مفرور یو ٹیوبرز اور جعلی دانشوروں کی ملک دشمنی!
اشاعت کی تاریخ: 9th, April 2025 GMT
کیا وجہ ہے کہ بیرون ملک مقیم بعض خواتین و حضرات انسانی حقوق اور جمہوریت کی نقاب اوڑھ کر پاکستان کے مفادات پر ضربیں لگا رہے ہیں۔گزشتہ کالم میں سوشل میڈیا سے ڈالر کمانے والے پیشہ ور کلاکاروں کا معاملہ بیان کیا جا چکا ہے۔ ان کلاکاروں کے ساتھ سر تال ملانے والا ایک طبقہ ان لوگوں پر مشتمل ہے جو اپنے معاشی مفادات کے تابع پاکستان چھو ڑ کر دوسرے ممالک میں مقیم ہیں۔ ا ن میں سے بہت سے مرد و زن وہ ہیں جو اپنے بال بچوں سمیت اب دوسرے ممالک کی شہریت حاصل کر چکے ہیں، انہیں سادہ لفظوں میں سابقہ پاکستانی بھی کہا جاسکتا ہے۔ ان کا جینا مرنا ، رہنا سہنا اور روزی روزگار اب ان ممالک سے وابستہ ہے جن کی شہریت حاصل کرنے کے لئے انہوں نے پاکستان کو چھوڑ دیا۔ مقام حیرت ہے کہ بیون ملک مقیم اس متمول طبقے کے پیٹ میں جمہوریت اور انسانی حقوق کا مروڑ اٹھ رہا ہے۔ افسوس اور تشویش اس بات پر ہے کہ اس طبقے نے پاکستان کے مفادات کے بر خلاف زہریلا پروپیگنڈہ شروع کر رکھا ہے۔ امریکہ میں مقیم بعض مٹھی بھر پیدا گیر اس گھنائونے کام میں پیش پیش ہیں۔ پاکستان منرل انوسٹمنٹ فورم کے انعقاد کا اعلان ہوتے ہی یہ طبقہ سوشل میڈیا پر متحرک ہو گیا ۔ اس سے قبل پاکستانی حکام اور بیرونِ ملک مقیم پاکستانیوں کے درمیان ہونے والے معمول کے رابطوں پر جھوٹی کہانیاں گھڑ کر ابہام پیدا کرنے کی کوششیں کی گئیں۔ خاص طور پر مغربی ممالک میں مقیم چند پاکستانی یوٹیوبرز ڈالر بٹورنے کے لئے گمراہ کن معلومات کی بنیاد پر سنسنی خیز جھوٹے بیانئے گھڑ کر ریاست کی مثبت کاوشوں کو ہدف تنقید بنا رہے ہیں۔ خاص طور پر امریکہ اور برطانیہ میں مقیم پاکستانی نژاد یوٹیوبرز اور ’’ایکس‘‘ (سابقہ ٹوئٹر)پر متحرک انفلوئنسرز حیدر مہدی، عادل راجہ، اور اینکیڈو و ری بورن، وجاہت مسعود اور مہ لقا صمدانی اس قابل مذمت مہم میں سرگرمی دکھا رہے ہیں۔ ان کی مخالفت بظاہر ذاتی مفادات کے تابع ہے ۔
ریاست پاکستان اور تارکین وطن کے درمیان مثبت تعلق کار کی ترویج سے ان انتشار پسند سوشل میڈیائی کلاکاروں کے چینلز کی مقبولیت متاثر ہو سکتی ہے ۔ پاکستان کی معاشی بربا دی اور ڈیفالٹ کے جس جھوٹے بیانئے کا چورن بیچ کر یہ فسادی ڈالر بٹور تے رہے ہیں اس کا تقاضا ہے کہ پاکستان کے بارے میں کوئی مثبت خبر عوام تک نہ پہنچنے پائے۔ بیرونِ ملک مقیم تارکین وطن کے دورے اور ریاستی اداروں سے تعمیری رابطوں خبر نے فسادی طبقے کی نیندیں حرام کر دی ہیں ۔ ماضی میں یہ سوشل میڈیائی پیدا گیر تحریک انصاف کے بعض راہ گم کردہ مداریوں کے تعاون سے ریاست مخالف پروپیگنڈے میں شریک کار بنے رہے تھے۔ اب صورتحال یہ ہے کہ بانی تحریک انصاف عمران خان کی جانب سے تارکین وطن سے سے رابطوں کی حمایت کے باوجود مفرور یو ٹیوبرز ریاست کی جانب سے شروع کئے جانے والے مکالمے کی مخالفت کرتے ہوئے انتشار پھیلانے میں مصروف ہیں۔ چترالی ٹوپی سر پر سجائے یوٹیوبر وجاہت سعید خان نے یہ جھوٹا دعوی بھی کیا کہ پاکستانی حکام سے ملاقاتیں اور رابطے کرنے والے تارکین وطن ’’فارن ایجنٹس رجسٹریشن ایکٹ‘‘(FARA) کی خلاف ورزی کے مرتکب ہوئے ہیں۔
حقیقت یہ ہے کہ FARA کا اطلاق صرف مالی لین دین یا لابنگ کی سرگرمی کی صورت میں ہوتا ہے۔ اگر کوئی مالی لین دین نہ ہو تو کسی امریکی قانون کی خلاف ورزی نہیں ہوتی۔ مفروریوٹیوبرز مغربی ممالک میں دانستہ طور پر جھوٹی گمراہ کن معلومات پھیلا رہے ہیں۔ ان کی آمدنی کا انحصار پاکستان میں سیاسی عدم استحکام اور انتشار پھیلنے پرہے۔ پاکستان کے قومی مفادات کے خلاف منفی مواد فروخت کر کے ہی یہ وطن فروش پیدا گیر ماضی میں بھی ڈالر بٹورتے رہے ہیں ۔ ان انتشار پسندوں کا ماضی قریب میں تحریک انصاف سے گہرا تعلق نہایت تشویش ناک معاملہ بن چکا ہے۔ سوال یہ ہے کہ کیا پی ٹی آئی کی حکمتِ عملی ان یوٹیوبرز کی سنسنی خیزی پر مبنی ہونی چاہیے، یا پارٹی قیادت کے فیصلوں اور قومہ مفادات کے تابع ہونی چاہئے۔ ’’اوورسیز پاکستانی کنونشن‘‘اسی ماہ منعقد ہو رہا ہے، اس اجتماع کا مقصد دیرینہ مسائل کیحل، باہمی تعاون کے فروغ ، اور ریاستی ترقی کے مواقع پیدا کرنا ہے۔ اسی طرح پاکستان میں زیر زمین پائے جانے والے معدنیاتی ذخائر کے بہتر استعمال کے لئئے بیرونی سرمایہ کاری کے حصول کے لئے منرل انوسٹمنٹ کانفرنس کے انعقاد پر بھی انتشاری ٹولہ تلملا رہا ہے۔ مہ لقا صمدانی جیسے متنازعہ ٹریک ریکارڈ رکھنے والے سیاست زدہ نام نہاد دانشور امریکی عہدہداروں سے یہ اپیلیں کر رہے ہیں کہ اس اہم کانفرنس کا بائیکاٹ کر دیں۔ ملکی مفاد کو ٹھیس پہنچانے والی اس زہریلی مہم کی جتنی مذمت کی جائے وہ کم ہے۔ قومی مفاد کے برعکس انتشاری یوٹیوبرز تمام مثبت اقدامات کے بارے میں منفی پروپیگنڈہ کر رہے ہیں۔ سوشل میڈیا پر ملک دشمن پروپیگنڈہ پھیلانے والے مفرور یو ٹیوبرز اور پاکستان کی شہریت ترک کر کے بیرون ملک ڈالر بٹورنے والے جعلی دانشوروں کا محاسبہ کرنے کے لئے قوم کو یکجا ہونا پڑے گا۔
ذریعہ: Daily Ausaf
کلیدی لفظ: پاکستان کے تارکین وطن مفادات کے ملک مقیم رہے ہیں کے لئے
پڑھیں:
پی ٹی آئی نے دریائے سندھ سے کینال نکالنے کے منصوبے پر مشترکہ مفادات کونسل کا اجلاس بلانے کی قرارداد پیش کر دی
پی ٹی آئی نے دریائے سندھ سے کینال نکالنے کے منصوبے پر مشترکہ مفادات کونسل کا اجلاس بلانے کی قرارداد پیش کر دی WhatsAppFacebookTwitter 0 10 April, 2025 سب نیوز
اسلام آباد: پاکستان تحریک انصاف (پی ٹی آئی) نے دریائے سندھ سے کینال نکالنے کے معاملے پر ایک قرارداد اسپیکر آفس میں جمع کرادی ہے، جس میں اہم مطالبات پیش کیے گئے ہیں۔
قرارداد اپوزیشن لیڈر قومی اسمبلی عمر ایوب خان، پارلیمانی لیڈر پی ٹی آئی زرتاج گل، علی محمد خان، مجاہد خان اور دیگر اراکین کے دستخط پر جمع کرائی گئی۔ اس میں فوری طور پر مشترکہ مفادات کونسل (CIC) کا اجلاس طلب کرنے کی درخواست کی گئی ہے تاکہ کینال کی تعمیر کے حوالے سے مسائل کا حل نکالا جا سکے۔
قرارداد کے مطابق:
مشترکہ مفادات کونسل کا اجلاس پندرہ روز میں طلب کیا جائے۔
کینال کی تعمیر کے حوالے سے سندھ کے تحفظات کو دور کیا جائے۔
چولستان کینال منصوبے پر مشترکہ مفادات کونسل کی منظوری تک کام روکا جائے۔
ساٹھ روز کے اندر ارسا اتھارٹی کی جانب سے جاری کردہ پانی کی دستیابی سرٹیفیکیٹ پر غیر جانبدار آڈٹ کرایا جائے۔
91 والے پانی تقسیم کے معاہدے پر مکمل عمل درآمد ہونے تک اور کوٹڑی بیراج ڈاؤن اسٹریم سے دس ملین ایم اے ایف پانی نہ جانے تک اس منصوبے پر عمل درآمد روکا جائے۔
یہ قرارداد اس بات کو اجاگر کرتی ہے کہ منصوبے کی تکمیل کے دوران تمام صوبوں کی آراء اور تحفظات کا احترام کیا جائے اور تمام قانونی تقاضوں کی تکمیل ضروری ہے۔
حسینہ گھر کی نہ گھاٹ کی