علیمہ اور دیگر نے پنجاب پولیس سے’اوبر سروس‘ لی، عظمیٰ بخاری
اشاعت کی تاریخ: 8th, April 2025 GMT
وزیر اطلاعات پنجاب عظمیٰ بخاری نے بانی پی ٹی آئی کی تینوں بہنوں کی گرفتاری کی تردید کردی۔
لاہور سے جاری بیان میں عظمیٰ بخاری نے کہا کہ پنجاب پولیس نے بانی پی ٹی آئی کی بہنوں سمیت کسی خاتون کو گرفتار نہیں کیا۔
انہوں نے مزید کہا کہ بانی پی ٹی آئی کی بہن علیمہ خان اور دیگر خواتین نے پنجاب پولیس کی گاڑی سے ’اوبر سروس‘ حاصل کی ہے۔
وزیراطلاعات پنجاب نے یہ بھی کہا کہ علیمہ خان اور ہمنوا خود ہی پولیس وین میں بیٹھیں اور خواجہ سروس اسٹیشن پر پہنچ کر خود ہی اتر گئیں۔
اُن کا کہنا تھا کہ بانی پی ٹی آئی سے جھوٹی ہمدردیاں دکھانے کےلیے فلاپ شو کیا گیا، ایک طرف یہ معافیاں مانگتے دوسری طرف سازشیں کرتے ہیں۔
.ذریعہ: Jang News
کلیدی لفظ: بانی پی ٹی ا ئی
پڑھیں:
تھیٹر کیلئے نیا قانون اگلے ہفتے، 17 اپریل کو کلچر ڈے منایا جائے گا: عظمٰی بخاری
لاہور (نوائے وقت رپورٹ) وزیراطلاعات پنجاب عظمیٰ بخاری نے کلچرل رپورٹرز سے خصوصی ملاقات کے دوران صوبے میں تھیٹر اور ثقافتی سرگرمیوں کے فروغ کے حوالے سے اہم اعلانات کیے۔ انہوں نے بتایا کہ تھیٹرز کے لیے نیا قانون آئندہ ہفتے متعارف کرایا جائے گا، جس کی تیاری تمام سٹیک ہولڈرز کی مشاورت سے کی جا رہی ہے۔ میری خواہش ہے کہ تھیٹرز کا ماحول مکمل طور پر فیملی فرینڈلی ہو۔ ہر شہری بلا خوف و خطر اپنی فیملی کے ساتھ تھیٹر دیکھنے آسکے۔ جو تھیٹرز میں فحاشی کو فروغ دے گا، اسے پہلے تین نوٹس جاری کیے جائیں گے اور اس کے بعد پنجاب بھر میں تاحیات پابندی عائد کر دی جائے گی۔ وزیر اطلاعات پنجاب نے مزید کہا کہ اگر ان کے محکمے کا کوئی افسر فحاشی پھیلانے والوں کا معاون ثابت ہوا تو اسے محکمہ سے فوری طور پر فارغ کر دیا جائے گا۔ الحمرا لاہور میں جلد ایک نیا فیملی تھیٹر شروع کیا جا رہا ہے تاکہ معیاری تفریحی سرگرمیوں کو فروغ دیا جا سکے۔ پنجاب سینسر بورڈ کو آئندہ دو سے تین روز میں ازسرنو تشکیل دیا جائے گا تاکہ ثقافتی اقدار کے تحفظ کو مزید موثر بنایا جا سکے۔ پاکستانی سٹیج ڈرامے دنیا بھر میں اپنی منفرد پہچان رکھتے ہیں۔ ہم چاہتے ہیں کہ یہ روایت اعلیٰ معیار اور اخلاقی قدروں کے ساتھ جاری رہے۔ پنجاب حکومت 17 اپریل کو کلچر ڈے بھرپور جوش و خروش سے منائے گی، جس میں وزیراعلیٰ مریم نواز خود شرکت کریں گی۔ عظمیٰ بخاری نے اپنے خطاب میں کہا کہ ان کی تربیت کسی کی تضحیک کرنے کی نہیں بلکہ مثبت تبدیلی لانے کی ہے۔ اب پنجاب آرٹس کونسل کے نوٹس کو سنجیدگی سے لیا جائے گا اور اس پر سختی سے عملدرآمد ہوگا۔ اس موقع پرڈی جی پی آر غلام صغیر شاہد، ڈی جی پکار تنویر ماجد اور ایگزیکٹو ڈائریکٹر الحمرا توقیر کاظمی بھی موجود تھے۔
پی ٹی آئی کا متنازعہ انٹرا پارٹی الیکشن؛ الیکشن کمیشن 8 اپریل کو سماعت کریگا