ٹی20 کرکٹ ٹیم کی کپتانی سے ہٹائے جانے پر شاہین شاہ آفریدی نے کیا کہا؟
اشاعت کی تاریخ: 9th, April 2025 GMT
فاسٹ بولر شاہین شاہ آفریدی نے نیوزی لینڈ کیخلاف ٹی20 سیریز میں پاکستان کی ناکامی بعد کپتانی سے ہٹائے جانے پر اپنے خیالات کا اظہار کرتے ہوئے کہا ہے کہ پاکستانی کرکٹ ٹیم کی کپتانی ان کے لیے ایک قابل فخر لمحہ تھا۔
نیوزی لینڈ کے خلاف پانچ میچوں کی ٹی20 میچوں کی سیریز میں پاکستان کی قیادت کرنے والے شاہین شاہ آفریدی نے کرکٹ پاکستان کے ساتھ ایک خصوصی انٹرویو میں کہا کہ انہیں خوشی ہے کہ وہ پاکستان کے کپتان تھے۔
یہ بھی پڑھیں: نیوزی لینڈ کے خلاف پاکستانی ٹیم کو ایک اور شکست، ’کلب لیول کا بولر بھی شاہین آفریدی سے اچھی بالنگ کرلیتا‘
شاہین آفریدی سے پوچھا گیا کہ کپتانی سے ہٹائے جانے پر ان کا دل تو نہیں ٹوٹ گیا، تو انہوں نے مزاحیہ انداز میں جواب دیا کہ ان دنوں میرا دل نہیں ہے، تاہم انہوں نے اس کی مزید وضاحت سے گریز کرتے ہوئے کپتانی کو اپنے لیے قابل فخر لمحہ قرار دیا۔
’آپ کو فخر ہے کہ آپ نے پاکستان کے لیے کچھ کیا ہے، مجھے ہمیشہ خوشی ہوتی ہے جب کوئی پاکستان کے لیے میچ جیتتا ہے، کسی نے اچھی بیٹنگ کی ہے، مجھے کسی بھی میدان میں پاکستان کی نمائندگی کرنے پر ہمیشہ فخر ہے۔‘
مزید پڑھیں: جسے دیکھو شاہد آفریدی بنا ہوا ہے، نئے لڑکوں میں ٹیلنٹ نظر نہیں آرہا، شاہد آفریدی کی ٹیم پر سخت تنقید
شاہین آفریدی نے ورک لوڈ مینجمنٹ اور کسی بھی فارمیٹ سے ’آپٹ آؤٹ‘ کرنے کے بارے میں بھی اپنے خیالات کا اظہار کیا، ان کا کہنا تھا کہ انہوں نے کبھی پاکستان کے لیے کرکٹ کا کوئی فارمیٹ چھوڑنے کا نہیں سوچا۔
’جب سے میں نے کرکٹ کھیلنا شروع کی ہے، میں نے ہمیشہ پاکستان کے لیے پرفارمنس دینے کا سوچا ہے، اللہ نے مجھے اس میں بہت عزت دی ہے، میں ہمیشہ کرکٹ کھیلنے سے لطف اندوز ہونا چاہتا ہوں۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹی20 شاہین شاہ آفریدی فارمیٹ فاسٹ بولر کرکٹ کرکٹ پاکستان.ذریعہ: WE News
کلیدی لفظ: ٹی20 شاہین شاہ ا فریدی فارمیٹ فاسٹ بولر کرکٹ کرکٹ پاکستان پاکستان کے لیے شاہین شاہ ان کے لیے
پڑھیں:
پی ایس ایل؛ پلیئر ٹریکنگ ٹیکنالوجی بھی متعارف کروادی گئی
پاکستان سپر لیگ (پی ایس ایل) کے 10ویں ایڈیشن کیلئے پلیئر ٹریکنگ ٹیکنالوجی متعارف کروانے کا اعلان کردیا۔
بورڈ کی جانب سے جاری کردہ اعلامیے کے مطابق اس ٹیکنالوجی سے کھلاڑیوں کی نقل و حرکت بشمول فیلڈرز کے کوآرڈینیٹ، بولر کے رن اپ اور بیٹنگ اسٹانس کو ہر ایک ڈلیوری پر فریم بہ فریم ٹریک کیا جائے گا۔
اسی طرح ٹیکنالوجی کھیل کے مختلف پہلوؤں کا بال بائی بال ریکارڈ بھی رکھے گی۔
مزید پڑھیں: پی ایس ایل10؛ "میچ آفیشل ٹیکنالوجی" کیا امپائرز کو فائدہ ہوگا؟
چیف ایگزیکٹیو آفیسر پی ایس ایل سلمان نصیر کا کہنا ہے کہ پلیئر ٹریکنگ ٹیکنالوجی پی ایس ایل کو جدید کرکٹ براڈکاسٹنگ بنانے کی جانب ایک اور قدم ہے۔
مزید پڑھیں: فرنچائز ٹیم ڈائریکٹر نے دورباہ پی ایس ایل کھیلنے کا عندیہ دیدیا
قبل ازیں پاکستان کرکٹ بورڈ (پی سی بی) نے میچ میں شفافیت اور امپائر کو فیصلوں میں مدد کیلئے میچ آفیشل ٹیکنالوجی متعار کروائی تھی۔
حسینہ گھر کی نہ گھاٹ کی