فلسطین کے حق میں آواز اٹھانے پر مائیکروسافٹ نے دو انجینیئرز کو برطرف کر دیا
اشاعت کی تاریخ: 9th, April 2025 GMT
واشنگٹن: ٹیکنالوجی کی بڑی کمپنی مائیکروسافٹ نے اپنی اسرائیلی فوج سے معاہدوں کے خلاف احتجاج کرنے پر دو سافٹ ویئر انجینیئرز کو برطرف کر دیا ہے۔ کمپنی نے اس اقدام کو "جان بوجھ کر کاروباری سرگرمیوں میں خلل ڈالنا" قرار دیا ہے۔
یہ واقعہ کمپنی کی 50 ویں سالگرہ کی تقریبات کے دوران پیش آیا، جب کینیڈا میں موجود انجینیئر ابتہال ابوسعید نے مائیکروسافٹ اے آئی کے سی ای او مصطفیٰ سلیمان کے خطاب کے دوران احتجاج کیا۔
لائیو ایونٹ کے دوران انہوں نے کہا: "مصطفیٰ، تم پر شرم ہے۔ مائیکروسافٹ ہمارے علاقے میں نسل کشی کو طاقت فراہم کر رہا ہے۔"
انہوں نے اسٹیج پر ایک کفیہ (فلسطینی رومال) بھی پھینکا، جس کے بعد سیکیورٹی نے انہیں باہر نکال دیا۔ بعد میں انہوں نے کمپنی کے سی ای او ستیہ نڈیلا اور دیگر اعلیٰ حکام کو ای میل بھیجی، جس میں انہوں نے اپنی ٹیم کے اسرائیلی ملٹری سے تعلق پر خاموشی اختیار نہ کرنے کا اعلان کیا۔
View this post on InstagramA post shared by Muslim (@muslim)
مائیکروسافٹ نے انہیں فوری طور پر نوکری سے نکال دیا۔ کمپنی نے کہا کہ انہوں نے جان بوجھ کر ایک اہم ایونٹ میں خلل ڈال کر شہرت حاصل کرنے کی کوشش کی۔
دوسری انجینیئر وانیا اگروال، جو امریکہ میں تعینات تھیں، نے ایک علیحدہ سیشن میں ستیہ نڈیلا کی موجودگی میں احتجاج کیا۔ اگرچہ وہ پہلے ہی 11 اپریل کو استعفیٰ دے چکی تھیں، مگر کمپنی نے ان کا استعفیٰ فوراً نافذ کر دیا۔ وانیا نے بھی کمپنی کی اعلیٰ قیادت کو ای میل کی، جس میں انہوں نے مائیکروسافٹ کو "ڈیجیٹل ہتھیاروں کا بنانے والا" اور "نسل پرستی، نگرانی، اور نسل کشی کا ساتھی" قرار دیا۔
یہ احتجاج اس رپورٹ کے چند روز بعد سامنے آئے جس میں انکشاف ہوا تھا کہ مائیکروسافٹ اور اوپن اے آئی کی ٹیکنالوجی اسرائیلی فوج کی غزہ اور لبنان میں کارروائیوں میں استعمال ہوئی ہے۔
مائیکروسافٹ نے اگرچہ ان الزامات کی تصدیق نہیں کی، لیکن کہا کہ "ملازمین کو اظہار رائے کی مکمل آزادی ہے، مگر یہ ادارے کی کاروباری سرگرمیوں میں خلل ڈالے بغیر ہونا چاہیے۔"
گزشتہ ماہ بھی پانچ مائیکروسافٹ ملازمین کو اسی طرح کے احتجاج پر ایک میٹنگ سے نکال دیا گیا تھا۔
حقوق انسانی کی تنظیمیں اور ملازمین کے حامی گروپس نے اس اقدام کو سیٹی بجانے والوں (whistleblowers) کے خلاف انتقامی کارروائی قرار دیا ہے۔ تنظیم نے مطالبہ کیا ہے کہ برطرف شدہ انجینیئرز کو بحال کیا جائے کیونکہ وہ انسانی حقوق کے لیے کھڑے ہوئے تھے۔
.
ذریعہ: Express News
کلیدی لفظ: مائیکروسافٹ نے انہوں نے
پڑھیں:
گریٹر اسرائیل منصوبے کی آخری منزل مدینہ اور مکہ ہے، طاہر اشرفی
لاہور میں پریس کانفرنس میں پاکستان علماء کونسل کے چیئرمین کا کہنا تھا کہ فلسطین کے حق میں پُرامن ریلیوں کا اہتمام کرتے رہنا چاہیے، اہل غزہ کی مدد کیلئے حکومت پاکستان اور تنظیموں کیساتھ تعاون کریں۔ اسلام ٹائمز۔ لاہور میں بحریہ ٹاون کی گرینڈ مسجد میں چیئرمین پاکستان علماء کونسل طاہر اشرفی نے پریس کانفرنس کی اور یوم یکجہتی فلسطین کی مناسبت سے گفتگو کی۔ انہوں نے کہا کہ فلسطین کے حق میں پُرامن ریلیوں کا اہتمام کرتے رہنا چاہیے، اہل غزہ کی مدد کیلئے حکومت پاکستان اور تنظیموں کیساتھ تعاون کریں۔ انہوں نے کہا کہ گریٹر اسرائیل منصوبے کی آخری منزل مدینہ اور مکہ شریف ہے، ہم اگر اسرائیل کیساتھ لڑ نہیں سکتے تو اسرائیلی مصنوعات کا بائیکاٹ ہم سب کو لازمی کرنا چاہیے۔
انہوں نے کہا کہ پاکستانی عوام، حکومت اور فوج اہل فلسطین کیساتھ شانہ بشانہ کھڑے ہیں، ہماری فوج کے سربراہ جنرل عاصم منیر نے فلسطینیوں کا ہمیشہ ساتھ دیا ہے، ان کے سفیر سے جی ایچ کیو میں میری ملاقات ہوئی تھی۔ انہوں نے کہا کہ آج پورا ملک یوم یکجہتی فلسطین منا رہا ہے اور پیغام دے رہا ہے کہ فلسطین ہمارا تھا، ہمارا ہے اور ہمارا ہی رہے گا۔ طاہر اشرفی نے اہل فلسطین سے مخاطب ہوتے کہا کہ ہم فاصلے میں آپ سے دور ہیں، مگر دل آپ کے قریب ہیں۔
افغانستان سے دراندازی پھر ناکام، 8 خوارج ہلاک، 4 گرفتار