرویز الٰہی و دیگر کو آئندہ سماعت پر پیش ہونے کا حکم دے دیا۔خصوصی عدالت میں پرویز الٰہی اور مونس الٰہی کے خلاف منی لانڈرنگ کا کیس کی سماعت ہوئی جو 15 مئی 2025 تک ملتوی کر دی گئی۔ دوران سماعت سابق وزیر اعلیٰ پنجاب کی ایک روزہ حاضری معافی کی درخواست منظور کی گئی۔عدالت نے پرویز الٰہی کی بریت کی درخواست پر دلائل طلب کرتے ہوئے آئندہ سماعت پر انہیں اور دیگر ملزمان کو پیش ہونے کا حکم دیا۔عدالت نے پرویز الٰہی کی بہو زہرا الٰہی کو حاضری سے مستقل استثنیٰ دے رکھا ہے جبکہ مونس الٰہی کو اشتہاری اور انٹرپول سے رابطے کا حکم دے رکھا ہے۔دسمبر 2024 میں لاہور کی احتساب عدالت نے گجرات کرپشن کیس میں سابق پرنسپل سیکرٹری محمد خان بھٹی سمیت دیگر ملزموں پر فرد جرم عائد کی تھی جبکہ پرویز الٰہی پر فرد جرم کیلیے 7 جنوری 2025 کی تاریخ مقرر کی تھی۔سابق وزیر اعلیٰ پنجاب بیماری کی وجہ سے پیش نہیں ہوئے تھے جبکہ انہوں نے عدالت میں حاضری سے استشنیٰ کی درخواست دائر کی تھی۔
7 جنوری 2025 کو جب فرد جرم عائد کی گئی تو انہوں نے صحت جرم سے انکار کیا تھا .
ذریعہ: Nawaiwaqt
کلیدی لفظ: سابق وزیر اعلی پرویز ال ہی عدالت نے کا حکم کی تھی
پڑھیں:
بورس جانسن کو شتر مرغ نے کاٹ لیا، ویڈیو وائرل
سابق برطانوی وزیرِ اعظم بورس جانسن کو ایک شتر مرغ نے کاٹ لیا۔
فوٹو اینڈ ویڈیو شیئرنگ پلیٹ فارم انسٹاگرام پر بورس جانسن کی اہلیہ کیری جانسن نے ویڈیو شیئر کر دی، جس میں سابق برطانوی وزیرِ اعظم کو غیر متوقع صورتِ حال سے دو چار ہوتے دیکھا جا سکتا ہے۔
حال ہی میں سابق برطانوی وزیرِ اعظم اہلِ خانہ کے ہمراہ گاڑی میں وائلڈ لائف پارک کی سیر و تفریح کر رہے تھے کہ اس دوران شتر مرغ کو دیکھنے کے لیے رک گئے۔
View this post on InstagramA post shared by Carrie Johnson (@carrielbjohnson)
وائرل ویڈیو میں دیکھا جا سکتا ہے کہ بورس جانسن کا بیٹا ولفریڈ ان کی گود میں بیٹھا گاڑی کی کھڑکی سے شتر مرغ کو دیکھ کر محظوظ ہو رہا تھا کہ اچانک شتر مرغ نے بورس جانسن کے بازو پر چونچ مار دی، جس پر سابق برطانوی وزیرِ اعظم کی چیخ نکل گئی۔
یہ منظر دیکھ کر بورس جانسن کا بیٹا اور اہلیہ خوب ہنستے رہے، بعد ازاں بورس جانسن بھی ہنسنے لگے۔
کیری جانسن نے مذکورہ ویڈیو اپنے انسٹاگرام اکاؤنٹ پر شیئر کرتے ہوئے لکھا ہے کہ کیسے شیئر نہ کریں، یہ بہت مضحکہ خیز ہے، اس کے ساتھ ہی انہوں نے ہسنتے ہسنتے آنسو بہنے والے ایموجی کا بھی اضافہ کیا ہے۔
خیال رہے کہ بورس جانسن ان دنوں اپنے اہلِ خانہ کے ہمراہ امریکی ریاست ٹیکساس میں ہیں، مذکورہ ویڈیو ٹیکساس کے وائلڈ لائف پارک کی ہے۔
Post Views: 3
حسینہ گھر کی نہ گھاٹ کی